ބުރިޖު އަދި ހައިވޭގައި ފެންބޮޑުވެ، ދަތުރު ކުރުމުގައި ސަމާލުވުމަށް އެދިއްޖެ!
މިވަގުތު މުޅި ރާއްޖެއަށް މޫސުން ގޯސްވެ، ކުރަމުންދާ ވިއްސާރަގެ ތެރެއިން މާލެ ސަރަހައްދަށް ގަދަ ވަޔާއެކު ވިއްސާރަ ވެހެމުންދާތީވެ ބުރިޖު އަދި ހައިވޭ ބޭނުންކުރައްވާ ފަރާތްތަކުން ސަމާލުވުމަށް މޯލްޑީވްސް ޕޮލިސް ސާވިސްއިން އިލްތިމާސް ކޮށްފިއެވެ.
ޕޮލިސް ސާވިސްއިން ބުނެފައިވަނީ ގަދަ ވަޔާއެކު ކުރަމުންދާ ވިއްސާރަ އާ ގުޅިގެން ބުރިޖު އަދި ހައިވޭގައި، ފެންބޮޑުވެ ވަޔާ ވެއްޔާއެކު ކުނި އަންނަމުންދާތީ، ބުރިޖު އަދި ހައިވޭ ބޭނުންކުރައްވާ ފަރާތްތަކުން ސަމާލުކަން ދިނުމަށާއި އަދި ކޮންމެހެން ކުރައްވަންޖެހޭ ޒަރޫރީ ދަތުރުތަކަށް ހަތަރު ފުރޮޅުލީ އުޅަނދު ބޭނުންކުރުމަށެވެ.
މެދު ކެނޑުމެއްނެތި ބޯކޮށް ވާރޭ ވެހުމުގެ ސަބަބުން މާލޭގެ ބޮޑުބައެއްގައި ފެން ބޮޑުވެފައިވާއިރު، މިކަންތަކާއި ގުޅިގެން ރައީސުލްޖުމުހުރިއްޔާގެ އެންގެވުމަށް ޤައުމީ ދިފާޢީ ބާރުން މިހާރުވަނީ ޙަރަކާތްތެރިވާން ފަށާފައެވެ.
ޤައމީ މޫސުމާއި ބެހޭ ޢިދާރާއިން މާލެ ހިމެނޭ ސަރަހައްދުން ފެށިގެން އއ. އަތޮޅާއި ހިސާބަށް މިހާރު ވަނީ އޮރެންޖު އެލާޓްވެސް ނެރެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
