ރައީސް ހުޅުމާލެ ހޮސްޕިޓަލްގައި
ރައީސް ހުޅުމާލެ ހޮސްޕިޓަލްގައި
ހަބަރު 22 Dec 2025 | 18:48

ފެންނަން އޮތް ހަގީގަތް؛ ދެ އަހަރުން ސިއްހީ ދާއިރާއިން ހުޅުމާލެއަށް ބޮޑު ބަދަލެއް

މާލޭގެ ރަށްވެހީންނާއި މާލޭގައި ދިރިއުޅޭ ރައްޔިތުންނާއި ބައްދަލު ކުރުމަށް ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ވަނީ މާލޭގެ ހުރިހާ އަވަށްތަކުގައި ރައްޔިތުން ބައްދަލްވުންތަކެއް ބާއްވަވާފަ އެވެ. އެގޮތުން ހުޅުމާލޭގެ ދެ ފޭސް ގައި ވަަކީން ބައްދަލްވުން ބޭއްވެވި އެވެ.

ރޭ ބޭއްވި ބައްދަލްވުމުގައި އާންމުންގެ މީހަކު ވަނީ ހުޅުމާލޭގެ ސިއްހީ ހާލަތު ރަނގަޅު ކުރުމަށް މި ސަރުކާރުން އެއްވެސް ކަމެއް ނުކުރާ ކަމަށް ބުނެ އެކަމުގެ ޝަކުވާ ކޮށްފަ އެވެ. ނަމަވެސް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ އެ ޝަކުވާތަކާއި ގުޅިގެން ހަގީގަތް ހާމަކޮށްދެއްވާ މިދިޔަ ދެ އަހަރު ތެރޭ ހުޅުމާލެއަށް ސިއްހީ ދާއިރާއިން ގެނެވުނު މުހިންމު ބަދަލުތައް ކުރުގޮތަކަށް ހިއްސާ ކުރައްވާފަ އެވެ.

އެއީ ފެންނަން އޮތް ހަގީގަތެވެ. މީގެ ދެ އަހަރު ކުރިއާ މިއަދާ އަޅާކިޔާލުމުން ހުޅުމާލޭގައި ދިރިއުޅޭ ރައްޔިތުންނަށް ސިއްހީ ހިދުމަތް ފޯރުކޮށް ދިނުމަށް ކުރެވުނު މަސައްކަތަށް ލިބިފައިވާ ކުރިއެރުން ވަޒަންކޮށްލެވޭނެ އެވެ.

ރައީސް މުއިއްޒު ހުޅުމާލެ ހޮސްޕިޓަލްގައި --

މިދިޔަ ދެ އަހަރު ތެރޭގައި އެޗްއެމްއެޗަށް ސިއްހީ ގޮތުން ލިބުނު ކުރިއެރުން:

- އަލަށް 10 އެނދުގެ އައިސީޔޫއެއް ގާއިމުކުރުން

- އަލަށް 14 އެނދުގެ އެންއައިސީޔޫއެއް ގާއިމުކުރުން

- ހަތަރު, އޯޓީ ރޫމް ހިމެނޭ އާ އޯޓީ ކޮމްޕްލެކްސްއެއް ގާއިމުކުރުން

- އަލަށް ފުލް ފްލެޖްޑް ސްޓިރިލް ޑިޕާޓްމަންޓެއް ގާއިމުކުރުން

- އީއާރް ހަތް އެނދުން 14 އެނދަށް ފުޅާކުރުން

- ޑައިލިސިސް ކެޕޭސިޓީ 10 އެނދުން 30 އެނދަށް ފުޅާކުރުން

- ހުޅުމާލޭގައި އައިނު ފިހާރައެއް (އޮޕްޓިކަލް ޝޮޕް) އެއް ހުޅުވުން

- އެޗްއެމްއެޗް ޕަބްލިކް ހެލްތު ސެންޓަރުގެ ޚިދުމަތް

ހުޅުމާލެ ހޮސްޕިޓަލުގެ އިމަޖެންސީ ރޫމުގެ ހިދުމަތް ފުޅާކުރުމުގެ މަސައްކަތް ނިންމާ އެތަން ރަސްމީކޮށް ހުޅުވުން -- ފޮޓޯ: ރައީސް އޮފީސް

މިއީ ހަމައެކަނި ހުޅުމާލެ ހޮސްޕިޓަލަށް ގެނެސްފައިވާ ބަދަލުތަކެވެ. މީގެ ތެރެއިން އެންމެ ހާއްސަ އެއް ކަމަކީ ޑައިލިސިސް ކެޕޭސިޓީ ބޮޑުކުރުމެވެ. މިހާރު އެއް ފަހަރާ 30 މީހުންނަށް އެ ހިދުމަތް ދެވޭނެ އެވެ. އެއާއެކު މިހާރު ޑަޔަލިސިސް އަށް އިންތިޒާރު ކުރާކަށް ނުޖެހެ އެވެ.

މީގެ އިތުރުން އެޗްއެމްއެޗް ޕަބްލިކް ހެލްތު ސެންޓަރާއެކު އެތައް ބަޔަކަށް ސިއްހީ ހިދުމަތް ހޯދުމަށް ފުރުސަތު ފަހިވެފައިވެ އެވެ. އަދި މާލެއެކޭ އެއްފަދައިން ހުޅުމާލެއިން ހިލޭ އައިނު ހެއްދޭ ގޮތް ވުމަކީ ވެސް ސިއްހީ ދާއިރާއިން ލިބުނު ބޮޑު ކުރިއެރުމަކާއި ފަސޭހަ އެކެވެ.

އަންނަ އަހަރު ހުޅުމާލެ ހޮސްޕިޓަލަށް އިތުރު ކުރިއެރުންތައް އަންނާނެ

ހުޅުމާލެ ހޮސްޕިޓަލްގެ ތަރައްގީއަށް މިހާރުވެސް ގިނަ ކަންތައްތައް ވަނީ ރާވާފަ އެވެ. އެ މައުލޫމާތު އެ ހޮސްޕިޓަލުން ވަނީ ހާމަކޮށްފަ އެވެ.

އެގޮތުން ނިއުރޮލޮޖީ އާއި ޔޫރޮލޮޖީ އަދި ގޭސްޓްރޯއެންޓޮލޮޖީ ފަދަ އާ ސްޕެސިލިޓީތައް 2026 ވަނަ އަހަރު ތައާރަފް ކުރާނެ އެވެ. މީގެ އިތުރުން ފުރަތަމަ ކުއާޓަރުގައި އާ 28 އެނދުގެ ވޯޑެއް (މެޑިކަލް އަދި ޕީޑިއޭޓްރިކް) އިތުރު ކުރުމުގެ މަސައްކަތް ވަނީ ފެށިފަ އެވެ.

ރައީސް މުއިއްޒު ހުޅުމާލެ ހޮސްޕިޓަލް ގައި

އަންނަ އަހަރު, އިން-ޕޭޝަންޓް ކެޕޭސިޓީއާއެކު އާ މެންޓަލް ހެލްތު ސެންޓަރެއް ގާއިމު ކުރެވޭނެ އެވެ. އަދި ގައިނިއާ އާއި ޑެލިވަރީ ސުއިޓްތައް ފުޅާކުރުމާއި އެމްއާރުއައި މެޝިން އިތުރުކުރުމާއި އީއީޖީ ސާވިސަސް އާއި އެނދުގެ ކެޕޭސިޓީ އާއި ސްޕެޝަލިޓީ ސާވިސް ފުޅާކުރުމަށް އާ އިމާރާތެއް ކުރުމަށް ވަނީ ރާވާފަ އެވެ.

ގިނަ ކަންތައްތަކެއް ކުރިއަށް ރޭވިފައި

ހުޅުމާލޭގެ އާބާދީ ދުވަހެއް ދުވަހަކަށް ދަނީ ބޮޑުވަމުންނެވެ. އެހެން ކަމުން ސަރުކާރުން ވަނީ އަންނަ އަހަރަށް ސިއްހީ ދާއިރާއިން ހުޅުމާލެއަށް ގިނަ މަޝްރޫޢުތަކެއް ކުރިއަށް ގެންދަން ރާއްވާފަ އެވެ.

މިހާރުވެސް ބައެއް މަސައްކަތްތައް ވަނީ ފެށިފަ އެވެ. އެގޮތުން އަމާން އުދަރެސް ޓަވަރު 6 ގައި 2 ވަނަ ޖީޕީ ކްލިނިކް ގާއިމުކުރުމަށް އެފްޑީސީއާއެކު ވަނީ ސޮއިކޮށްފަ އެވެ. 2026 ވަނަ އަހަރުގެ ފުރަތަމަ ކުއާޓަރުގައި އެ މަސައްކަތް ނިންމާލެވޭނެ އެވެ.

ހުޅުމާލެ ފޭސް 2 ގައި 500 އެނދަށް އަމާޒުކޮށްގެން އާ ހޮސްޕިޓަލް އިމާރާތް ކުރުމަށް ވަނީ ހަމަޖެހިފަ އެވެ. އެ ހޮސްޕިޓަލްގައި ކެންސަރަށް ފަރުވާ ދިނުމާއި އަންހެނުންނާއި ކުޑަކުދިން ބަލަހައްޓާ ސްޕެޝަލިޓީތައް އަދި އެހެނިހެން ސްޕެޝަލިޓީތައް ގާއިމު ކުރެވޭނެ އެވެ.

މީގެ އިތުރުން ހުޅުމާލޭގައި ތެލެސީމިއާ ސެންޓަރު, އިތުރު ވަސީލަތްތަކާއެކު ގާއިމު ކުރުމާއި އެ ނޫންވެސް މުހިންމު އެތައް ބަދަލެއް މިދިޔަ ދެ އަހަރުތެރޭ ވަނީ ކުރެވިގެން ގޮސްފަ އެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ދުންފަތް ކޮންޓްރޯލް ކުރުމާއި ޑިޖިޓަލް ރައްކާތެރިކަމުގެ ފިޔަވަޅުތަކަކީ ކުޑަކުދިންގެ ޙައްޤުގައި އެޅި މުހިންމު ފިޔަވަޅުތަކެއް: ރައީސް މުޢިއްޒު
20 Nov 2026 ހަބަރު

ދުންފަތް ކޮންޓްރޯލް ކުރުމާއި ޑިޖިޓަލް ރައްކާތެރިކަމުގެ ފިޔަވަޅުތަކަކީ ކުޑަކުދިންގެ ޙައްޤުގައި އެޅި މުހިންމު ފިޔަވަޅުތަކެއް: ރައީސް މުޢިއްޒު

ދުންފަތް ކޮންޓްރޯލް ކުރުމަށް ސަރުކާރުން ގެންނަ އިޞްލާޙުތަކާއި، ޑިޖިޓަލް ދުނިޔޭގައި ކުދިންގެ ރައްކާތެރިކަން ކަށަވަރުކުރުމަށް އަޅަމުންދާ ފިޔަވަޅުތަކަކީ، ކުޑަކުދިންގެ ދުޅަހެޔޮކަމަށް ކުރިމަތިވާ އާ ގޮންޖެހުންތަކުން އެކުދިން ސަލާމަތްކުރުމަށް ސަރުކާރުން ދޭ އަހައްމިއްޔަތުކަން ހާމަކޮށްދޭ ކަމެއް ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.