ކަސްޓަމަރުންނަށްދޭ ހިދުމަތް ފަސޭހަކުރުމަށް, ޑިއެންއާރާ އެމްއައިބީން އެއްބަސްވުމެއް

ގިނަ އަދަދެއްގެ ރައްޔިތުން ބޭނުންކުރަމުން އަންނަ މޯލްޑިވްސް އިސްލާމިކް ބޭންކާއި ޑިޕާޓްމެންޓް އޮފް ނެޝަނަލް ރަޖިސްޓްރޭޝަނާ ދެމެދު އެއްބާރުލުން ދިނުމުގެ އެއްބަސްވުމެއް ޤާއިމްކޮށްފިއެވެ.

ދެފަރާތުގެ ދެމެދު ވެވުނު މި އެއްބަސްވުމަކީ އިސްލާމިކް ބޭންކުން ކަސްޓަމަރުންނަށްދެމުން އަންނަ ބޭންކިންގެ ހިދުމަތާއި އެނޫންވެސް ހިދުމަތްތައް އިތުރަށް ފަސޭހަކުރުމުގެ ގޮތުން ގާއިމްކުރެވުނު އެއްބަސްވުމެއްކަމަށް ދެފަރާތުންވެސް ވަނީ ބުނެފައެވެ.

އެއްބަސްވުމާ ގުޅޭގޮތުން ޑީއެންއާރުން ބުނީ، ސޮއިކުރެވުނު މި އެއްބަސްވުމުގެ މައިގަނޑު އެއް ބޭނުމަކީ، ޑީ.އެން.އާރުން ބަލަހައްޓަމުން ގެންދާ ދިވެހިރައްޔިތުންގެ މަޢުލޫމާތު، އެމް.އައި.ބީއާއި ހިއްސާކުރުމެވެ.

އެގޮތުން މި އެއްބަސްވުމުގެ މަޤްސަދަކީ، ބޭންކުގެ ޚިދުމަތް ހޯދާ ކަސްޓަމަރުންގެ މަޢުލޫމާތު، ޑީ.އެން.އާރުގެ އޭ.ޕީ.އައި ލިންކް މެދުވެރިކޮށް ވެރިފައިކުރުން ކަން ފާހަގަކުރަމުން ޑީއެންއާރުން ބުނީ، މިގޮތުން ޑީ.އެން.އާރުން ބަލަހައްޓަމުން ގެންދާ މަޢުލޫމާތު ވެރިފައިކުރުމުން، ބޭންކުން ޢާއްމު ރައްޔިތުންނަށް ފޯރުކޮށްދެމުން ގެންދާ ޚިދުމަތްތައް އަވަސް، ފަސޭހައި، ހަރުދަނާކޮށް ދިނުމުގެ ފުރުޞަތު ލިބިގެންދާނޭކަަމަށެވެ.

ޑީއެންއާރުން ވަނީ މިދިޔަ އަހަރު ބޭންކު އޮފް މޯލްޑިވްސްއާއި އެކުވެސް މަޢުލޫމާތު ހިއްސާކުރުމުގެ އެއްބަސްވުމެއް ގާއިމްކޮށްފައެވެ.