ރައީސް އަމީނާމެދު ކަންތައް ކުރި ގޮތަށް އެއްވެސް ވެރިޔަކާމެދު ކަންތައް ވާކަށް ނޭދެން: މުޙައްމަދު އަބްދުالله ޝަފީގު
ރައީސް އަމީނާމެދު ކަންތައް ކުރި ގޮތަށް އެއްވެސް ވެރިޔަކާމެދު ކަންތައް ވާން އެދިނުލައްވާ ކަމަށް އެމްޑީޕީއަށް ނިސްބަތްވެ ވަޑައިގަންނަވާ މަޖިލީހުގެ ކުރީގެ ވެލިދޫ ދާއިރާގެ މެންބަރު މުޙައްމަދު އަބްދުالله ޝަފީޤު (މޯޑް) ވިދާޅުވެއްޖެއެވެ.
އެމްޑީޕީން އިއްޔެ ބޭއްވި ނޫސްވެރިންގެ ބައްދަލުވުމުގައި ފައްޔާޒް ވަނީ އަދުގެ ރައީސުލްޖުމްހޫރިއްޔާ ރައްޔިތުންނަށް ދެރަދޭ އުސޫލުން ކަންކުރާނަމަ، ކުރީގެ ރައީސް މުހައްމަދު އަމީން އަށް ހެދިގޮތް ހަދަންޖެހޭ ކަމަށް ވިދާޅުވެފައެވެ.
”ރައްޔިތުންނަށް ދެރަ ދިނީމަ، ހަމަ މުޙައްމަދު އަމީނަށް ހެދިހެން ހަދަން ޖެހޭނީ. އެހެން ކޮން ގޮތެއްތޯ ހަދާނީ؟ އެއީ ދިވެހިރާއްޖޭގެ ތާރީޚު“ ފައްޔާޒު އިސްމާޢީލް ވިދާޅުވިއެވެ.
އެކަމާއިގުޅިގެން، ފައްޔާޒަށް ރައްދު ދެއްވައި އަމީން ދީދީގެ ކާފަދަރިން އެކްސްގައި ކުރެއްވި ޕޯސްޓަކަށް ކުރެއްވި ކޮމެންޓެއްގައި މޯޑު ވިދާޅުވީ، ދިވެހި ތާރީޚްގެ ކަޅު އެޞަފުޙާ އިއާދަވާން އެދިނުލައްވާ ކަމަށެވެ.
އެމްޑީޕީން އިއްޔެ ނޫސްވެރިންގެ ބައްދަލުވުން ބާއްވާފައިވަނީ އެޕާޓީން މިރޭ ބޭއްވުމަށް ހަމަޖެހިފައިވާ ބޮޑު ޖަލްސާއަށް ތައްޔާރުވުމާ ގުޅޭގޮތުން މައުލޫމާތު ދިނުމަށެވެ.
ނޫސްވެރިންނާ ވާހަކަދައްކަވަމުން ފައްޔާޒް ވަނީ ކުރީގެ ރައީސް އަމީން އާ ގުޅޭގޮތުން އެމްޑީޕީގެ އެކްޓިވިސްޓަކު ދެއްކި ވާހަކަ ދިފާއުކޮށް ވާހަކަދައްކަވާފައެވެ. އެގޮތުން ރައްޔިތުންނަށް ދެރަދޭ އުސޫލުން ކަންކުރާނަމަ އަމީން ދީދީއަށް ހަދާލިގޮތުން ނޫން ދެން އިތުރުގޮތެއް ނެތްކަމަށް ވިދާޅުވެފައެވެ. ފައްޔާޒު ވިދާޅުވީ އެހެން ބުނި މީހަކު އެގޮތަށް ބުނެފައިވަނީ ރައީސް ޑރ.މުއިއްޒުއަށް ނަސޭހަތަކަށް ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
