ޑރ މުޢިއްޒުގެ އަނބިކަނބަލުން ވޯޓް ލައްވައިފި

ޕީއެންސީ/ޕީޕީއެމްގެ ރިޔާސީ ކެންޑިޑޭޓް ޑރ މުޙައްމަދު މުޢިއްޒުގެ އަނބިކަނބަލުން ސާޖިދާ މުޙައްމަދު ވޯޓް ލައްވައިފިއެވެ.

އެކަމަނާ ވޯޓް ލެއްވުމަށް ވަޑައިގަތީ އަޙްމަދިއްޔާ ސްކޫލަށެވެ.

އިންތިޚާބުގެ ދެވަނަ ބުރުގެ ވޯޓްލުން ފެށިގެން ކުރިއަށް ދާއިރު ޑރ މުޢިއްޒާއި ރަނިންގމޭޓް ހުސެއިން މުޙައްމަދު ލަތީފް ވެސް ވަނީ ވޯޓް ލައްވައިފައެވެ.

މީގެ އިތުރުން ޕީއެންސީގެ ލީޑަރ ޢަބްދުއްރަޙީމް ވެސް ވަނީ ވޯޓް ލައްވައިފައެވެ.

އިނގިރޭސި ވިލާތުގެ ލަންޑަނާއި އަބޫދާބީ ފިޔަވައި ވޯޓް ފޮށި ބަހައްޓާ އެހެން ހުރިހާ ތަނެއްގައި މިހާރު ވޯޓް ވަނީ ވޯޓު ލާން ފަށައިފައެވެ.

ވޯޓް ލުން ކުރިއަށް ދާނީ ހެނދުނު 8:00 ން ހަވީރު 5:00 އަށެވެ. ވޯޓު ކިޔު ބަންދުވާ ގަޑިއަކީ 5:00 އެވެ. އޭގެ ކުރިން ވޯޓް ކިޔުއަށް އެރުއްވި ބޭފުޅުންނަށް ވޯޓް ލެވޭއިރު 5:00ގެ ފަހުން ވޯޓު ކިޔުއަކަށް ނުއެއް އެރޭނެއެވެ.