ރައީސް ޞާލިޙްގެ ތަޢުރީފް މޯދީއަށް: އެކި ދާއިރާތަކުން އިންޑިޔާއަށް ލިބިފައިވާ ކުރިއެރުންތަކަކީ މޯދީގެ ވަރުގަދަ ލީޑަރޝިޕްގެ ހެއްކެއް
އިންޑިއާއިން ހޯދާފައިވާ އިގްތިސާދީ، އިޖުތިމާއީ އަދި ސިޔާސީ ކުރިއެރުންތަކަކީ މޯދީގެ ވަރުގަދަ ލީޑާޝިޕްގެ ހެއްކެއް ކަމަށް ކުރީގެ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.
ޞާލިޙް މިހެން ވިދާޅުވީ، އިންޑިއާގެ ބޮޑުވަޒީރުކަމުގެ މަގާމުގައި އެންމެ ގިނަ ދުވަހު ހުންނެވި ބޭފުޅާގެ ޝަރަފު ނަރެންދުރަ މޯދީ ހޯއްދެވުމާ ގުޅިގެން، މަރުޙަބާ ވިދާޅުވެ 'އެކްސް' ގައި ކުރެއްވި ޕޯސްޓެއްގައެވެ.
ރައީސް ޞާލިޙް ވިދާޅުވީ، މިއީ އިންޑިއާގެ ރައްޔިތުންގެ އުންމީދުތަކާއި ތަޞައްވުރުތައް ހަގީގަތަކަށް ހަދައިދިނުމުގައި ބޮޑުވަޒީރު މޯދީއަށް އޮތް އިތުބާރާއި ޔަގީންކަން ހާމަކޮށްދޭ ތާރީޚީ ކާމިޔާބީއެއް ކަމަށެވެ.
ރައީސް ޞާލިޙްގެ މެސެޖުގައި ބޮޑުވަޒީރު މޯދީގެ ޒަޢާމަތުގައި އިންޑިއާއިން ހޯދާފައިވާ އިގްތިސާދީ، އިޖުތިމާއީ އަދި ސިޔާސީ ކުރިއެރުންތަކަށް ވަނީ ތައުރީފު ކުރައްވާފައެވެ. އެމަނިކުފާނު ފާހަގަކުރެއްވި ގޮތުގައި އިންޑިއާއަށް އައިސްފައިވާ މި ބޮޑު ބަދަލަކީ މޯދީގެ ވަރުގަދަ ލީޑަރޝިޕްގެ ހެއްކެކެވެ.
މީގެ އިތުރުން، ރައީސް ޞާލިޙްގެ ވެރިކަމުގައި ރާއްޖެއާއި އިންޑިއާއާ ދެމެދު އޮތް ގުޅުން ވަރަށް ބޮޑަށް ބަދަހިވެގެން ދިޔަކަން ފާހަގަކުރައްވަމުން، ކުރިއަށް އޮތް އަހަރުތަކުގައި ވެސް ދެ ގައުމުގެ ދެމެދުގައި އޮތް އެކުވެރިކަމުގެ ގުޅުން އިތުރަށް ވަރުގަދަވެގެންދާނެ ކަމަށް އުންމީދު ކުރައްވާ ކަމަށް ވިދާޅުވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
