ވިލިނގިލީގައި ބައިނަލްއަގުވާމީ އެއާޕޯޓެއް އަޅައި 17 ރިސޯޓް ތަރައްގީކުރަން ބުރުޖް ޚަލީފާ އެޅި ކުންފުންޏަށް!
ލިޔުންތެރިޔާ
ޚަދީޖާ އަރުފާ
ގއ. ވިލިނގިލީ ފަޅު ތެރޭގައި ބައިނަލްއަގްވާމީ އެއާޕޯޓްއަކާއި 17 ރިސޯޓް ހަދަން ޔުނައިޓެޑް އަރަބް އެމިރޭޓްސް (ޔޫއޭއީ) ގެ ބުރުޖް ހަލީފާ އެޅި ކުންފުންޏާ ހަވާލުކޮށްފިއެވެ.
ރައީސުލްޖުމްހޫރިއްޔާ ޑރ މުހައްމަދު މުޢިއްޒު ވިލިގިއްޔަށް ވަޑައިގެން، އެރަށު ރައްޔިތުންނާ ބައްދަލު ކުރެއްވުމަށް މިއަދު މި އެއްބަސްވުމުގައި ދިވެހި ސަރުކާރުގެ ފަރާތުން ސޮއިކުރައްވާފައި ވަނީ ކޮންސްޓްރަކްޝަން އެންޑް އިންފްރާސްޓްރަކްޗާ މިނިސްޓަރު އަބްދުالله މުއްޠަލިބެވެ.
މި މަޝްރޫއުގެ ހިންގަން ހަވާލުކުރީ ދުބާއީގެ ބްރުޖުހަލީފާ ހެދި ބެލްޖިއަމްގެ ބީސިކްސް ގްރޫޕާ އެވެ. ބީ6 ކުންފުންޏަކީ ދުނިޔޭގެ 44 ވަނަ އަށް އެންމެ ވަރުގަދަ އަދި އެންމެ ބޮޑު ކުންފުންޏެވެ. އެ ކުންފުނިން މިދިޔަ އަހަރު ފައިދާގެ ގޮތުގައި ވެސް 300 މިލިއަން ޑޮލަރު ހޯދާފައިވެއެވެ.
ޖުމްލަ 800 މިލިއަން ޑޮލަރު (12 ބިލިއަން ރުފިޔާ)ގެ މިމަޝްރޫޢު އަކީ ސަރުކާރުން ޚަރަދު ނުކޮށް އެ ކުންފުނިން އިންވެސްޓް ކޮށްގެން ހިންގާ ޕްރޮޖެކްޓެކެވެ.
މި މަޝްރޫއުގެ ދަަށުން ގއ. ވިލިނގިއްޔާއި މި އެއާޕޯޓް އަޅާ ރަށް ކޯޒްވޭއަކުން ގުޅާލާނެ އެވެ. އެ ކޯޒްވޭގެ ދިގު މިނުގައި 17 ކިލޯމީޓަރު ހުންނާނެ އެވެ. މި ރަށުގައި ހަދާ އެއާޕޯޓަކީ އެންމެ ޒަމާނީ ހުރިހާ ވަސީލްތަކެއް ހުރި އިންޓަނޭޝަނަލް އެއާޕޯޓަކަށްވާނެ ކަމަށް ސަރުކާރުން ބުނެއެވެ.
މި މަޝްރޫއުގެ ދަށުން ވިލިނގިލީ ފަޅުގައި 17 ރަށް ތަރައްގީ ކުރާނެ އެވެ. މީގެ ތެރޭގައި ހިމެނެނީ އަށް ޕްރައިވެޓް އައިލެންޑާއި ބޮޑު ނުވަ ރިސޯޓެވެ. މި މަޝްރޫއާއެކު ހުވަދޫގެ އެނދުގެ އަދަދު 5،000 އަށް އިތުރު ވެގެންދާނެ އެވެ.
ވިލިނގިލީގައި ބޭއްވި ރަސްމިއްޔާތުގައި ޕްރިންސިޕަލް އެޑްވައިޒަރު ޓު ދަ ޕްރެސިޑެންޓް އޮން ޓްރޭޑް އިންވެސްޓްމަންޓް މުހައްމަދު އަލީ ޖަނާހް ވިދާޅުވީ ވިލިނގިލީ އެއާޕޯޓަކީ މި ސަރަހައްދު ބަދަލުކޮށްލާނެ މަޝްރޫއެއް ކަމަށެވެ. އަދި ރައީސުލްޖުމްހޫރިއްޔާ ޑރ މުޢިއްޒު ހަވާލު ކުރައްވާ މަސައްކަތް ކުރައްވަން ނުކުންނަވަނީ ދުނިޔޭގެ ކުންފުނި ތަކުގެ ތެރެއިން އެ މަޝްރޫއު އެއް ހިންގޭނެ މީހުން ހޯދައިގެން އެމީހުން ގޮވައިގެން ކަމަށް ވެސް ޖަނާހު ވިދާޅުވި އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
