ހުޅުމާލޭގައި ފާރުގަނޑުތަކަށް ހާއްސަ ކްލިނިކެއް ހުޅުވުން… ފޮޓޯ: ޕީއެސްއެމް ނިއުސް
ހުޅުމާލޭގައި ފާރުގަނޑުތަކަށް ހާއްސަ ކްލިނިކެއް ހުޅުވުން… ފޮޓޯ: ޕީއެސްއެމް ނިއުސް
ހަބަރު 17 Apr 2025 | 23:37

ހުޅުމާލެ ހޮސްޕިޓަލުގައި ފާރުގަނޑުތަކަށް ހާއްސަ ކްލިނިކް އެއް ހުޅުވައިފި

ހުޅުމާލޭ ހޮސްޕިޓަލުގައި ފާރުގަނޑުތަކަށް ޚާއްޞަ ފަރުވާދިނުމަށް އެޑްވާންސްޑް ވުންޑް ކެއަރ ކްލިނިކެއް ހުޅުވައިފިއެވެ.

މި ކްލިނިކް ރަސްމީކޮށް ހުޅުވައިދެއްވީ ހުޅުމާލޭ ހޮސްޕިޓަލުގައި ބޭއްވުނު ޚާއްޞަ ރަސްމިއްޔާތެއްގައި މާލެ ސިޓީ ގްރޫޕް އޮފްގެ ސީއީއޯ އިބްރާހިމް ޢަބްދުއްރައްޒާޤު ޙަލީމެވެ.

މި ރަސްމިއްޔާތުގައި ވާހަކަފުޅު ދައްކަވަމުން ސީއީއޯ އިބްރާހިމް ޢަބްދުއްރައްޒާޤު ޙަލީމް ވިދާޅުވީ، ބޮޑު އާބާދީއެއް އޮތް ހުޅުމާލޭގައި މިފަދަ ޚާއްޞަ ކްލިނިކެއް ޤާއިމުކުރެވުމަކީ ޞިއްޙީ ދާއިރާއަށް ލިބިގެންދިޔަ މުހިންމު ކުރިއެރުމެއް ކަމަށެވެ. އިތުރަށް ވާހަކަފުޅު ދައްކަވަމުން ސީއީއޯ ވިދާޅުވީ، ހުޅުމާލޭ ހޮސްޕިޓަލުން މިހާރުވެސް ފާރުގަނޑުތަކަށް ފަރުވާދިނުމުގެ ޚިދުމަތް ފޯރުކޮށްދެމުންދާ ކަމަށާއި، މި އަހަރުގެ މިހާތަނަށް އެކަނިވެސް 5000 އަށްވުރެ ގިނަ މީހުންނަށް މި ޚިދުމަތް ފޯރުކޮށްދެވިފައިވާ ކަމަށެވެ. އަދި މި އައު ކްލިނިކަކީ ޒަމާނީ ވަސީލަތްތަކާއެކު، ޚާއްޞަ މެނޭޖްމަންޓް އުސޫލުތަކެއްގެ ދަށުން ހިންގޭނެ ކްލިނިކެއް ކަމުގައިވެސް ސީއީއޯ އިބްރާހިމް ޢަބްދުއްރައްޒާޤު ޙަލީމް ފާހަގަކުރެއްވިއެވެ.

ކްލިނިކް ހުޅުވުމުގެ ރަސްމިއްޔާތަށްފަހު މަޢުލޫމާތު ދެއްވަމުން، އައިޖީއެމްއެޗްގެ ކޮންސަލްޓަންޓް ސަބް ސްޕެޝަލިސްޓް އިން ޕްލާސްޓިކް ސަރޖަރީ ޑރ. މުޙައްމަދު ވަޙީދު ވިދާޅުވީ، މީގެ ކުރިން ހުޅުމާލޭގައި ދިރިއުޅޭ ގިނަ ބަޔަކު ފަރުވާ ހޯދުމަށް މާލެއަށް ދަތުރުކުރަންޖެހޭ ކަމަށާއި، މި ކްލިނިކް ހުޅުވުމާއެކު އޭގެ ފަސޭހަކަން އެތައް ބަޔަކަށް ލިބިގެންދާނެ ކަމަށެވެ.

ދިގު މުއްދަތަކަށް ފާރުގަނޑެއް ޖެހިފައިވާ ބަލިމީހުން ފަރުވާ ހޯދުމަށް ދާންޖެހެނީ ވަރަށް ދުރަށް. އައިޖީއެމްއެޗުން ހަފުތާއަކު ދެ ފަހަރު ވުންޑް ކެއަރ ކްލިނިކްގެ ޚިދުމަތް ފޯރުކޮށްދެމުންދަނީ. މި ކްލިނިކް ހުޅުމާލޭ ހޮސްޕިޓަލުގައި ފެށުމުން އެ ފަރާތްތަކަށް ވަރަށް ބޮޑު ލުޔެއް ލިބިގެންދާނެ

ޑރ. މުޙައްމަދު ވަޙީދު

ދިގު މުއްދަތަކަށް ފާރުގަނޑުތަކަށް ފަރުވާ ހޯދާ މީހުންގެ ތެރޭގައި ހިމެނެނީ ހަކުރު ބަލީގެ ސަބަބުން ފާރުގަނޑު އުފެދިފައިވާ މީހުންނާއި، ބޮޑެތި ހާދިސާތަކުގެ ސަބަބުން ލިބޭ އަނިޔާތަކުގައި ދިގު މުއްދަތަކަށް ފަރުވާދޭންޖެހޭ މީހުންނެވެ. މީގެ އިތުރުން، އެނދުމަތިވެފައިވާ ދުވަސްވީ މީހުންނަށްވެސް ބައެއް ޙާލަތްތަކުގައި ފާރުގަނޑުތަކަށް ޚާއްޞަ ފަރުވާ ދޭންޖެހެއެވެ.

މީގެ ކުރިން ހުޅުމާލޭ ހޮސްޕިޓަލުގައި ފާރުގަނޑުތަކަށް ފަރުވާ ހޯދުމަށް ބަލިމީހާ ބޭނުންވާ ކޮންމެ ފަހަރަކު އެޕޮއިންޓްމަންޓް ހަދަންޖެހުނު ނަމަވެސް، އެޑްވާންސްޑް ވުންޑް ކެއަރ ކްލިނިކް ހުޅުވުމާއެކު، ބަލިމީހާ ކްލިނިކުގައި ރަޖިސްޓަރީކުރެވި، އެ ކްލިނިކުން ބަލިމީހާއަށް ދޭނެ ފަރުވާއާއި ބަލާނެ ދުވަސްތައްވެސް ކަނޑައަޅައި ހަމަޖައްސައިދޭނެއެވެ.

ފާހަގަކޮށްލެވޭ ކަމަކީ، ހުޅުމާލޭ ހޮސްޕިޓަލުން މި އަހަރުގެ މިހާތަނަށް ޖުމްލަ 5،076 މީހެއްގެ ފާރުގަނޑުތަކަށް ފަރުވާ ދީފައިވާކަމެވެ. މި އަދަދަކީ ހުޅުމާލޭގައި މިފަދަ ޚާއްޞަ ކްލިނިކެއްގެ މުހިންމުކަން ދައްކުވައިދޭ ހެއްކެކެވެ. މި އައު ކްލިނިކް ހުޅުވުމާއެކު، ހުޅުމާލޭގެ ރައްޔިތުންނަށް ފަސޭހަކަމާއެކު، ފެންވަރު ރަނގަޅު ޞިއްޙީ ޚިދުމަތެއް ލިބިގެންދާނެ ކަމަށް އުންމީދުކުރެވެއެވެ. އަދި މިއީ ޤައުމީ ފެންވަރުގައި ޞިއްޙީ ޚިދުމަތްތައް ފުޅާކޮށް، ރައްޔިތުންނާ ގާތުން ޚިދުމަތް ފޯރުކޮށްދިނުމުގެ މަސައްކަތުގައި އެޅުނު މުހިންމު ފިޔަވަޅެއް ކަމުގައި ދެކެވެއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ޑަބްލިއުއެޗްއޯގެ ސައުތު-އީސްޓް އޭޝިއާ ރީޖަނަލް ޑިރެކްޓަރުގެ މަގާމަށް ރާއްޖެއިން ޑރ. ޖަމްޝީދުގެ ނަން ހުށަހަޅައިފި
18 Nov 2026 ހަބަރު

ޑަބްލިއުއެޗްއޯގެ ސައުތު-އީސްޓް އޭޝިއާ ރީޖަނަލް ޑިރެކްޓަރުގެ މަގާމަށް ރާއްޖެއިން ޑރ. ޖަމްޝީދުގެ ނަން ހުށަހަޅައިފި

ދުނިޔޭގެ ސިއްހަތު ޖަމްއިއްޔާ (ޑަބްލިއުއެޗްއޯ) ގެ ދެކުނު އިރުމަތީ އޭޝިއާ ސަރަހައްދުގެ ރީޖަނަލް ޑިރެކްޓަރުގެ މަގާމަށް، ރާއްޖޭގެ ފަރާތުން ޑރ. އަހުމަދު ޖަމްޝީދު މުހައްމަދުގެ ނަން ހުށަހަޅައިފިއެވެ.