މިސަރުކާރަކީ ހެދޭ ގޯސްތައް ފޮރުވާ ސަރުކާރެއް ނޫން: ނާއިބު ރައީސް

އަދުގެ ރައީސުލްޖުމްހޫރިއްޔާ ޑރ މުހައްމަދު މުޢިއްޒުގެ މި ސަރުކާރަކީ ހެދޭ ގޯސްތައް ފޮރުވާ ސަރުކާރެއް ނޫން ކަމަށް، ރައީސުލްޖުމްހޫރިއްޔާގެ ނާއިބު، ހުސައިން މުހައްމަދު ލަޠީފު ވިދާޅުވެއްޖެއެވެ.

މާލޭ ސިޓީ މޭޔަރ، އަދި މާލޭގެ ތިން ދާއިރާއަށް ވާދަކުރައްވާ ޕީއެންސީގެ ކެނޑިޑޭޓުގައި ވާދަ ކުރައްވާ ކެނޑިޑޭޓުންގެ ކެމްޕޭން ޖަލްސާގައި ވާހަކަ ދައްކަވަމުން ނައިބު ރައީސް ރޭ ވިދާޅުވީ، ޕީއެންސީގެ ކެންޑިޑޭޓު ޢާއިޝަތު ޢާޒިމާ ޝަކޫރާއި، ވާދަކުރައްވާ ކެންޑިޑޭޓުންގެ ތެރެއިން އިދިކޮޅު އެމްޑީޕީގެ ކެންޑިޑޭޓްގެ ވިސްނުން ހުންނެވީ ސަރުކާރުގެ މެނިފެސްޓޯއާއި ދިމާ އިދިކޮޅަށް ކަމަށެވެ.

އެގޮތުން، ސަރުކާރުގެ މެނިފެސްޓޯގައި ރައްޔިތުންނަށް ލުއިފަސޭހަ ކޮށްދިނުމަށް ގިނަ ކަންކަން ހިމަނުއްވާފައިވާ އިރު، އެ ކެންޑިޑޭޓުގެ ވާހަކަ އެކަންކަމާއި ދެކޮޅަށް ހުންނެވުމަކީ ރައްޔިތުންގެ ނިންމުމާއި ދެކޮޅު ވުން ކަމަށް ނާއިބު ރައީސް ވިދާޅުވިއެވެ. އެހެންކަމުން، އެމަނިކުފާނުގެ މެނިފެސްޓޯއާއި އިދިކޮޅަށް ވާހަކަ ދައްކަވާ ކެނޑިޑޭޓަކު ހޮވިއްޖެނަމަ ކަންކަން ރަނގަޅަކަށް ނުދާނެ ކަމަށް އެމަނިކުފާނު ވިދާޅުވި އެވެ.

ނައިބު ރައީސް ވިދާޅުވީ ރައީސް އިތުބާރު ކުރައްވާ މޭޔަރަކު މާލޭގައި ހުންނަވައިފިނަމަ، ތޮތްޖެހިފައިވާ މާލެ ހިތް ފަސޭހަތަނަކަށް ބަދަލުވެގެންދާނެ ކަމަށެވެ. އެހެން ކަމުން ވަށާޖެހޭ ނިޒާމު ތަޣައްޔަރުވިޔަ ނުދެއްވަން އާޒިމާގެ އިތުރުން އެ ޕާޓީގެ ފަރާތުން ވާދަކުރައްވާފައިވާ ކައުންސިލަރުން ހޮވަންޖެހޭ ކަމަށް ނައިބު ރައީސް ވިދާޅުވިއެވެ.

މިއާއެކު ނާއިބު ރައީސް ވިދާޅުވީ، ރައީސް މުޢިއްޒު ވެވަޑައިގެންފައިވާ ވައުދުތައް އެމަނިކުފާނު ފުއްދަވަމުންދާކަން ކެނޑިނޭޅި ފެންނަމުންދާ ކަމަށާ، އެކަމާއި ގުޅޭ މަޢުލޫމާތު ރައީސް އޮފީހުން ވެސް ދެއްވަމުން ގެންދާ ކަމަށެވެ.

އެމަނިކުފާނު އެ ވެވަޑައިގެންނެވި ވަޢުދުތައް، އެގޮތަށް އެ ތަރުތީބުން، ފުއްދަވަން އެމަނިކުފާނު އެބަ މަސައްކަތް ކުރައްވައޭ، އޭގެ ތަފްސީލް ތައް، ކޮންމެ ރެއަކުމެ އަޅުގަނޑުމެން ހިއްސާކުރަމުން މި ގެންދަނީ. އެއްވެސް ކަމެއް އެމަނިކުފާނު ފޮރުއްވާކަށް ނަހައްދަވާ. މީޑިޔާއަށް ވަރަށް ތަފްސީލްކޮށް، ކޮންމެ ހަފުތާއަކު، ސަރުކާރުން ނިންމަމުންދާ ނިންމުން ތަކާއި، ދައުލަތުގެ ވަޒީރުންނަށް ބާރު އަޅުއްވަނީ ވީހާވެސް މީޑިޔާއާ ގާތްކޮށް، ރައްޔިތުންނަށް ޚިދުމަތްދޭތަން ރައްޔިތުންނަށް ކިޔައިދޭން. އަދި ގޯހެއް ހެދުނަސް، އެ ގޯހަކީ ކޮބައިކަން ރައްޔިތުންނަށް ކިޔައި ދިނުމަށް. ހެދޭ ގޯސްތައް ފޮރުވާ ސަރުކާރެއް ނޫން ރައީސުލްޖުމްހޫރިއްޔާ ޑރ މުހައްމަދު މުޢިއްޒު ގެ މި ސަރުކާރަކީ

ނާއިބު ރައީސް ހުސައިން މުހައްމަދު ލަތީފް

އެހެން ކަމުން ވަށާޖެހޭ ނިޒާމު ތަޣައްޔަރުވިޔަ ނުދެއްވަން އާޒިމާގެ އިތުރުން އެ ޕާޓީގެ ފަރާތުން ވާދަކުރައްވާފައިވާ ކައުންސިލަރުން ހޮވަންޖެހޭ ކަމަށް ނައިބު ރައީސް ވިދާޅުވިއެވެ.