ނ. އަތޮޅު ކަނޑޫދޫ---ފޮޓޯ: ގޯގުލް
ނ. އަތޮޅު ކަނޑޫދޫ---ފޮޓޯ: ގޯގުލް
ހަބަރު 31 Jan 2023 | 13:07

ނ.އަތޮޅުގެ ރަށްތައް ވިއްކުން ހުއްޓުވުމުގެ ވަގުތީ އަމުރެއް ނެރެނުދިން

ނ. އަތޮޅުގެ ބައެއް ރަށްތައް ދިގު މުއްދަތަކަށް ޓޫރިޒަމަށް ދޫކުރަން ސަރުކާރުން ކުރާ މަސައްކަތް ހުއްޓުވުމަށް ހުށަހަޅާފައިވާ މައްސަލައިގައި، އަތޮޅު ކައުންސިލުން އެދުނު ގޮތަށް ރައްތައް ދޫކުރުން ހުއްޓުވުމުގެ ވަގުތީ އަމުރު ނެރެނުދޭން ސިވިލް ކޯޓުން ނިންމައިފިއެވެ.

ލާމަރުކަޒީ ގާނޫނާ ހިލާފަށް ނ.ދޮނައެރިކަނޑޫދޫ އާއި އެ އަތޮޅު ކެނދިވަރު ފަތުރުވެރިކަމުގެ ބޭނުމަށް ދިގުމުއްދަތަކަށް ވަކި ފަރާތަކަށް ކުއްޔަށް ދޫކުރުމަށް ރައީސުލްޖުމްހޫރިއްޔާ ކަނޑައަޅުއްވާފައިވާ ކަމަށް ބުނެ އެކަން ހުއްޓުވައި ދިނުމަށް އަތޮޅު ކައުންސިލުން ވަނީ ސިވިލް ކޯޓަށް މައްސަލަ ހުށަހަޅާފައެވެ.

އެގޮތުން ކައުންސިލުން ބުނި ގޮތުގައި ސަރުކާރުގެ އެ ނިންމުމަކީ ލާމަރުކަޒީ ގާނޫނާ ހިލާފު ނިންމުމަކަށް ވަނީ އަތޮޅެއްގެ ރަށްތަކާއި ފަޅުތަކާ މެދު ސަރުކާރުން ގޮތެއް ނިންމުމުގައި، ކައުންސިލްގެ މަޝްވަރާ ހޯދަން ޖެހޭނެ ކަމަށް ލާމަރުކަޒީ ގާނޫނުގައި ބަޔާންކޮށްފައި އޮތް އޮރު، އެގޮތަށް އަމަލުކޮށްފައި ނުވާތީއެވެ.

ކައުންސިލުން ސިވިލް ކޯޓުގައި ވަގުތީ އަމުރަކަށް އެދުނީ، އެ މައްސަލައާ މެދު ވަކި ގޮތެއް ކަނޑައެޅުމުގެ ކުރިން އެއްވެސް ފަރާތަކަށް ރަށްތައް އެވޯޑް ކުރުމުގެ އެއްވެސް މަސައްކަތެއް ނުކުރުމަށާއި އެހެން ފަރާތެއްގެ މަސްލަހަތު އެ ދެ ރަށުގެ މައްޗަށް އުފަންވެދާނެ ފަދަ އެއްވެސް ކަމެއް ނުކުރުމަށް ދައުލަތުގެ އިދާރާތަކުގެ މައްޗަށް އަމުރުކޮށްދިނުމަށް އެދިއެވެ.

ވަގުތީ އަމުރަށް އެދެމުން ކައުންސިލުން ބުނީ އަތޮޅުގެ ގިނަ ރަށްތައް މިހާރުވެސް ދަނޑުވެރިކަމާއި ފަތުރުވެރިކަމުގެ ބޭނުމަށް ކަމަށް ބުނެ ސިންގަލް ޕާރސަލް ކުއްޔަށް ދޫކޮށްފައިވާއިރު، އެތަންތަނުން އަތޮޅުގެ ރައްޔިތުންނަށް އެކަށީގެންވާ އާމްދަނީއެއް އަދި މަންފާއެއްވެސް ނުލިބި، އެރަށްތައް ޒަމާނުއްސުރެ ބޭނުންކުރަމުންދިޔަ ރައްޔިތުންނަށް އެތަންތަން ބޭނުންކުރުމުން މަހްރޫމްވެފައިވާ ކަމަށެވެ.

އަދި އެގޮތަށް ވަކި ފަރާތަކަށް ދިގު މުއްދަތައް ކުއްޔަށް ދޫނުކޮށް ހުރި މަދު ރަށްތަކުގެ ތެރޭގައި ކެނދިވަރާއި ދޮނައެރިކަނޑޫދޫ ހިމެނޭއިރު، އެ ދެ ރަށް ވިއްކުމާ ދެކޮޅަށް ހުށަހަޅާފައިވާ މައްސަލައާމެދު ގޮތެއް ނުނިންމެނީސް ރަށްތައް ދޫކޮށްފިނަމަ، އެހެން ފަރާތްތަކެއްގެ މަސްލަހަތު އެ ރަށްތަކުގެ މައްޗަށް އިސްވެ، އަންނަ ހުކުމެއްގެ ބާރު ކުރިއާލާ ކަނޑައެޅޭނެ ކަމަށެވެ.

ނަމަވެސް މި މައްސަލާގައި ވަގުތީ އަމުރު ނެރެދެވެން ނެތް ކަމަށް ސިވިލް ކޯޓުން ވަނީ ނިންމާފައެވެ.

މިކަމުގެ ސަބަބެއް ކަމަށް ކޯޓުން ބުނީ ކެނދިވަރަކީ ދަމަކް އޯޝަން ހައިސްޓް ކޮމްޕެނީ ލިމިޓެޑާއި، ޓޫރިޒަމް މިނިސްޓްރީއާ ދެމެދު ޑިސެމްބަރު 22، 2022 ގައި ސޮއިކޮށްފައިވާ އެއްބަސްވުމެއްގެ ދަށުން ފަތުރުވެރިކަމުގެ ބޭނުމަށް ކުއްޔަށް ދެވިފައިވާ ރަށެއް ކަމުން އެރަށުގައި މިހާރުވެސް ތިންވަނަ ފަރާތެއްގެ މަސްލަހަތު އުފަންވެފައިވާތީ، އެފަރާތުގެ ހައްގަށް ރިއާޔަތް ނުކޮށް ކައުންސިލުން އެދިފައިވާ ގޮތަށް ވަގުތީ އަމުރު ނެރެދިނުމަކީ އެ ކުންފުންޏަށާއި ދައުލަތަށް ބޮޑު ގެއްލުމެއް ލިބޭނެ ކަމަކަށް ވާތީ އެވެ..

އަދި ދޮނައެރިކަނޑޫދޫ އަކީ ކްރޮސް ސަބްސިޑީ މޮޑެލްގެ ދަށުން، ނ.މާފަރު އެއާޕޯޓު ހިންގުމަށް ދިވެހި ސަރުކާރާއި އަބޫދާބީ ފަންޑު ފޯ ޑިވޮލޮޕްމަންޓް (އޭޑީއެފްޑީ) އާ ދެމެދު ޑިސެމްބަރު 12، 2017 ގައި ސޮއިކޮށްފައިވާ އެމްއޯޔޫއެއްގެ ދަށުން އޭޑީއެފް އަށް ދިނުމަށް ނިންމާފައިވާ ރަށެއްކަން ސިވިލް ކޯޓުން ވަނީ ފާހަގަ ކޮށްފައެވެ.

މި ހާލަތުގައި ނ.އަތޮޅު ރައްޔިތުންގެ ހައްގުތައް މިނެކިރަން ޖެހޭނީ ރާއްޖޭގެ އެންމެހާ ރައްޔިތުންގެ ހައްގުތަކާ ކަމުގައިވާއިރު، މި ހާލަތުގައި ވަގުތީ އަމުރު ނެރެދެއްވުމުން ހިމާޔަތް ކުރެވޭ ވަގުތީ އަމުރު ނެރެދެވޭ ފަރާތުގެ މަސްލަހަތައްވުރެ މި މައްސަލައިގައި ވަގުތީ އަމުރެއް ނުނެރުއްވުމުން ހިމާޔަތްކޮށް ރައްކާކުރެވޭ ދައުލަތުގެ މަސްލަހަތު ބޮޑުކަން ދައުލަތުން ފާހަގަކުރާ ކަމަށް ސިވިލް ކޯޓުގެ ހުކުމުގައި ބުނެފައިވެއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ރީކޯ މޫސާގެ 2 ރަށެއް 45.6 މިލިއަން ޑޮލަރަށް ވިއްކާލުމަށް ބީއެމްއެލްއިން އިއުލާންކޮށްފި
15 Nov 2026 ވިޔަފާރި

ރީކޯ މޫސާގެ 2 ރަށެއް 45.6 މިލިއަން ޑޮލަރަށް ވިއްކާލުމަށް ބީއެމްއެލްއިން އިއުލާންކޮށްފި

މި ރަށްތަކަކީ ހެވީ ލޯޑް މޯލްޑިވްސް ޕްރައިވެޓް ލިމިޓެޑްގެ ފަރާތުން ބޭންކަށް ރަހުނުކޮށްފައިވާ ރަށްތަކެކެވެ.