ސޯލިހުގެ ތަރުޖަމާނަކަށް އަންނާނީ ކާކު؟

އިބްރާހިމް މުހައްމަދު ސޯލިހުގެ ވެރިކަމަށް 10 ދުވަސް ވެގެން ދާއިރު މިވަނީ ރައީސް ސޯލިހުގެ ސަރުކާރުގެ ގިނަ މަގާމުތަކަށް ބޭފުޅުން އައްޔަން ނުކުރެއްވިއެވެ. އޭގެތެރެއިން ސަރުކާރުގެ ކުންފުނި ތަކުގެ ބޯޑުން ފެށިގެން ރައީސުލްޖުމްހޫރީޔާގެ ތަރުޖަމާނު ހިމެނި ވަޑައިގަންނަވައެވެ. ރައީސް ސޯލިހު ވެރިކަމަށް ވަޑައިގެންނެވީ ކޯލިޝަންއަކުން ކަމުން ނިންމުންތައް ނިންމުމުގެ ބާރު ރައީސް ސޯލިހަށް ލިބިގެން ނުވެއެވެ. ހަތަރު ލީޑަރުން އެއްބަސް ވެވޭ ގޮތަކަށް މެނުވީ އެއްވެސް ކަމެއް ނުނިންމި ސަރުކާރު ގެ ސްޕީޑް މިވަނީ އެތައް ގުނައެއް މަޑުޖެހިފައެވެ.

ސަރުކާރުގެ ތަރުޖަމާނަކީ މިނިސްޓަރުންނާއި އެކު އެކީ ހަމަ ޖެހިގެންދާ މަގާމެއްކަން ފާހަގަކޮށްލަން ޖެހެއެވެ.

ރައީސް ސޯލިހަކީ މީޑީއާގެ ބޭފުޅެކެވެ. އަދި ސޯލިހު ވެރިކަމަށް އައުން ވެގެންދިޔައީ ދޫ ބަނދުވެފައިވާ މީޑިއާތަކަށް އުންމީދާއި އުފާ ގެނެސްދިންކަމަކަށެވެ. ނަމަވެސް މިހާތަނަށް ރައީސް ސޯލިހުގެ ތަރުޖަމާނަކު އައްޔަން ނުކުރެވި އޮތް އޮތުމަކީ މީޑީއާ އާއި މެދު ސޯލިގެ ސަރުކާރުން ބަހައްޓާ ގާތްކަން ތަރުޖަމާ ކުރެވިގެންދާކަމެކެވެ.

މިހާތަނަށް ވެސް އާސަރުކާރުގެ ޕޮލިސީ ލެވެލްގެ ކަންކަމަށް ކޯލިޝަނުންނާއި ކުރީގެ ރައީސް ނަސީދުވެސް ގެންދަވަނީ ވަރަށް ފާޅުކަން ބޮޑުގޮތަކަށް ކޮމެންޓު ކުރައްވަމުންނެވެ. ނަމަވެސް ރައީސް ސޯލިހުގެ ސްޓޭޑް މިއިން އެއްވެސް ކަމެއްގައި މިވަނީ ތަރުޖަމާނަކު ނެތުމުގެ ސަބަބުން ސާފު ނުވެފައެވެ.

ކޯލިޝަންގެ މައި ޕާޓީއެއްގެ އޮފިޝަލް "ވޮއިސް" އަށް މައުލޫމާލު ދެއްވަމުން ވިދާޅުވެފައިވަނީ ރައީސްގެ ތަރުޖަމާނަކީ ހުރިހާ ލީޑަރުން އެއްބަސް ވެވަޑައިގަންނަވާ ބޭފުޅަކަށް ވާން ޖެހުމުން، ހުރިހާ ލީޑަރުން ވަނީ އެމަގާމަށް ބޭފުޅުންގެ ނަން ހުށަހަޅުއްވާފައި ކަމަށާއި، ލަސް ވަނީ އަދިވެސް ހުރިހާ ލީޑަރުން އެއްބަސް ވެވޭ މީހަކު ނެތުމުން ކަމަށްވެއެވެ.

ތަރުޖަމާނުގެ މަގާމަށް އައުން އެންމެގާތް ބޭފުޅުންގެ ތެރޭގައި ޖުމްހޫރީ ޕާޓީގެ ތަރުޖަމާނު އަލީ ސޯލިހް، އަދާލަތް ޕާޓީގެ ތަމީޑިއާ ޗެއާމަން އަލީ ނަޒީރު، އަދި ރާއްޖެ ޓީވީ ފިޔާޒް، މުހުސިން، މިއުވާންއެވެ.

އެގޮތުން ޖުމްހޫރީ ޕާޓީގެ ޗީޕް ސްޕޯކްޕާސަން އަލީ ސޯލިހަކީ މީގެ ކުރިން ޑީއާރުޕީގައި ވެސް މީޑިއާކަންތައް ބެލެހެއްޓެވި ފަރާތެކެވެ. މިހާރު ޤާސިމް އިބްރާހިމްގެ އިވެންތަކުގައި އިސްކޮށް ހަރަކާތްތެރިވާ ސޯލިހަކީ ހަމައެކަނި ޖުމްހޫރީ ޕާޓީއަށް ހާއްސަ ބޭފުޅެއްގެ ގޮތުން ފެންނަމުންދާ ބޭފުޅެކެވެ. އެއާއި ހިލާފަށް އަދާލަތް ޕާޓީގެ މީޑީއާ ޗެއާމަން އަލީ ނިޒާރަކީ އަދާލަތް ޕާޓީގެ އިތުރުން ކޯލިޝަންގެ ބޮޑެތި ޕްރެސްތަކުން ފަހު ފަހުން ވަރަށް ގިނައިން ފެނި މީޑިއާއާއި ވަރަށް ގާތް ގުޅުމެއް ބާއްވާފައިވާ ފަރާތެކެވެ.

ވެރިކަން ބަދަލުވުމާއެކު އެންމެންވެސް ހީކުރެވިގެން ދިޔައީ ކުރީގެ ރައީސް ޔާމީންގެ ސަރުކާރާ ދެކޮޅަށް އެންމެ ގަދައަށް އަޑު އުފުލި ރާއްޖޭޓީވީގެ އިސް ފަރާތްތަކަށް ސަރުކާރުގެ އިސް މަގާމުތައް ލިބިގެން ދާނެކަމަށެވެ. ހާއްސަކޮށް ތަރުޖަމާނުގެ މަގާމަކީ ރާއްޖެޓީވީގެ ކޮންމެވެސް ފިގާއަކަށް ލިބޭނެ އެއްޗެއް ކަމަށް ބެލެވުނެވެ.

އެގޮތުން ރާއްޖޭޓީވީން އިއްޔެ އިސްތިއުފާ ދެއްވި އެޓީވީގެ ސީއޯއޯ ހުސައިން ފިޔާޒް މޫސާ، ނޫސްވެރިޔާ މުހުސިންގެ އިތުރުން ސީނިއާ އެޑިޓަރު މުހައްމަދު މިއުވާން އަކީ މިގަމަށް އައުން އެންމް ގާތް ބޭފުޅުންކަމަށް ބެލެވެއެވެ.

ކޯލިޝަންގައި އެންމެ ބޮޑު ޕާޓީ އަކީ އެމްޑީޕީއަށް ކަމަށްވެފައި، މިއީ ރައީސް ސޯލިހްއަށް އައްޔަން ކުރަން ލިބެން ޖެހޭނެ މަގާމަކަށް ވާންޖެހެއެވެ.

ކޮންމެއަކަސް ވެރިކަމަށް 10 ދުވަސް ވެގެންދާއިރު މިޑީއާއާއި ރައީސުލްޖުމްހޫރީޔާ މިވަނީ ނުގުޅިއެވެ. މިއީ މީޑިއާއަށް ރަންދުވަސް ތަކެއް ގެންނާނެކަމަށް ވިދާޅުވި ސޯލިހުގެ ސަރުކާރުން މިހާރުން މިހާރަށް ކުރަން ޖެހިފައިވާ ކަމެކެވެ. ރައީސްގެ މައްޗައް ކުރީގެ ރައީސުން ސަރުކާރުގެ ކަންކަމަށް ބަސް ބުނަމުން ދާއިރު އެއީ ސަރުކާރުގެ ނިންމުންތައް ކަމުގައި ބެލޭނެ ޖާގަތެއްނެތެވެ.

ސަރުކާރުގެ ސްޑޭން އަދި ރައީސް ގެ ނިންމުންތައް މީޑިއާއަށް އަބަދުވެސް ތިލަކޮށްދެއްވަނީ ހުދު ރައީސް ނުވަތަ ތަރުޖަމާނެވެ. މީޑިއާތަކަށް މިމައްސަލާގައި ރައީސްގެ ބަހެއް ބޭނުންވެއެވެ.