ފޮޓޯ: ފަހި ދިރިއުޅުން ކޯޕަރޭޝަން
ފޮޓޯ: ފަހި ދިރިއުޅުން ކޯޕަރޭޝަން
ހަބަރު 29 Sep 2026 | 16:42

އެފްޑީސީ ފްލެޓްތަކުގެ ބެލްކަނިތައް ރަނގަޅުކުރަން ފަހު ފުރުސަތު ދީފި

ހުޅުމާލެ ދެވަނަ ފިޔަވަހީގައި ފަހި ދިރިއުޅުން ކޯޕަރޭޝަން (އެފްޑީސީ) އިން ބިނާކޮށްފައިވާ ފްލެޓްތަކުގެ ޔުޓިލިޓީ ބެލްކަންޏަށް އުސޫލާ ޚިލާފަށް ގެނެސްފައިވާ ބަދަލުތައް އަންނަ މަހުގެ 28 ގެ ކުރިން ރަނގަޅުކުރުމަށް އެ ކުންފުނިން އަންގައިފިއެވެ.

މިއީ ބެލްކަނިތައް އިސްލާހުކުރުމަށް އެފްޑީސީން ދިން ފަހު ފުރުސަތު ކަމަށް އެ ކުންފުނީގެ އިއުލާނުގައި ވަނީ ބަޔާންކޮށްފައެވެ.

އެ ފްލެޓްތަކުގައި ދިރިއުޅޭ ބައެއް ފަރާތްތަކުން ތަފާތު ގޮތްގޮތަށް ބެލްކަނީގެ ޑިޒައިނަށް ބަދަލު ގެންނަމުންދާތީ، އެކަން އެގޮތަށް ނުކުރުމަށް މީގެ ކުރިންވެސް އެފްޑީސީން ވަނީ އަންގާފައެވެ. ނަމަވެސް ބައެއް ފަރާތްތަކުން އެ އެންގުމަށް ތަބާނުވެ، އުސޫލާ ޚިލާފަށް މަސައްކަތް ކުރިއަށް ގެންގޮސްފައިވާ ކަމަށް އެ ކުންފުނިން ފާހަގަކުރެއެވެ. އެހެންކަމުން، މިހާރު ކަނޑައަޅާފައިވާ ސުންގަޑީގެ ތެރޭގައި ބެލްކަނިތައް ރަނގަޅުނުކުރާ ފަރާތްތަކާމެދު އެއްބަސްވުމާ އެއްގޮތަށް ފިޔަވަޅު އަޅައި ޖޫރިމަނާ ކުރާނެ ކަމަށް އެފްޑީސީން ވަނީ ހާމަކޮށްފައެވެ.

އެފްޑީސީން މައުލޫމާތު ދޭ ގޮތުގައި ބެލްކަންޏަށް ބަދަލު ގެނައުމުގައި ހުއްދަ ދީފައިވަނީ ދެ ގޮތަކަށެވެ. އެއީ ސްލައިޑިން ލޫވާ ހަރުކުރުމާއި، ގްރިލް އެންޑް ނެޓް ހަރުކުރުމެވެ. މި ދެ ގޮތަށް ހުއްދަ ދީފައިވަނީ ރައްކާތެރިކަން ކަށަވަރުކުރުމުގެ އިތުރުން އެކަށީގެންވާ މިންވަރަށް ވައި ދައުރުވާނެ ކަމުގެ ޔަގީންކަން ހޯދުމުގެ ގޮތުންނެވެ. އަދި މިންގަނޑާ ޚިލާފަށް ކުޑަދޮރު ހަރުކޮށްފައިވާ ފަރާތްތަކުން ވެސް ކުންފުނީގެ ވެބްސައިޓުގައި ޝާއިއުކޮށްފައިވާ ގަވާއިދާ އެއްގޮތަށް އެ ތަންތަން ބަދަލުކުރަން ޖެހޭނެއެވެ.

އިމާރާތްތަކުގެ ރައްކާތެރިކަން ހަރުދަނާކުރުމަށް މި ފިޔަވަޅުތައް އަޅަން ފަށާފައި މިވަނީ، ހުޅުމާލެ ދެވަނަ ފިޔަވަހީގެ ދެ އިމާރާތަކުން ދެ ކުއްޖަކު ވެއްޓުމުގެ ހިތާމަވެރި ހާދިސާތަކެއް މިދިޔަ މަހު ހިނގާފައިވާ ދަނޑިވަޅެއްގައެވެ.

މި ހާދިސާތަކާ ގުޅިގެން ހުޅުމާލެ ބެލެހެއްޓުމާ ހަވާލުވެފައިވާ ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ވެސް ވަނީ ފްލެޓްތަކުގެ ސަލާމަތީ ކަންކަން ވަރުގަދަ ކުރުމަށް މުހިންމު ފިޔަވަޅުތަކެއް އަޅަން ނިންމައިފައެވެ. އެގޮތުން، ކުޑަދޮރުތަކާއި ބެލްކަނީގައި ރެއިލިން ހަރުކުރުމާއި، ބެލްކަނިތައް 1.4 މީޓަރަށް އުސްކޮށްދިނުމުގެ މަސައްކަތް ކުރަން ވަނީ ނިންމައިފައެވެ.

މީގެ އިތުރުން، ޚާއްޞަ އެހީއަށް ބޭނުންވާ ކުދިން އުޅޭ އެޕާޓްމަންޓްތަކުގެ ބެލްކަނިތައް 1.4 މީޓަރަށް އުސްކޮށްދޭއިރު، ސީރިއަސް ބަލިތަކުގެ މީހުން ދިރިއުޅޭ ގެތަކުގެ ބެލްކަނި މުޅިން ބަންދުކޮށްދިނުމުގެ މަސައްކަތް އެޗްޑީސީގެ ސީއެސްއާރުގެ ދަށުން ކޮށްދިނުމަށް ވަނީ ހަމަޖެހިފައެވެ. އަދި ކުޑަދޮރުތަކުގައި ލޮކިން ސިސްޓަމާއި ގްރިލިން ސިސްޓަމް ހަރުކޮށްދިނުމަށް ވެސް އެ ކުންފުނިން ވަނީ ނިންމައިފައެވެ. މި ލޮކިން ސިސްޓަމް ހަރުކުރުމުން ކުޑަދޮރު ހުޅުވޭނީ ކުއްޖެއް ނުވަތަ މީހަކު ނުވެއްޓޭނެ މިންވަރަށެވެ.

މި ހުރިހާ ފިޔަވަޅުތަކެއްގެ ވެސް މައިގަނޑު އަމާޒަކީ ހުޅުމާލެ ދެވަނަ ފިޔަވަހީގެ ފްލެޓްތަކުގައި ދިރިއުޅޭ ރައްޔިތުންނާއި ކުޑަކުދިންގެ ރައްކާތެރިކަން އެންމެ މަތީ ދަރަޖައަކަށް ކަށަވަރުކުރުމެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ހުޅުމާލެ ފޭސް 2 ސަރަހައްދުގައި މިރޭ ހަވާ އަރުވަނީ
21 Nov 2026 ހަބަރު

ހުޅުމާލެ ފޭސް 2 ސަރަހައްދުގައި މިރޭ ހަވާ އަރުވަނީ

މިކަމާ ގުޅިގެން އެމްއެންޑީއެފުން އެކްސްގައި ކުރި ޕޯސްޓެއްގައި ބުނެފައިވަނީ، ހުޅުމާލެ ފޭސް 2 ސަރަހައްދުގައި މިރޭ ވިޔަފާރީގެ އުސޫލުން ހަވާއެރުވުމުގެ ހަރަކާތެއް ބޭއްވުމަށް ނިންމާފައިވާކަމަށެވެ.