މާފަރުގައި އެއާޕޯޓް ހޮޓަލެއް ހަދައި، އޮޕަރޭޓް ކުރާނެ ބަޔަކު ހޯދަނީ
ނ.މާފަރުގައި 50 ކޮޓަރީގެ އެއާޕޯޓް ހޮޓަލެއް ހަދައި، އޮޕަރޭޓް ކުރާނެ ބަޔަކު ހޯދަން މާފަރު އިންޓަނޭޝަނަލް އެއާޕޯޓް ހިންގާ އައިލެންޑް އޭވިއޭޝަނުން އިއުލާންކޮށްފިއެވެ.
އައިލެންޑް އޭވިއޭޝަނުން ކުރި އިއުލާނެއްގައި ބުނީ، އެއާޕޯޓުން ދޭ ހިދުމަތްތައް ފުރިހަމަކޮށް، ސަރަހައްދުގެ އިގުތިސާދީ ތަރައްގީއަށްޓަކައި ހިންގުމަށް ހަމަޖެހިފައިވާ އެ މަޝްރޫއަށް ދިވެހި އަދި ބޭރުގެ ކުންފުނިތަކަށް ވެސް ކުރިމަތިލެވޭނެ ކަމަށެވެ.
އެއާޕޯޓް ހޮޓެލް ހަދަން އައިލެންޑް އޭވިއޭޝަނުން ނިންމާފައިވަނީ ރަށުގެ އުތުރު ފަރާތުން 4،002 އަކަފޫޓުގެ ބިމެއްގައެވެ.
މި މަޝްރޫއު އަދި ވަކި ގޮތަކަށް ހިންގުމަށް ނުނިންމާ ކަމަށާއި، އެހެން ކަމުން ދެ ފަރާތަށް ވެސް ފައިދާވާ ގޮތަށް ޕްރޮޕޯސަލް ހުށައެޅުމުގެ ފުރުސަތު އެބައޮތްކަމަށް ވެސް އެއިއުލާނުގައި ވަނީ ބުނެފައެވެ.
އެކުންފުނިން ބުނީ އެ މަޝްރޫއުއަށް އެކްސްޕްރެޝަން އޮފް އިންޓްރެސް (އީއޯއައި) ހުށަހަޅާ ކުންފުނިތަކަށް މައުލޫމާތު ދިނުމުގެ ސެޝަނެއް ބާއްވާނެ ކަމަށާއި މި މަޝްރޫއު ގެ މަސައްކަތް ކުރުމަށް ހަވާލުކުރާއިރު، މަގުސަދުތައް ހާސިލުވާ އަދި ހަވާލުކުރާ ކުންފުންޏަށް ލިބިފައިވާ ތަޖުރިބާ ގެ އިތުރުން މާލީ އަދި ހިންގުމުގެ ގާބިލުކަމަށް ބަލާނެ ކަމަށެވެ. އެހެންކަމުން މި މަޝްރޫއަށް ޝައުގުވެރިކަން ފާޅުކުރުމުގެ ސުންގަޑިއަކީ އަންނަ އެޕްރީލް މަހުގެ 21 އެ އިއުލާނުގައި ވަނީ ބުނެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
