ވިލިމާލެ ޑިންގީ ޖެޓީއާ ގޮނޑުދޮށް ހިމާޔަތް ކުރުމުގެ މަޝްރޫއު އެމްޓީސީސީއަށް
ލިޔުންތެރިޔާ
އަހުމަދު ހަމީދު އާދަމް
ވިލިމާލެ ޑިންގީ ޖެޓީއާ ގޮނޑުދޮށް ހިމާޔަތް ކުރުމުގެ މަޝްރޫއު އެމްޓީސީސީއާ ހަވާލުކޮށްފި އެވެ.
ވިލިމާލެ ބަނދަރު ޑިންގީ ޖެޓީ ހެދުމުގެ މަޝްރޫއުގެ ދަށުން 3،698 ސީބީއެމް ވެލި ބަނދަރު ތެރެއިން ނަގާ ނެރު ފުންކުރާނެ އެވެ.
އަދި 74 މީޓަރުގެ އެއްގަމު ވާޓަރު ރޭމްޕާއި ސިޑި ހިމެނޭހެން ތަރައްގީ ކުރާނެ އެވެ. މީގެ އިތުރުން ތިން މީޓަރުގެ ބޮޑުހިލަ ރިވެޓްމަންޓާއި 24 މީޓަރުގެ ބޮޑުހިލަ ބްރޭކްވޯޓާ އާއި 74 މީޓަރު ދިގު 2 މީޓަރު ފުޅާ ކޮންކްރީޓް ޖެޓީއެއް ތަރައްގީ ކުރާނެ އެވެ.
މި މަޝްރޫއުގެ 150 ދުވަސްތެރޭ ނިންމަން ޖެހެ އެވެ.
ވިލިމާލެ ގޮނޑުދޮށް ހިމާޔަތް ކުރުމުގެ މަޝްރޫއުގެ ދަށުން 1.1 ހެކްޓަރުގެ ސަރަހައްދަކަށް ވެލިއަޅާ ގޮނޑުދޮށް ތަރައްގީ ކުރުމާއި 150 މީޓަރުގެ ބޮޑުހިލަ ރިވެޓްމަންޓާއި 181 މީޓަރުގެ ބޮޑުހިލަ ސަބްމާރޖްޑް ބްރޭކްވޯޓާ އަދި ކުރިން ހަދާފައިވާ ބްރޭކްވޯޓަރގެ ތެރެއިން 60 މީޓަރުގެ ސަރަހައްދެއް ނެގުން ހިމެނެ އެވެ.
މި މަަސައްކަތް 180 ދުވަސްތެރޭ ނިންމަން ޖެހެ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
