މާލޭ ވިޔަފާރި ބަނދަރަށް ކައިރިކޮށްފައި އޮތް ބޯތަކުން މުދާ ބާލަނީ.. ފޮޓޯ: ވޮއިސް
މާލޭ ވިޔަފާރި ބަނދަރަށް ކައިރިކޮށްފައި އޮތް ބޯތަކުން މުދާ ބާލަނީ.. ފޮޓޯ: ވޮއިސް
ހަބަރު 14 Sep 2026 | 13:35

ޓީޓީ ހައްދާވަރަށް މުދާ ރާއްޖެ ނާންނަ މައްސަލަ ވަނީ ފާހަގަކުރެވިފައި: އިހްސާން

ރާއްޖެއިން ބޭރުން މުދާ އެތެރެކުރުމަށްޓަކައި ޓެލެގްރަފިކް ޓްރާންސްފާ (ޓީޓީ) ހައްދާ މިންވަރަށް ރާއްޖެއަށް މުދާ ނާންނަކަން ވަރަށް ބޮޑަށް ފާހަގަކުރެވިފައިވާ ކަމަށް ދާޚިލީ ސަލާމަތާއި ފަންނިއްޔާތާ ބެހޭ ވަޒީރު އަލީ އިހްސާން ވިދާޅުވެއްޖެއެވެ.

ޑޮލަރުގެ މައްސަލަ ހައްލުކުރުމަށް ސަރުކާރުން އަޅަމުންދާ ފިޔަވަޅުތަކާ ގުޅޭ އެންމެ ފަހުގެ މައުލޫމާތު ހިއްސާކުރުމަށް ރައީސުލްޖުމްހޫރިއްޔާގެ އޮފީހުގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ވަޒީރު އިހްސާން ވިދާޅުވީ، މޯލްޑިވްސް ކަސްޓަމްސް ސާވިސް އާއި ބޭންކުތަކާ ދެމެދު ވެވިފައިވާ އެމްއޯޔޫގެ ދަށުން ކުރެވޭ މަސައްކަތްތަކުން، ބޮޑެތި އަދަދުތަކުން ޓީޓީ ހަދައިގެން އެއާ އެއްވަރަށް މުދާ އެތެރެނުކުރާ މައްސަލަ ފާހަގަކުރެވިފައިވާ ކަމަށެވެ.

މިގޮތުން އެޑްވާންސް ޕޭމެންޓުގެ ގޮތުގައި ފައިސާ ދައްކާތާ އަހަރު ދުވަސް ވާއިރުވެސް ބައެއް މުދާ ރާއްޖެ ނާންނަކަމަށާއި، އަދި ބައެއް ފަރާތްތަކުން ލިބިފައިވާ މުދަލުގެ ބެލެންސް ޕޭމެންޓް ކަމަށް ބުނެ ފައިސާ ދައްކާއިރު، އެ ބުނާ އިންވޮއިސްތަކަށް އެއްވެސް މުދަލެއް ރާއްޖެ އެތެރެކޮށްފައި ނުވާކަން ކަށަވަރުވެފައިވާ ކަމަށް ވަޒީރު ފާހަގަކުރެއްވިއެވެ.

އިހްސާން ވިދާޅުވީ މިއީ "ޓްރޭޑް ބޭސްޑް މަނީ ލޯންޑަރިންގ" ކަމަށާއި، މަސްތުވާތަކެތީގެ ވިޔަފާރި ކުރުމަށާއި ބިދޭސީންގެ މުސާރަ ރާއްޖެއިން ބޭރަށް ފޮނުވުމަށް މި ރޫޓު ބޭނުންކުރަމުންދާކަން ފާހަގަކުރެވިފައިވާ ކަމަށެވެ. އަދި މި މައްސަލަތައް ޤާނޫނުގައިވާ ގޮތުގެ މަތިން ޓްރޭޑް ބޭސްޑް މަނީ ލޯންޑަރިންގ މައްސަލަތަކެއްގެ ގޮތުގައި ތަހުގީގު ކުރަމުންދާނެ ކަމަށްވެސް އެމަނިކުފާނު ވިދާޅުވިއެވެ.

އާ ވިޔަފާރިވެރިންގެ ތެރެއިން ޑޮލަރުން އާމްދަނީ ލިބޭ ފަރާތްތަކުން ސީދާ ގޮތުގަ އާ އެހެނިހެން ވިޔަފާރިތަކަށް ޓީޓީ ކުރައްވަން ބޭނުންފުޅުވާ ބޭފުޅުންގެ ޑިމާންޑަށް ޑައިރެކްޓްލީ އެކްސްޗޭންޖްގެ ބޭނުމުގަ ޓްރާންސްފަރ ކުރަމުން ދާކަން އަޅުގަނޑުމެންނަށް ފާހަގަކުރެވިފައި އެބައޮތް

ހޯމް މިނިސްޓަރު އަލީ އިހްސާން

މީގެއިތުރުން، ޑޮލަރުން އާމްދަނީ ލިބޭ ބައެއް ފަރާތްތަކުން ބޭންކުތަކާއި ހުއްދަދެވިފައިވާ މަނީ އެކްސްޗޭންޖްތަކުގެ ބޭރުން ޑޮލަރު މާރުކުރަމުންދާ މައްސަލަވެސް ވަޒީރު ފާހަގަކުރެއްވިއެވެ. މިގޮތުން ވިޔަފާރިވެރިންގެ ތެރެއިން ޑޮލަރުން އާމްދަނީ ލިބޭ ފަރާތްތަކުން، އެހެން ވިޔަފާރިތަކަށް ޓީޓީ ހެދުމަށްޓަކައި ސީދާ ޑައިރެކްޓް އެކްސްޗޭންޖްގެ ގޮތުގައި ޑޮލަރު ޓްރާންސްފާ ކުރަމުންދާކަން ފާހަގަކުރެވިފައިވާ ކަމަށާއި، މިއީ ރާއްޖޭގެ ޤާނޫނު މަނާކުރާ ޖިނާއީ ކުށެއް ކަމަށް ވިދާޅުވިއެވެ.

އެހެންކަމުން، މާލީ މުއާމަލާތްތައް ހިންގުމުގައި ހުއްދަ ލިބިފައިވާ ރަސްމީ ދެ ޗެނަލް ކަމަށްވާ ބޭންކުތަކާއި ހުއްދަ އޮންނަ މަނީ އެކްސްޗޭންޖްތައް މެދުވެރިކޮށް އެކަންކަން ކުރިއަށް ގެންދިއުމަށާއި، ޤާނޫނާއި ޤަވާއިދުތަކަށް ހުރިހާ ފަރާތްތަކުންވެސް އިހުތިރާމުކޮށް ބޯލެނބުމަށް ވަޒީރު ވަނީ އިލްތިމާސްކުރައްވާފައެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ތިން އަހަރުތެރޭގައި 1.4 ބިލިއަން ރުފިޔާގެ މަސްތުވާތަކެތި އަތުލައިގަނެވުނު: ދާހިލީ ވުޒާރާ
19 Nov 2026 ހަބަރު

ތިން އަހަރުތެރޭގައި 1.4 ބިލިއަން ރުފިޔާގެ މަސްތުވާތަކެތި އަތުލައިގަނެވުނު: ދާހިލީ ވުޒާރާ

ދާހިލީ ވުޒާރާއިން މިއަދު ނެރުނު ތަފާސްހިސާބުތަކުން ދިވެހިރާއްޖޭގެ މަސްތުވާތަކެތީގެ މައްސަލައާއި ގުޅޭގޮތުން ކަންބޮޑުވާފަދަ އަދަދުތަކެއް ހިއްސާކޮށްފައިވެއެވެ.