އީރާން އަދި ސަޢުދީ އިން އަލުން އެމްބަސީ ގާއިމް ކުރަނީ

ސަޢުދީޢަރަބިއްޔާ އާއި އީރާންގެ ހީނަރުވެ ކެނޑިފައި އޮތް ގުޅުން އަލުން ގާއިމް ކުރުމަށް ދެކެވުނު ސުލްޙައިގެ ވާހަކަތަކަށް ފަހު ދެ ޤައުމުގައި އެމްބަސީތައް ގާއިމް ކުރުމަށް ނިންމައިފިއެވެ.
މިކަމާއި ގުޅިގެން ވާހަކަ ދައްކަމުން އިރާންގެ ފޮރިން މިނިސްޓަރު ހުސެއިން އާމިރް އަބްދުاللهއިން ލުބްނާންގެ ވެރިރަށް ބެއިރޫތް ގައި ހުރެގެން ވާހަކަ ދައްކަމުން އެމްބަސީތައް ހުޅުވާނެ ވަކި ތާރީޚެއް ބުނެފައެއް ނުވެއެވެ.

ދެ ޤައުމުގެ ދެމެދުގައި އޮތް ގުޅުން އޮތް އިރު ގާއިމް ކުރެވުނު އެމްބަސީ ތައް ބަންދު ކޮށްފައިވަނީ 2016 ވަނަ އަހަރުއެވެ.
އިރާން އާއި ސަޢުދީ އާއި ދެމެދު އޮތް ޑިޕްލޮމެޓިކް ގުޅުންތައް ކަނޑައިލައި ފައި އޮންނަތާ 7 އަހަރު ވެއްޖެއެވެ. ދެ ޤައުމުގެ ހީނަރުވެފައި އޮތް ގުޅުން ތައް އަލުން ބަލުން ގުޅުވުމަށް މެދުވެރިއެއްގެ ބައި އަދާކޮށްފައި ވަނީ ޗައިނާ އިންނެވެ.

"ފިޠުރު ޢީދު ދުވަހު ދެ ޤައުމުގެ ފޮރިންގ މިނިސްޓަރުން ފޯނުން ގުޅައި ދެކެވުނު ވާހަކަ ތަކުގައި އެެއްބަސް ވެވުނީ ތެހެރާން ގައި ސަޢުދީގެ އެމްބަސީ އަލުން ހުޅުވުމަށާއި ރިޔާދްގައި އިރާންގެ އެމްބަސީ އަލުން ހުޅުވުމަށް"  އިރާންގެ ފޮރިންގ މިނިސްޓަރު އާމިރް ބުނެފައިވެއެވެ.

އިރާން އާއި ސަޢުދީ އާއި ދެމެދު އޮތް ގުޅުމަށް ބުރޫ އަރަން ފެށީ 2015 ގައެވެ. ޔަމަން ހަނގުރަމައިގައި އިރާން އިން ހުތީންނަށް ވާގިވެރިވި ކަމަށް ދެކެވުނު ވާހަކައިގެ ތެރެއިން، ސަޢުދީ އަރަބިއްޔާ އާއި އިއްތިހާދުން އިރާންގެ ދާޚިލީ ކަންކަމަށް ނުފޫޒު ފޯރުވާ ކަމަށް ބުނެއެވެ.

އިރާން އާއި ސަޢުދީ އާއި ދެމެދު އުފެދުނު ހަމަނުޖެހުން ތަކުގެ ސަބަބުން ގެއްލުންވެ ނުތަނަވަސް ކަން އުފެދުނީ އެ ދެޤައުމުގެ ދެމެދުގައި އެކަންޏެއް ނޫނެވެ. އެ ހަމަނުޖެހުން ތަކުގެ ސަބަބުން އެ ސަރަހައްދުގައި ވެސް ނުތަނަވަސް ކަން  އޮތީ އުފެދިފައެވެ. އަދި ސިރިޔާގެ ދަޚިލީ ހަނގުރާމަ އަށް ވެސް މިކަމުގެ އަސަރުތައް ވަނީ ކޮށްފައެވެ.