އާރުޑީސީން ދިއްދޫގައި ލައިސެންސް ނެގުމަށް ހަދާ ޓްރެކްގެ މަސައްކަތުގެ ބޮޑު ބައި ނިމިއްޖެ
ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އިން ހއ. ދިއްދޫގައި ތަރައްގީކުރާ އެއްގަމު އުޅަނދު ފަހަރު ދުއްވުމުގެ ލައިސެންސް ނެގުމަށް ހަދާ ޓްރެކްގެ މަސައްކަތުގެ ބޮޑުބައި ނިންމާލައިފިއެވެ.
އާރުޑީސީއިން މިކަން ހާމަކޮށް އެކްސްގައި ކޮށްފައިވާ ޕޯސްޓެއްގައި ބުނެފައިވާގޮތުގައި މި މަސައްކަތަކީ ހއ އަތޮޅު ކައުންސިލްގެ އެދުމުގެ މަތިން، އެ ކޯޕަރޭޝަނުގެ އިޖުތިމާއީ ޒިންމާގެ ދަށުން ކުރިއަށްގެންދާ މަސައްކަތެއްކަމަށެވެ.
ދިއްދޫގައި ތަރައްގީކުރަމުންދާ އެއްގަމު އުޅަނދު ފަހަރު ދުއްވުމުގެ ލައިސެންސް ނެގުމަށް ހަދާ ޓްރެކްގެ މަސައްކަތުގެ %90 މިހާރު ނިމިފައިވާކަަމަށް އާރުޑީސީއިން ވަނީ ބުނެފައެވެ.
އާރުޑީސީއިން އަންނަނީ އެކުންފުނީގެ އިޖުތިމާއީ ޒިންމާގެ ދަށުން ރާއްޖޭގެ އެކި ސަރަހައްދުތަކުގައި ތަފާތު އެކި މަސައްކަތްތަށް ކޮށްދެމުން ކަން ފާހަގަކޮށްލަން ޖެހެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
