މަނަދޫ ބަނދަރުގެ މަސައްކަތުގެ 55 ޕަސެންޓް ނިމިއްޖެ: އެމްޓީސީސީ
ނ މަނަދޫ ގައި ހަދަމުންއަންނަ އެރަށު ބަނދަރުގެ މަސައްކަތުގެ 55 ޕަސެނެޓް މަސައްކަތ ނިމިއްޖެކަމަށް އެމަޝްރޫޢު ކުރިއަށްގެންދާ ކުންފުނި އެމްޓީސީސީއިން ބުނެފިއެވެ.
އެމްޓީސީސީން ބުނެފައިވަނީ މިމަޝްރޫޢުގެ ދަށުން ކުރިއަށްދާ ނެރު ބޭރުތޮށި ލުމާއި ރޭމްޕް ހެދުމުގެ މަސައްކަތްވެސް މިހާރު ނިމިފައިވާކަމަށެވެ.
މި މަޝްރޫޢުގެ ދަށުން، 29،038 ކިއުބިކް މީޓަރުގެ ސަރަޙައްދެއްގެ ބަނދަރު ފުންކުރުމާއި، 195 މީޓަރުގެ ސަރަޙައްދެއްގައި ބޭރުތޮށި ލުމާއި، 188 މީޓަރުގެ ސަރަޙައްދެއްގައި ރިވެޓްމެންޓް ޖެހުން ހިމެނެއެވެ. އަދި ހަމަ މިމަޝްރޫޢުގެ ދަށުން ކޮންކްރީޓް ބްރިޖެއް ހެދުމާއި، ރޭމްޕެއް ހެދުމާއި، ނެރު ބައްތި ހަރުކުރުމުގެ މަސައްކަތް ކުރިއަށްދާނެކަމަށް އެމްޓީސީސީން ހާމަކޮށްފައިވެއެވެ. މި މަޝްރޫޢަކީ 30.3 މިލިއަން ރުފިޔާގެ މަޝްރޫޢެއް ކަމަށްވެސް އެމްޓީސީސީއިން ބުނެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
