ސަރުކާރާއި މާލޭގެ ރައްޔިތުންނާއި ދޭތެރޭ ހުރަހަކަށް ވާނެ މޭޔަރަކު ޚިޔާރުކުރުމަކީ މާލެއަށް ފައިދާވާނެ ގޮތެއް ނޫން: ރައީސް

ދިވެހި ސަރުކާރާއި މާލޭގެ ރައްޔިތުންނާއި ދޭތެރޭގައި ހުރަހަކަށް ވާނެ މީހަކު މޭޔަރެއްގެ ގޮތުގައި މިވަގުތު ޚިޔާރުކުރުމަކީ މާލޭގެ ރައްޔިތުންނަށް ފައިދާވާނެ ގޮތެއް ނޫންކަމަށް ދިވެހިރާއްޖޭގެ ރައީސުލް ޖުމުހުރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.

މޭލޭގެ މޭޔަރަކު ހޮވުމަށް މާދަމާ ބާއްވާ އިންތިހާބުގައި ސަރުކާރުހިންގާ މައިޕާރޓީ ޕީއެންސީން ވާދަކުރައްވާ އަލްއުސްތާޛާ އައިޝަތު އާޒިމާއަށް ތާޢިދު ޙޮއްދެވުމުގެ ގޮތުން މިވަގު ޗައިނާގައި ހުންނަވާ އެމަނކުފާނު ދެއްވި ވީޑިއޯ ޚިޠާބެއްގައި ވިދާޅުވީ މާލޭގެ ރައްޔިޔުްނނަށް މާލޭގެ ރައްޔިތުްނަށް ބޭނުންވެލައްވަ ކަންތައްތައް ކުރުމަސް ފަސޭހަ ވެގެންދާނީ ސަރުކާރަށް ތާޢިދު ކުރާ ކެްނޑިޑޭޓަކު މާލޭގެ މޭޔަރުކަމށް އިޚްތިޔާރުކޮސްގެން ކަމަށެވވެ.

" ސަރުކާރާއި މާލޭގެ ރައްޔިތުންނާއި ދޭތެރޭގައި ހުރަހަކަށް ވާނެ މީހަކު މޭޔަރެއްގެ ގޮތުގައި މިވަގުތު ޚިޔާރުކުރުމަކީ މާލޭގެ ރައްޔިތުންނަށް ފައިދާވާނެ ގޮތެއް ނޫން ، އަޅުގަނޑު މިހިރީ މާލެގެ ރައްޔިތުންނަށް ބޭނުންވެފަ މިހިރަ ހުރިހާ ކަމެއް ކުރަން ތައްޔާރަށް ކަމަށްވާއިރު މިކަންކަމަށް ހުރަސް އަޅާނެ މީހަކު މާލޭ މޭޔަރުކަށް މިވަގުތު ހިޔާރު ކުރެއްވުމަކީ އެއްގޮތަކަށް ވެސް ރަނގަޅުކަމަކަށް ނުވާނެ، އަޅުގަނޑު ޔަޤީންކުރަން އެފަދަ ކަމެއް މާލޭ ރައްޔިތުން ނުކުރައްވާނެ ކަން، އަޅުގަނޑުގެ ފުރިހަމައިތުބާރު އެބައޮތް މާލެގެ ރައްޔިތުން މިކަމުގައި އަޅުގަނޑު މިދެންނެވި ގޮތައް އިރާދަކުރެއްވިއްޔާ ކަންކަން ކުރައްވާނެކަމަށް "

ރައީސުލްޖުމްހޫރިއްޔާ ޑރ. މުހައްމަދު މުޢިއްޒު

ރައީސް ޑރ. މުއިއްޒުގެ މި ވީޑިއޯ ޚިޠާބުގައި ހޫލުމާލޭގެ ރައްޔިތުންގެ ކިބައިންވެސް އެދި ވަޑައިގެންނެވީ އެސަހަރުގެ  ތަރައްޤީ މި ސަރުކާރު އެދޭ ގޮތައް ކުރިއަސް ގެންދިއުމަށް ކެންޑިޑޭޓް ނަމްބރ 3 އާޒިމާ ޚިޔާރު ކުރެއްވުމަށެވެ.

"އަޅުގަނޑު މިހާރު ވާނީ އަޅުގަނޑު ވަޢުދުވީ ގޮތައް ހުޅުމާލޭގެ މުނިސިޕަލް ޚިދުމަތްތައް މާލެ ސިޓީ ކައުންސިލާއި ހަވާލުކޮށްފައި ، މިއީ އެއްވެސް އިރަކު އެއްވެސް ސަރުކާރަކުން ކުރިކަމެއްނޫން، މިއީ ވަރަށް ބޮޑުކަމެއް ހުޅުމާލެއަކީ މިހާރު ވަރަށް ބޮޑު ސަހަރެއް، އެތަށް ހާސް ރައްޔިތަކު ދިރިއުޅެމުން ދާތަނެއް، މި ބޮޑު ޒިންމާ އަދާކުރުމުގައި ، ސަރުކާރާއި އެކީގައި މަސައްކަތް ނުކުރާނެ މީހަކު މޭޔަރަކު ގޮތުގައި އަތުވެއްޖެ ނަމަ އެއީ ހުޅުމާލެގެ ރައްޔިތުންނަށް އެއްވެސް ގޮތަކަށް ރަނގަޅު ގޮތަކަށް ނުވާނެ "

ރައީސުލްޖުމްހޫރިއްޔާ ޑރ. މުހައްމަދު މުޢިއްޒު

ރައީސް ޑރ، މުއިއްޒު ވިދާޅުވި ގޮތުގައި އެމަނިކުފާނު ރައްޔިތުންނަށް ކޮށްދެން ބޭނުންވާ ކަންތައްތައް ފުރިހަމަ ގޮތުގައި ކޮށްދެއްވާނެ ބޭފުޅަކީ އާޒިމާ ކަމުގައެވެ.

"މާލޭގެ ރައްޔިތުންގެ ކިބައިން އަޅުގަނޑު އެދެނީ މާލޭގައި ކުރަން ޖެހިފައިމިވާ ބޮޑަތި މަސައްކަތްތައް ، މާލޭގެ ރައްޔިތުންނަށް ބޭނުންޖެހިފައިވާ ކަންތައްތައް، ހާއްޞަކޮށް މިހިރަ، މިހިރަ ހުރިހާކަމެއްގައި ، ރައްޔިތުންނަށް ފުރިހަމައަށް ކޮށްދިނުމުގައި އަޅުގަނޑަށް ފުރިހަމަ އެއްބާރުލުން ދެއްވާނެ ކެންޑިޑޭޓެއްގެ ގޮތުގައި ކެންޑިޑޭޓް ނަމްބަރ 3 އައިޝަތު އާޒިމާ ޝަކޫރު ޚިޔާރު ކުރެއްވުމަށް"

ރައީސުލްޖުމްހޫރިއްޔާ ޑރ. މުހައްމަދު މުޢިއްޒު

ހުސްވެފައިވާ މާލޭ މޭޔަރ ކަމުގެ މަގާމަށް ބޭފުޅަކު އިންތިޚާބު ކުރުމަށް ބާއްވާ ބައި އިލެކްޝަން މާދަމާ ބާއްވާ އިރު، އެ އިންތިޚާބުގައި ޖުމްލަ 5 ކެންޑިޑޭޓެއް ބައިވެރިވެއެވެ.

އެއީ، ޢާޒިމާގެ އިތުރުން، އެމްޑީޕީގެ ޓިކެޓުގައި ވާދަކުރައްވާ އެމްޓީސީސީގެ ކުރީގެ ސީއީއޯ އާދަމް އާޒިމްއާއި، ޑިމޮކްރެޓްސް ގެ ޓިކެޓްގައި ވާދަކުރައްވާ މިހާރު މާލޭ ސިޓީ ކައުންސިލްގެ ގަލޮޅު އުތުރު ދާއިރާގެ ކައުންސިލަރު މުހައްމަދު ސައިފް ފާތިހު އާއި ކުރީގެ ޕޮލިސް ކޮމިޝަނަރު ހުސައިން ވަހީދުގެ އިތުރުން އަމިއްލަގޮތުން ވާދަކުރާ ފުރަހަނު ޝުއައިބުއެވެ.