ސްޕޯޓްސް އާބިޓްރޭޝަން ހިމަނައި ކުޅިވަރުގެ ގާނޫނަށް ވަރަށް އަވަހަށް އިސްލާހު ގެނެވޭނެ: ވަޒީރު ރާފިޢު
ސްޕޯޓްސް އާބިޓްރޭޝަން ހިމަނައި ކުޅިވަރުގެ ގާނޫނަށް އިސްލާހު ގެނައުމުގެ ބިލު ބަންޑާރަ ނައިބުގެ އޮފީހަށް ވަރަށް އަވަހަށް ފޮނުވޭނެ ކަމަށް ކުޅިވަރާއި ބެހޭ ވަޒީރު އަބްދުالله ރާފިއު މިއަދު ވިދާޅުވެެއްޖެ އެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި، ކުޅިވަރާއި ބެހޭ ވަޒީރާއި ސުވާލު ކުރުމަށް މަޖިލީހަށް ވަނީ ހާޒިރުކުރައްވާއިރު ، އިދިކޮޅު އެމްޑީޕީގެ ޕާލިމެންޓްރީ ގްރޫޕުގެ ލީޑަރު، ހިތަދޫ ދާއިރާގެ މެންބަރު އިބްރާހިމް ނާޒިލް ވަނީ، ސްޕޯޓްސް އާބިޓްރޭޝަން އުފެއްދުމާއި ގުޅޭ ގޮތުން ވަޒީރާއި ސުވާލު ކުރައްވާފައެވެ.
އެ ސުވާލަށް ޖަވާބު ދެއްވަމުން ވަޒީރު ވިދާޅުވީ، ސްޕޯޓްސް އާބިޓްރޭޝަނެއް އުފެއްދުމަކީ މުހިންމު ކަމެއް ކަމަށެވެ. އަދި ކުޅިވަރުގެ ގާނޫނަށް ގެނެވިގެންދާ ބަދަލުގައި އެކަން ހިމަނާފައިވާނެ ކަންވެސް ވަޒީރު ފާހަގަކުރެއްވިއެވެ.
ސްޕޯޓްސް އާބިޓްރޭޝަނެއް އުފެއްދުމަކީ މުހިންމު ކަމެއް ކަމުގައި އަޅުގަނޑު ދެކެން. އިރާދަކުރެއްވިއްޔާ އަޅުގަނޑުމެންގެ ކުޅިވަރުގެ ގާނޫނަށް މިހާރު ގެނެވިގެންދާ ބަދަލުގައި އެކަން އަޅުގަނޑުމެންވާނީ ހިމަނާފައި. އިރާދަކުރެއްވިޔާ މިހަފްތާގެ ތެރޭގައި އޭޖީ އޮފީހަށް ފޮނުވާ ގޮތަށް މިހާރު އޮތީ އެމެންޑްމެންޓްސް އަޅުގަނޑުމެންގެ މިނިސްޓްރީން މިއަދު ނޫނީ މާދަމާ އޭޖީ އޮފީހަށް ގެންދާ ގޮތަށް،"
ކުޅިވަރާއި ބެހޭ ވަޒީރު އަބްދުالله ރާފިއު
ކުޅިވަރު ގާނޫނަށް 2015 ވަނަ އަހަރުން ފެށިގެން އަމަލުކުރަން ފެށިއިރު، ކުޅިވަރުގައި ދިމާވާ މައްސަލަތައް ޝަރުއީ ކޯޓަކަށް ނުގެންގޮސް ކުޅިވަރުގެ އުސޫލުގެ ތެރެއިން ހައްލު ހޯދޭ ފަދަ އާބިޓްރޭޝަން ޕެނަލެއް އޮންނަން ޖެހޭނެ ކުޅިވަރުގެ ގިނަ ބަޔަކު ވަނީ ފާހަގަކޮށްފައެވެ.
މިދިޔަ ސަރުކާރުގައި، މަޖިލީހުގައިވެދް އެވާހަކަ ދެކެވުނު ނަމަވެސް އެކަމަށް އަމަލީ ސިފައެއް މިހާތަނަށް އައިސްފައި ނުވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
