އޭދަފުށީގައި 1000 ހައުސިން ޔުނިޓް އެޅުމުގެ އެއްބަސްވުމުގައި ސޮއިކޮށްފި

އާބަން ސެންޓަރެއްގެ ގޮތުގައި ތަރައްޤީކުރުމަށް ނިންމާފައިވާ ބ.އަތޮޅު އޭދަފުށީގައި 1،000 ހައުސިން ޔުނިޓް އެޅުމުގެ އެއްބަސްވުމުގައި މިއަދު ސޮއިކޮށްފިއެވެ.

މި އެއްބަސްވުމުގައި ދިވެހި ސަރުކާރުގެ ފަރާތުން ސޮއިކުރެއްވީ، ކޮންސްޓްރަކްޝަން އެންޑް އިންފްރާސްޓްރަކްޗާ މިނިސްޓަރު ޑރ. އަބްދުﷲ މުއްތަލިބެވެ. މަސައްކަތުގެ ކޮންޓްރެކްޓަރުގެ ހައިސިއްޔަތުން ސޮއިކުރެއްވީ, ޗައިނާގެ ސައިނޯ ހައިޑްރޯ ކުންފުނީގެ ކަންޓްރީ މެނޭޖަރު ޕެން ގުއާންޝޫ އެވެ.

މި ހަފްލާގައި ވާހަކަދައްކަވަމުން މިނިސްޓަރު މުއްތަލިބް ވިދާޅުވީ އޭދަފުށީގައި ބޯހިޔާވަހިކަމުގެ މި މަޝްރޫޢު ކުރިއަށްގެންދިއުމަށް މިހާހިސާބަށް މިއަދު އާދެވުނީ، އެރަށު ކައުންސިލާއި އަދި ހައުސިން މިނިސްޓްރީއާ ދެމެދު ކުރެވިގެންދިޔަ ވަރަށްގިނަ މަސައްކަތްތަކަކަށް ފަހުކަމަށެވެ.

މުއްތަލިބް ވިދާޅުވީ އޭފަދުއްޓަކީ ސަރުކާރުގެ އާބަންސެންޓަރުތައް ތަރައްޤީކުރުމުގެ ސިޔާށަތުގެ ޕްރޮގްރާމް ފެށުމަށް ވަރަށް އެކަށޭނެ ރަށެއް ކަމަށެވެ. އޭދަފުއްޓަކީ އެރަށް ކައިރީ ގިނަ އަދަދެއްގެ ރިސޯޓްތަކާއި، އަދި މާލެއާ އެރަށާ ދެމެދު ވަރަށް ރަނގަޅު ދަތުރުފަތުރުގެ ނިޒާމް ގާއިމްކުރެވިފައިއޮތް ރަށެއްކަމަށެވެ. މީގެ އިތުރުން ރަށުގައި ފެންވަރު ރަނގަޅު ތައުލީމީ ނިޒާމެއްވެސް ގާއިމްކުރެވިފައިވާކަމަށާއި، މިއީ އާބާދީ އެއްފަސްކުރުމަށް ވަރަށް އެކަށޭނެ ރަށެއްކަން މުއްތަލިބް ފާހަގަކުރެއްވިއެވެ

މި ޕްރޮޖެކްޓް ވެގެންދާނީ ރައީސުލްޖުމްހޫރިއްޔާގެ ވަރަށް މުހިއްމު ވައުދުފުޅެއް ކަމުގައިވާ ޓޫރިޒަމް ދާއިރާގައި މަސައްކަތްކުރާ ފަރާތްތަކަށް ބޯހިޔާވަހިކަމުގެ ފުރުސަތު އެބޭފުޅުން މަސައްކަތްކުރައްވާ ސަރަހައްދާއި ކައިރިތަނަކުން ލިބުމަށް މަގުފަހި ވެގެންދާނެ ޕްރޮޖެކްޓަކަށް

މުއްތަލިބް ވިދާޅުވިއެވެ

މި މަޝްރޫޢުގެ ދަށުން އޭދަފުށީގައި 15 ފަންގިފިލާގެ 12 ޓަވަރު އެޅިގެންދާނޭކަމަށް ކޮންސްޓްރަކްޝަން އެންޑް އިންފްރާސްޓްރަކްޗާ މިނިސްޓަރު ޑރ. އަބްދުﷲ މުއްތަލިބް ވަނީ ވިދާޅުވެފައެވެ. މިނިސްޓަރު ވިދާޅުވީ ޓަވަރުގައި ހިމެނޭނީ 2 ކޮޓަރީގެ 772 އެޕާޓްމަންޓާއި، 3 ކޮޓަރީގެ 336 އެޕާޓްމަންޓު ކަމަށެވެ.

އޭދަފުއްޓަކީ ބ އަތޮޅުގެ ވެރިކަންކުރާ ރަށެވެ. އެއަތޮޅުގެ ރަށްތަކުގެ ތެރެއިން އޭދަފުއްޓަކީ އެއް ރަށަކުން އެންމެގިނަ ވަސީލަތްތައް ލިބެން ހުރި ރަށެވެ.