ފާމަސީތަކުގައި ހުރި ބޭސްތައް ހޮސްޕިޓަލްތަކަށް ފެންނާނެ ނިޒާމެއް ނެތް: ސްޓޭޓް ފާމާ
ފާމަސީ ތަކުގައި ސްޓޮކްގައި ހުރި ބޭސްތަކުގެ މައުލޫމާތު ހޮސްޕިޓަލުތަކަށް ފެންނާނެ ނުވަތަ ބަލާލެވޭނެ ނިޒާމެއް އަދި ނެތް ކަމަށް ސްޓޭޓް ފާމާއިން މިއަދު ބުނެފިއެވެ.
މަޖިލީހުގެ ސްޓޭޓް އޯންޑް އެންޓަޕްރައިޒަސް ކޮމިޓީގެ މިއަދުގެ ބައްދަލުވުމުގައި މެންބަރަކު ވަނީ ފާމަސީ ތަކުގައި ހުންނަ ބޭސްތަކުގެ އަދާހަމަ ޑޮކްޓަރުންނަށް ބެލޭނެ ނިޒާމެއް ހަމަޖެހިފައި ވޭތޯ ސުވާލު ކުރައްވާފައެވެ.
އެ ސުވާލަށް ޖަވާބުދެއްވަމުން އެސްޓީއޯ ފާމަސޫޓިކަލްސްގެ ޕްލޭނިންގ މެނޭޖަރު ލިމްޔާ ވިދާޅުވީ، ފާމަސީ ތަކުގެ ސްޓޮކް ހުރި މިންވަރެއް އެސްޓީއޯ އަށް ފެންނާނެ ކަމަށެވެ. ނަމަވެސް ލިބެން ހުރި ބޭސްތައް ޑޮކްޓަރުންނަށް ބެލޭނެ ނިޒާމެއް ނެތް ކަމަށެވެ.
މިވަގުތު ލައިވް ސްޓޮކް އަޅުގަނޑުމެންގެ ސެންޓްރަލް އަށް ފެންނަ ގޮތަށް މި އިންނަނީ. އެސްޓީއޯއަށް ފެންނާނެ އެހެން ނަމަވެސް އަޅުގަނޑުމެންގެ އެއްވެސް ޕްލެޓްފޯމެއް މިވަގުތަކު ނެތޭ ހޮސްޕިޓަލްސް ތަކަށް ނުވަތަ ޑޮކްޓަރުންނަށް ލައިވް ސްޓޮކް ފެންނަ. އެހެން ނަމަވެސް އެސްޓީއޯ އަށް ފެންނާނެ އެސްޓީއޯގެ ސްޓޮކް. ސްޓޮކް ޑިޕްލީޓް ވާކަންވެސް އެނގޭނެ އަޅުގަނޑުމެންނަށް. އެހެންވީމާ އެއްވެސް ރަށެއްގައި އެއްވެސް އެއްޗެއް ދަށް ކަމަށް ވަންޏާ އެ މައުލޫމާތު އަޅުގަނޑުމެންގެ ފާމަސޫޓިކަލް މެނޭޖްމަންޓް އޮޕަރޭޓްކުރާ ބޭފުޅުންނަށް ފެންނާނެ
ލިމްޔާ
ލިމްޔާ އިތުރަށް ވިދާޅުވީ، ބޭސް ސްޓޮކްގައި ނެތް ނަމަ، އެ ބޭސް ހުރި ރަށަކުން ނެތް ރަށަކަށް ފޮނުވުމުގެ ކަންކަންވެސް ހަމަޖައްސަވާ ކަމަށާ، އެހެން ނަމަވެސް އެސްޓީއޯއިން ނުބަލަހައްޓާ ބޭހެއް ނަމަ، އަދި އެ ބޭސް ރާއްޖެއިން ލިބެން ނެތް ނަމަ، ބޭސް ގެންނަނީ ބޭރުން ކަމަށެވެ.
ލިމްޔާ ވިދާޅުވިގޮތުގައި މީހާގެ ބަލީގެ ގޮތުން ރާއްޖޭގައި ލިބެން ނުހުންނަ ބޭސްވެސް ޑޮކްޓަރުން ލިޔެދެއެވެ. އަދި ރާއްޖެއަށް އެފަދަ 5000 އެއްހާ ބޭސް އެތެރެ ކުރަން ބޭނުންވެގެން ބޭސް އެތެރެކުރާ އިމްޕޯޓަރުން މިހާރުވެސް އެދިފައިވާ ކަމަށެވެ.
އެހެން ނަމަވެސް މިދިޔަ ހަފްތާގައި އޭޑީއެލްގެ ރިޕޯޓްއެއް ބަލާލިއިރުވެސް އޭގެ ތެރެއިން 1300 ވަރު ރާއްޖޭގައި އެވެއިލަބަލް މިވަނީ ރެޖިސްޓާ ކޮށްގެން. އެއީ އަދި އޭޑީއެލްއަށް ލި ކަމުގައި ވިޔަސް، އެ ބޭސް އިމްޕޯޓް ކުރެވޭނީ ކޮންމެވެސް އެއްގޮތަކަށް ބޭހަށް ބޭނުންވާ ޑޮކިޔުމަންޓްސްތައް ހަމަވެގެން ވަކި ޕާތްވޭއަކުން.
ލިމްޔާ
ކަންމިހެން ހުރުމުން ބޭސް އެތެރެކޮށް ފޯރުކުރުމަށް ދަތިތަކެއް ހުރި ކަމަށޤ ފާމަސީތަކުގައި ބޭސް ވިއްކޭނީވެސް އެ ބޭސް ފޯރުކޮށްދިނުމަށް ބޭނުންވާ ސްޓޮކް ލިބިގެން ކަމަށް އޭނާ ވިދާޅުވުއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
