މުޢިއްޒުގެ ވެރިކަމުގައި ތެލެސީމިއާ ކުދިންނަށް ޚާއްސަ އެލަވަންސް އެއް ދެނީ!
ޕީޕީއެމް/ޕީއެންސީގެ ކެންޑިޑޭޓު ޑރ. މުހައްމަދު މުޢިއްޒު ގެ ވެރިކަމެއްގައި ތެލެސީމިއާ ކުދިންނަށް ޚާއްސަ އެލަވަންސް އެއް ދެއްވާނެ ކަމަށް ވައުދުވެވަޑައިގެންފިއެވެ.
ރޭ ރ. ދުވާފަރުގައި ބޭއްވި ކެންޕެއިން ޖަލްސާގައި ވާހަކަ ދައްކަވަމުން މުޢިއްޒު ވިދާޅުވީ، ޕީޕީއެމް/ޕީއެންސީގެ ސަރުކާރު ވާނީ ހަމައެކަނި، އުމްރާނީ ތަރައްގީއާ އިގްތިޞާދީ ގޮތުން ކުރިއެރުންތައް ގެނެސްދޭ ސަރުކާރަކަށް ނޫން ކަމަށެވެ. އެހެނެއް ކަމަކު، އެ ސަރުކާރަކީ އޯގާތެރި އަޅާލާ ސަރުކާރަކަށް ވެގެން ދާނެ ކަމަށް މުޢިއްޒު ވިދާޅުވިއެެވެ.
އެހެންކަމުން އެހެން ސަރުކާރު ތަކުން އަޅާނުލާ ދޫކޮށްލާފައިވާ ފަރާތްތަކަށް، އެންމެ ސަމާލުކަން ދޭ ފަރާތްތަކަށް ދޭ ވަރަށް އިސްކަންދީގެން ކުރިއަށް ދާނެ ސަރުކާރަކަަށް ޑރ. މުއިއްޒުގެ ސަރުކާރު ވެގެން ދާނެ ކަމަށް ވިދާޅުވިއެވެ.
"އެގޮތުން ކުރީ ދުވަހު ޖަލްސާއެއްގައި އަޅުގަނޑު ދަންނަވާލިން، އަޅުގަނޑުމެންގެ ސިޔާސަތުގެ ތެރޭ ހިމެނޭނޭ، ތެލެސީމިއާ ކުދިންގެ ތެރެއިން ބޯންމެރޯ ޓްރާންސްޕްލާންޓް ހަދަން ޖެހޭ ކުދިންގެ އެކަމަށްޓަކައި ކުރަންޖެހޭ ހުރިހާ ޚަރަދެއް އަޅުގަނޑުމެން ސަރުކާރުން އެކަން ކޮށްދޭނެ ވާހަކަ." ޑރ. މުޢިއްޒު ވިދާޅުވިއެވެ.
އޭގެ އިތުރަށް ދަންނަވާލަން ބޭނުން ވަނީ، އެގޮތަށް ތެލެސީމިއާ ގެ ލޭ އަޅަންޖެހޭ ކުދިންނަށް، ކޮންމެ މަހަކު އެ ގޯ ތުރޫ ކުރަންޖެހެނީ ވަރަށް ބޮޑު ތަކުލީފެއް. އެހެންވީމާ ސަރުކާރުގެ ނިޒާމުގެ ތެރެއިން، މިފަދަ ކުދިންނަށް، ކޭ އަޅަންޖެހޭ ކުދިންނަށް، ޚާއްސަ އެލަވަންސް އެއް އިރާދަކުރެއްވިޔާ އަޅުގަނޑުމެން ތަޢާރަފް ކުރާނަން.
ޑރ. މުހައްމަދު މުޢިއްޒު
މުޢިއްޒު ވިދާޅުވީ، އެ ތަޢާރަފްކުރާ އެލަވަންސް އިން، މާލީގޮތުން ފޫދޭ ވަރެއްގެ ލުޔެއް އެ އާއިލާ ތަކަށް ލިބިގެންދާނެ ކަމަށެވެ.
އެހެންކަމުން، ގާނޫނީގޮތުން ކުރަން ޖެހޭ ކަންކަން ފުރިހަމަކޮށް، ކޮންމެ މަހަކު އެ ކުދިންނަށް އެލަވަންސް ލިބޭ ގޮތް ހަދާނެ ކަމަށް އެމަނިކުފާނު ވިދާޅުވި އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
