ފިޔަވަޅު އެޅިޔަސް ޖޫރިމަނާ ކޮށްގެން ފައިސާ ހޯދާކަށް ވޯޓެއް ނުދޭނަން: އިބްރާހީމް ރަޝީދު

ފިހާރަތަކުން ދޭ ކޮންމެ ޕްލާސްޓިކް ކޮތަޅަކުން ދެރުފިޔާ އަގުބޮޑުކުރަން ނިންމުމާއި ގުޅިގެން ރައްޔިތުންގެ މަޖިލީހުގެ މާފަންނު މެދު ދާއިރާގެ މެމްބަރު އިބްރާހިމް ރަޝީދު (ބޮންޑެ) ނުރުހުން ފާޅުކުރައްވައިފިއެވެ.

އެ ނިންމުމާއި ގުޅިގެން ބޮންޑެ ނުރުހުން ފާޅުކުރައްވާ ކުރެއްވި ޓްވީޓެއްގައި ވިދާޅުވީ ކޯވިޑް ނަވާރައިގެ ސަބަބުން ފުދުންތެރިކަން ދަށްވި އާންމު ރައްޔިތުންނަށް މީގެ ކުރިން ހިލޭ ލިބެމުން ދިޔަ ޕްލާސްޓިކް ކޮތަޅުން 5000 ރުފިޔާ އާއި 50000 ރުފިޔާއާއި ދެމެދުގެ ޖޫރިމަނާއެއް ނެގުމަކީ އަނިޔާވެރިކަމެއް ކަމަށެވެ.

އަދި އެކަން ކުރަން ވޯޓު ނުދެއްވާނެކަމަށް އޭނާ ވިދާޅުވިއެވެ. އަދި ވިދާޅުވީ އޭނާ އާއި ދޭތެރޭގައި ފިޔަވަޅު އެޅިނަމަވެސް އެގޮތަށް އެކަން ކުރަން ތާއީދު ނުކުރައްވާނެކަމަށެވެ.

ފިހާރަތަކުން ވިޔަފާރި ކުރުމުން ދޭ ޕްލާސްޓިކް ކޮތަޅުން ދެ ރުފިޔާގެ ފީއެއް ނަގަން ޖެހޭ ގޮތަށް ކުނި މެނޭޖުކުރުމާ ބެހޭ ބިލު ރައްޔިތުންގެ މަޖިލީހުން ވަނީ ފާސްކޮށްފައެވެ.

ސަރުކާރުގެ ފަރާތުން ކޮމަންޑޫ ދާއިރާގެ މެމްބަރުން މުހައްމަދު ރަޝީދު ހުށަހެޅުއްވި އެ ބިލު ދިރާސާކޮށް، މަޖިލީހުގެ ތިމާވެއްޓާ ބެހޭ ކޮމިޓީން އެކުލަވާލި ރިޕޯޓް ފާސްކުރީ 52 މެމްބަރުންގެ ވޯޓާ އެކު އެވެ.

އެ ބިލުގައި އޮތީ ފިހާރަތަކުން މުދާ ވިއްކާއިރު، ޕްލާސްޓިކް ކޮތަޅަށް ލާފައި ތަކެތި ވިއްކާ ނަމަ، ކަސްޓަމަރުންގެ އަތުން ކޮތަޅަކަށް ދެ ރުފިޔާގެ ފީއެއް ނަގަން ޖެހޭ ގޮތަށެވެ. ދައުލަތުން އަންނަ އަހަރަށް ކަނޑައެޅި ބަޖެޓުގައި ވެސް އެކަން ކުރަން އޮތީ ހިމަނައިފަ އެވެ.