މި ފެށުނީ ދިވެހިރާއްޖެއާއި ތުރުކީ އާއި ދެމެދު އޮތް ގުޅުމުގެ ގެ އާ ބާބެއް: ރައީސް ޑރ.މުއިއްޒު
ފެށިގެން މިދިޔައީ ދިވެހިރާއްޖެއާއި ތުރުކީ އާއި ދެމެދު އޮތް ގުޅުމުގެ ގެ އާ ބާބެއްކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.
އެމަނިކުފާނު މިފަދައިން ވިދާޅުވީ ވެރިކަމާ ހަވާލު ވެވަޑައިގަތުމަށްފަހު ތުރުކީ އަށް ކުރެއްވި ރަސްމީ ދަތުރުފުޅު ނިންމަވާލެއްވިކަން ފާހަގަކޮށް ކުރެއްވި ޓްވީޓެއްގައެވެ.
"ދިވެހި ރާއްޖެއާއި ތުރުކީ އާއި ދެމެދު އުފެދިގެން މި ދިޔަ މި ބާބުގެ ނަތީޖާ އެއްގެ ގޮތުން މިހާރަަށްވުރެ ފުޅާ ދާއިރާއެއްގައި ދެގައުމުގެ ދެމެދުގައިވާ ގުޅުން ބަދަހިވެ އެއްގައުމުން އަނެއްގައުމަށް އެއްބާރުލުން ދެވިގެންދާނެ ކަމުގެ ޔަގީން ކަން އެބަ އޮތް"
ރައީސް ޑރ.މުއިއްޒު ވިދާޅުވިއެވެ.
ރައީސް ކުރެއްވި ޓްވީޓް ގައި ތުރުކީގެ ރައީސް ރަޖަބް ޠައްޔިބު އުރުދުޣާން ދިވެހި ރާއްޖެއާއި މެދު ބަހައްޓަވާ ގާތްކަމުގެ އަގު ވަޒަންކުރައްވާ ކަމަށް ވިދާޅުވިއެވެ.
ރައީސް ތުރުކީ އަށް ކުރެއްވި މި ދަތުރުފުޅުގައި އެމަނިކުފާނު ވަނީ އެ ގައުމުގެ ސަރުކާރުގެ އިސްވެރިންނާއެކު މުހިއްމު ބައްދަލުވުންތަކެއް ކުރިއަށް ގެންގޮސްފައެވެ. އަދި ތުރުކީގައި ދިރިއުޅެމުން ގެންދާ ދިވެހި ރައްޔިތުންނާއި ބައްދަލުކުރައްވާފައެވެ. އެމަނުކުފާނުގެ މިދަތުރުފުޅުގައި ތުރުކީގައި ދިވެހި ރާއްޖޭގެ އެންބަސީއެއް ހުޅުވުމުގެ މަސައްކަތް ކުރައްވާނެ ކަމަށްވެސް ވަނީ ވިދާޅުވެފައެވެ.
މި ދަތުރުފުޅުގައި ރައީސް ގެ އަރިހުގައި އެމަނިކުފާނުގެ އަނބިކަބަލުން ފަސްޓުލޭޑީ ސާޖިދާ މުޙައްމަދާއި ޚާރިޖީ ވަޒީރު މޫސާ ޒަމީރުވެސް ބައިވެރިވެވަޑައިގެންނެވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
