އާދަމް އާޒިމް.. ފޮޓޯ: ވޮއިސް
އާދަމް އާޒިމް.. ފޮޓޯ: ވޮއިސް
ހަބަރު 02 Apr 2026 | 00:26

އެމްޑީޕީ ކެނޑިޑޭޓުން ހޮވިއްޖެނަމަ، ގެއަށް ވަންނާނީ އެޗްޑީސީއާ ހަވާލުވުމަށްފަހު: މޭޔަރު އާޒިމް

ކުރިއަށްއޮތް ލޯކަލް ކައުންސިލްގެ އިންތިހާބު އެމްޑީޕީއަށް ކާމިޔާބުވެއްޖެނަމަ، ގެއަށް ވަންނާނީ އެޗްޑީސީ އާ ހަވާލުވުމަށްފަހު ކަމަށް  އެމްޑީޕީގެ ފަރާތުން ކުރިއަށްއޮތް މޭޔަރުގެ ގޮނޑިއަށް ވާދަކުރައްވާ މިހާރުގެވެސް މޭޔަރު އާދަމް އާޒިމް ވިދާޅުވެއްޖެއެވެ.

ލޯކަލް ކައުންސިލް އިންތިހާބު ނިންމާލުމުގެ ގޮތުން މިރޭ ބޭއްވި ހޭވައްލާ ތައްޔާރު ކެމްްޕެއިން ޖަލްސާގައި ވާހަކަދައްކަވަމުން މޭޔަރު އާދަމް އާޒިމް ވިދާޅުވީ، އެމްޑީޕީގެ މެންބަރަކު ހޮވައިގެން ނޫނީ ރާއްޖޭގެ ރައްޔިތުންނަށް އެއްވެސް ފައިދާއެއް ނުވާނޭކަމަށާއި، ހުޅުމާލޭގެ ރައްޔިތުންނަށް އަދި މާލޭގެ ރައްޔިތުންނަށްވެސް ފައިދާއެއްވާނީ އެމްޑީޕީއަށް ނިސްބަތްވާ ކައުންސިލެއް އޮވެގެން ކަމަށެވެ.

މާލެސިޓީގެ ބެލުމުގެ ދަށަށް ހުޅުމާލެ ބަދަލުކުރުމުގެ މައްސަލާގައި އާޒިމް މީގެ ކުރިން ވިދާޅުވެފައިވަނީ، ހުޅުމާލޭގެ މުނިސިޕަލް ހިދުމަތްތައް މާލެސިޓީ ކައުންސިލަށް ބަދަލުނުވެ ލަސްވަނީ ސަރުކާރުގެ ސަބަބުންކަމަށް ވިދާޅުވެފައެވެ. މިރޭ ވާހަކަދައްކަވަމުން އާޒިމް ވިދާޅުވީ ކުރިއަށްއޮތް އިންތިހާބު އެމްޑީޕީއަށް ލިބިއްޖެނަމަ، ގެއަށް ވަންނާނީ އެޗްޑީސީގެ ބަލަދުވެރިކަން މާލެސިޓީ ކައުންސިލަށް ހޯދުމަށްފަހުކަމަށެވެ.

އާޒިމް ވިދާޅުވީ މިވެރިކަމުގައި ހިދުމަތް ލިބެނީ ސަރުކާރަށް ނިސްބަތްވާ ފަރާތްތަކަސް އެކަނި ކަމަށެވެ.

ރައީސުލްޖުމްހޫރިއްޔާއާއި ރައީސުލްޖުމްހޫރިއްޔާގެ އަރިހުގައިވާ މީހުންނަށް އެކަނިކަން ހިދުމަތް ކުރަމުން ދަނީ. އެހެންވީމާ ރައްޔިތުންނަށް އަޅާނުލާ ރައްޔިތުންނަށް އެއްވެސް ގޮތަކަށް އޯގާތެރިނޫން ސަރުކާރެއް މިގޮތުގައި އޮތުމަކީ ރައްޔިތުންނަށް އިންތިހާއަށް ނިކަމެތިކަން ލިބިގެން ގޮސްފައިވާ ކަމެއް

މޭޔަރު އާދަމް އާޒިމް

އާޒިމް ވިދާޅުވީ ކަންކަމުގައި ސަރުކާރުގެ ހަމަތައް މިހާރު ހުރިގޮތުން ކައުންސިލް އެމްޑީޕީއަށް ނުދީފިނަމަ، ރައްޔިތުންނަށް ވަރަށް ބިކަވެ، ރައްޔިތުންނަށް ވަރަށް ދެރަގޮތްގޮތަށް ކަންކަން ވެގެންދާނޭކަމަށެވެ. އެގޮތުން މިހާރުވެސް އާސަންދަ އާއި ބޭސް ނުލިބޭކަން ފާހަގަކުރައްވަމުން އާޒިމް ވިދާޅުވީ، ރައްޔިތުންނަށް ދޭން ބުނި ގޯތިގެދޮރު ދޭން ބުނެފައި ގޯތިގެދޮރުވެސް ނުދޭކަމަށެވެ.

މީގެ އިތުރުން ދަތުރުފަތުރުގެ ނިޒާމު ބޮއްސުން ލާފައިވާކަން ފާހަގަކުރައްވަމުން އާޒިމް ވިދާޅުވީ، މި ވެރިކަމުގައި މިހާތަނަށް ރައްޔިތުންނަށް ލިބުނު އެއްޗެއް، ރައްޔިތުންނަށް ލިބުނު މަންފާއެއް، ނެތްކަމަށެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

މާލެސިޓީ ކައުންސިލުގެ ދަށުގައި އޮތް 14 ބިމެއް ދައުލަތަށް ނެގުމާ ދެކޮޅު ގަރާރު ބޭރުކޮށްލައިފި
04 Nov 2026 ހަބަރު

މާލެސިޓީ ކައުންސިލުގެ ދަށުގައި އޮތް 14 ބިމެއް ދައުލަތަށް ނެގުމާ ދެކޮޅު ގަރާރު ބޭރުކޮށްލައިފި

މާލޭ ސިޓީ ކައުންސިލްގެ 14 ބިމެއް ދައުލަތަށް ނެގުމާ ދެކޮޅަށް މީކާއީލް ހުށަހެޅުއްވި ގަރާރު، 52 މެންބަރުންގެ ވޯޓުން މަޖިލީހުން ބޭރުކޮށްލައިފިއެވެ.