ދަރިފުޅު ބަނޑުގަ ރިއްސާފަ ހޮޑުލަނީ ތަ؟ ޑޮކްޓަރުގެ އިރުޝާދަކީ މިއީ!
ކުޑަ ދަރިފުޅު ބަނޑުގައި ރިއްސާފަ ހޮޑުލާނަމަ ކަން ކުރަންވި ގޮތުގެ އިރުޝާދު ކުޑަ ކުދިންގެ ޚާއްސަ ޑޮކްޓަރ ފައިސަލް ދެއްވަވައިފިއެވެ.
ކުޑަ ކުދިންގެ ޚާއްސަ ޑޮކްޓަރ އަޙްމަދް ފައިސަލް ކުރެއްވެވި ޓްވީޓެއްގައި ވިދާޅުވެފައިވަނީ ހައެއްކަ ކުދިން ބަނޑުގައި ރިއްސާފައި ހޮޑުލާތީ ފެނިއްޖެ ކަމަށެވެ. އަދި ބެލެނިވެރިނަށް އިރުޝާދު ދެއްވާފައިވަނީ ހޮޑުލާތީ ދޭ ބޭސްކޮޅެއް ދިނުމަށާއި ރަނގަޅަށް ދިޔާ އެއްޗެހިދިނުމަށެވެ. އަދި ފެންމަދުވެ ހީސްނުލާ 6 ގަޑިއިރަށްވުރެ ގިނަވަންޏާ ހޮސްޕިޓަލަށް ގެންދިޔުމަށެވެ.
ހެލްތް ޕްރެޓެކްޝަން އެޖެންސީ (އެޗްޕީއޭ) އިން ވެސް ވަނީ ބޭރަށް ހިންގުން ފެތުރޭތީ ސަމާލުކަން ދިނުމަށް އެދިފައެވެ. އަދި ބަލި ފެތުރުވުން ހުއްޓުވުމަށް ބާރު އެޅުމަށް ބަލިވެ އުޅޭނަމަ ސްކޫލަށް އަދި އޮފީސްތަކަށް ނުގޮސް އަރާމު ކުރުމަށް އިލްތިމާސް ކޮށްފައިވެއެވެ.
ގިނަ ގިނައިން ލޮނު ޕެކެޓް، ޖޫސް އަދި ސޫޕުފަދަ ދިޔާ ތަކެތި ބޭނުން ކުރުމަށާއި ކާބޯތަކެތި ތައްޔާރު ކުރުމުގެ ކުރިން އަތް ދޮވުމަށާއި ފާހާނާ ކުރުމަށް ފަހު އަތް ދޮވުމަށް އިލްތިމާސް ކޮށްފައިވެއެވެ.
އަދި ބޭރަށް ހިންގުމުގެ އިތުރަށް އާދަޔާއި ޚިލާފަށް ކަރުހިއްކުމާއި، ބޮލަށް އެނބުރުން އެރުމާއި، މާބޮޑަށް ވަރުދެރަވެ ދިޔާތަކެތި ބޭނުން ނުކުރެވޭ ވަރުވުމާއި، ކުޑަކަމު ދެވޭ މިންވަރު މަދުވުމާއި، ގިނަގިނައިން ހޮޑުލެވުމާއި، ހޮޑުގައި ނުވަތަ ބޮޑު ކަމުދާ ތަކެތީގައި ލޭގެ އަސަރު ހުރުން، އަދި އާދަޔާ ޚިލާފަށް ބަނޑުގައި ރިއްސުން ފަދަ ކަންކަން ފެންނަނަމަ ވީ އެންމެ އަވަހަކަށް ޑޮކްޓަރެއްގެ ލަފާ ހޯދުމަށް އެޗްޕީއޭ އިން އިރުޝާދު ދެއްވައިފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
