އެހީ ޖަމިއްޔާގެ އިފްތާރުޕެކް މިފަހަރުވެސް. ބައިވެރިވުމުގެ ފުރުސަތު ހުޅުވާލައިފި
ކުރީ އަހަރެކޭ އެއްގޮތަށް މިފަހަރުގެ ރަމަޟާންމަހުވެސް އެހީ ޖަމިއްޔާއިން އިފްތާރުޕެކް ތައްޔާރުކޮށްދިނުމުގެ ކަންކަން ކުރިއަށްގެންދާނޭކަމަށް އެ ޖަމިއްޔާއިން ބުނެފިއެވެ.
އެހީގެ ޖަމިއްޔާއިން ހިންގަމުން އަންނަ "އެހީ އިފްތާރު" ޕްރޮޖެކްޓަކީ މިސްކިތްތަކާއި، ދަތިހާލުގައި ދިރިއުޅޭ އާއިލާތަކަށް އެހީވުމަށް ކުރިއަށްގެންދާ ޕްރޮޖެކްޓެކެވެ. އެހީ އިފްތާރު ކުރިއަށްގެންދާތާ 10 އަހަރު ވެފައިވާއިރު، އެހީ ޖަމިއްޔާއިން ބުނީ މިފަހަރުގެ އިފްތާރު ޕެކް ތައްޔާރުކޮށްދިނުމަށް އެހީވުމުގެ ފުރުސަތު ހުރިހާ ފަރާތްތަކަށްވެސް އެބައޮތްކަމަށެވެ.
އިފްތާރުޕެކް ތައްޔާރުކުރުމަށް އެޖަމިއްޔާއިން ކަނޑައަޅާފައިވަނީ މިފަހަރު ޕެކަކަށް 55 ރުފިޔާއެވެ.
މިފަހަރުގެ އެހީ އިފްތާރުގައި ފައިސާގެ އިތުރުން ތަކެތިވެސް ހަދިޔާކުރުމުގެ ފުރުސަތުވެސް ވަނީ ހުޅުވާލާފައެވެ.
އެހީ ޖަމިއްޔާއިން ބުނީ މިފަދަ އިތުރު ހަރަކާތްތައް މެދުނުކެނޑި ކުރިއަށް ގެންދިއުމަށްޓަކައި ލިބިގެންދާ ފައިސާގެ %12.5 ހަރަކާތް ރާވާ ހިންގުމުގެ ޚަރަދުތަކަށް ބޭނުންކުރުމަށް ނިންމާފައިވާ ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
