ބައްޕަ ޖަލަށްލީ އަލީ އަލީ ރަމީޒު ލަވަކިޔުން ހުއްޓާލުމުން، ނަސޭހަތްތެރިވިކަމަށް ހަދާފަ: ޝެއިޚް އަބްދުﷲ
ކުރީގެ ރައީސް މައުމޫނު އަބްދުލްގައްޔޫމުގެ ޒައާމަތުގުގައި ޝެއިޚް އަބްދުﷲ ބިން މުހައްމަދު އިބްރާހިމްގެ ބައްޕަ ޖަލަށްލީ މަޝްރޫހު ލަވަކިޔުންތެރިޔާ އަލީ ރަމީޒު ލަވަކިޔުން ހުއްޓާލީ ޝެއިޚްގެ ބައްޕަ ނަސޭހަތްތެރިކަމަށް ހާދަފައިކަމަށް ޝެއިޚް ވިދާޅުވެއްޖެއެވެ.
ޝެއިޚް އަބްދުﷲ މިފަދައިން ހާމަކުރައްވާފައިވަނީ މައުމޫނުގެ ދިގު 30 އަހަރުގެ ޒައާމަތުގައި ނުހައްގުން އެއްވެސް މީހަކަށް އަނިޔާއެއް ނުދޭ ކަމަށާއި، މީހުން ޖަލަށް ލީ ކުށްވެރިވެގެންކަމަށް ވިދާޅުވެ މައުމޫނު ޓީވީއަކަަށް ދެއްވި ބަސްދީގަތުމެއްގައި ވާހަކަދެއްކެވުމާއި ގުޅިގެންނެވެ.
އެގޮތުން ޝެއިޚް އަބްދުﷲ ފޭސްބުކުގައި ލިޔުއްވާފައިވަނީ ޕޯސްޓެއްގައި ވަނީ މައުމޫނުގެ ޒައާމަތުގައި ނުހައްގުން މީހުންނަށް ދީފައިވާ އަނިޔާތައް ކޮންމެވެސް ވަރަކަށް ހިއްސާކުރައްވާފައެވެ.
އޭނާ ވަނީ ތުނބުޅި ބަހައްޓާ ކޮންމެ ފިރިހެނަކާއި ބުރުގާއަޅާ ކޮންމެ އަންހެނަކީ ކުށްވެރިއެއް ކަމުގައި މަނިކުފާނު ވެރިކަމުގައި ހައްދަވައިގެން، ސަރުކާރުގެ ހުރިހާ ދިމާލަކުން ތުނބުޅިއާ، ބުރުގާ އާ ދެކޮޅަށް ހަނގުރާމަ ކުރެއްވީ ކޮން ސަބަބަކާއި ހުރެތޯ އައްސަވާފައެވެ.
އެއާއެކު އަމިއްލަ ތަޖުރިބާގެ އަލީގައި ޝެއިޚް އަބްދުﷲ ވިދާޅުވީ އަލީ ރަމީޒު ލަވަކިޔުން ހުއްޓާލުމުން އޭނާއަށް ނަސޭހަތްތެރިވީ ޝެއިޚުގެ ބައްޕަކަމަށް ހަަދައި 2003 ވަނަ އަހަރު ބައްޕަ ޖަލަށް ލާފައިވާކަމަށެވެ. އޭރު އަދި ބައްޕަ އަލީ ރަމީޒާއި ބައްދަލުވެސް ނުވާކަމަށް ވިދާޅުވެ ޝެއިޚް އަބްދުﷲ ވަނީ ބައްޕައަށް އެވަރުގެ އަނިޔާއެއް ދިނީ ކޮން ހައްގަތުންތޯ އައްސަވާފައެވެ.
ޝެއިޚްގެ ޕޯސްޓުގައި ވަނީ މައުމޫނުގެ ޒައާމަތުގައި ބުރުގާ އަޅައިގެން ސުކޫލަށް ދިއުމުން ދެ ކުއްޖަކު ސުކޫލުން ވަކިކޮށްފައިވާކަމަށާއި، އަދި ތުބުޅި ބަހައްޓާ މީހުން ހިފައި ހައްޔަރުކޮށް ސުންނަތަށް އުޅޭ ފަރާތްތަކާއި ދެކޮޅު ސިޔާސަތެއް ގެންގުޅުކަންވެސް ހާމަކުރައްވާފައެވެ. އަދި އެފަދައިން ސިޔާސަތުތައް އެކުލަވާލިއިރު، ތުބުޅި ބަހައްޓައިގެން އުޅޭ މީހުންގެ ކުށަކީ ކޮބައިތޯވެސް ޝެއިޚް އައްސަވާފައިވެއެވެ.
މައުމޫނުގެ ޒައާމަތުގައި އެއްވެސް މީހަކަށް އަނިޔާވެރި ނުވާކަމަށް ވިދާޅުވުމާއި ގުޅިގެން ގިނަ ބަޔަކު ގެންދަނީ އެ ޒައާމަތުގައި މީހުންނަށް ނުހައްގުން ދީފައި ހުރި އަނިޔާތަކުގެ ހަނދާންތައް އާކުރަމުންނެވެ. އަދި މިހާރު އެއްވެސް މީހަކަށް އަނިޔާއެއް ކުރެވުނު ހަނދާން ނެތުނީތޯ އައްސަވާ މައުމޫނުގެ ފަރާތުން އަނިޔާ ލިބުނު ގިނަ ބަޔަކު ގެންދަނީ ސުވާލުކުރަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
