ރާއްޖޭގެ ގިނަ ރަށްތަކުގެ މަގު ހެދުމުގެ މަޝްރޫޢު މި އަހަރުގެ ތެރޭގައި ފެށޭނެ: ރައީސް މުޢިއްޒު

ނ. މާފަރު ހިމެނޭހެން ރާއްޖޭގެ ގިނަ ރަށްރަށުގެ މަގުތައް ޒަމާނީ ފެންވަރަށް ތަރައްޤީކުރުމުގެ މަޝްރޫއު މިއަހަރުގެ ފަހުކޮޅު ފަށްޓަވާނެކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިއަދު އިއުލާންކުރައްވައިފިއެވެ.

މާފަރު ރައްޔިތުންނާ ބައްދަލުކުރައްވާ ވާހަކަފުޅުދައްކަވަމުން މުޢިއްޒު ވިދާޅުވީ، ރައީސް ވިދާޅުވީ، ރަށްރަށުގެ މަގުތައް ޒަމާނީ ފެންވަރަށް ތަރައްޤީ ކުރުމަށް އެމަނިކުފާނު ވެ ވަޑައިގެންފައުވާ ވަޢުދާއެއްގޮތަށް މިއަހަރުގެ ފަހުކޮޅު މުޅި ރާއްޖޭގެ ގިނަ ރަށްރަށުގައި މަގު ހެދުމުގެ މަޝްރޫޢު ފެށުމަށް ރޭވިފައިވާ ކަމަށެވެ. އަދި، އޭގެ ތެރޭގައި މާފަރުވެސް ހިމެނޭކަމަށް ވިދާޅުވިއެވެ.

"މި އަހަރުގެ ފަހުކޮޅަށް އަޅުގަނޑުމެން އިރާދަކުރެއްވިއްޔާ ތާވަލުކޮށްގެން މިއުޅެނީ މަސައްކަތް ފެށުމަށް. މުޅި ރާއްޖޭގައިވެސް މަގު ހެދުމުގެ މަޝްރޫއު މިއަހަރުގެ ފަހުކޮޅު ފެށިގެން ގޮސް މި އަންނަ އަހަރުގެ ތެރޭގައި ގިނަ ރަށްރަށުގެ މަގު ހެދުމުގެ މަސައްކަތްތައް ކުރަން މި އޮތީ ކަނޑައެޅިފަ،"

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު

މީގެ އިތުރުން މާފަރު ކައުންސިލާއި ސްކޫލުން އެދުނުގޮތަށް 4 ކްލާސް ރޫމް ތަރައްޤީކޮށްދެއްވާނެކަމަށާ އަދި އެރަށު ސިއްހީ މަރުކަޒުވެސް އިތުރު 15 އެނދު ހިމަނައިގެން ތަރައްގީ ކުރައްވާނެ ކަމަށް ރައީސް މުޢިއްޒު ވިދާޅުވުއެވެ.

ހަމަ އެހެންމެ، މާފަރު އެއާޕޯޓް ޓާމިނަލް ބޮޑުކޮށް އަދި ފަތުރުވެރިން މަޑުކޮށްލާނެ ހޮޓަލެއް ތަރައްގީ ކުރައްވާނެ ކަމަށް އެމަނިކުފާނު ވިދާޅުވިއެވެ.

އަދި ބޯހިޔާވަހިކަމަށް އަންނަ އަހަރުގެ ބަޖެޓުގައި އެއް ބިލިޔަން ރުފިޔާ ކަނޑައަޅައިގެން ބޯހިޔާވަހިކަމުގެ މަޝްރޫއު ހިންގާ އާ ރަށްތަކުގެ ތެރޭގައި މާފަރު ހިމެނިގެންދާނެ ކަމަށާއި، އެރަށު ކަރަންޓުގެ މައްސަލަ ވެސް ވަރަށް އަވަހަށް ހައްލުވެގެންދާނެ ކަމަށް އެމަނިކުފާނު ވިދާޅުވިއެވެ.