ނިރުބަވެރި އިޒުރޭލުން ދިން ހަމަލާއެއްގައި ފަލަސްޠީނުގެ 89 މީހަކު ޝަހީދުވެއްޖެ
ނިރުބަވެރި އިޒުރޭލުން ފަލަސްޠީނުގެ ޣައްޒާ އަށް ދިން ހަމަލާއެއްގައި ފަލަސްޠީނުގެ 89 މީހަކު ޝަހީދުވެއްޖެއެވެ.
އިޒުރޭލުން މިފަހަރުވެސް ހަމަލާދީފައިމިވަނީ ޣައްޒާގެ އިންސާނީ އެހީ ފޯރުކޮށްދޭ ތަނަކަށް އަމާޒުކޮށެވެ. އިޒުރޭލުގެ ސިފައިން ދަނީ ކޮންމެ ދުވަހަކު ޣައްޒާގައި ހުރި އިންސާނީ އެހީ ފޯރުކޮށްދޭ ތަންތަންފަދަ މީހުން ބައިބޯ ސަރަހައްދުތަކަށް އަމާޒުކޮށް ވައިގެ މަގުންނާއި އެއްގަމުން ބަޑީގެ ހަމަލާތަށް ދެމުންނެވެ.
އިޒުރޭލުގެ މި ހަމަލާތަކުގައި ޒަހަމްވެފައިވާ މީހުންގެ އަދަދު ރިޕޯޓް ކޮށްފައި ނުވިނަމަވެސް މިއީ މިފަހުން އައިސް އިޒްރޭލުން ޣާއްޒާގެ އެހީ ފޯރުކޮށްދޭ ސަރަހައްދުތަކުގައި ދެމުންދާ ހަމަލާތަކުގައި އެންމެ ގިނަ މަރު ހިނގާފައިވާ ހާދިސާ ކަމަށް ބެލެވޭކަމަށް އަލް ޖަޒީރާއިން ވަނީ ރިޕޯޓް ކޮށްފައެވެ.
އިޒުރޭލުން ފަލަސްޠީނުގެ 89 މީހުން ޝަހީދު ކޮށްލާފައިވާއިރު، 2023 ވަނަ އަހަރުގެ އޮކްޓޫބަރު 7 އިން ފެށިގެން މިހާތަނަށް ޝަހީދު ކޮށްލާފައިވާ މީހުންގެ އަދަދު 55،000 އަރާކަމަށްވެއެވެ. އަދި މިހަމަލާ ތަކުގައި ޒަހަމްވެފައިވާ މީހުންގެ އަދަދު 127،000 އަށް އަރާނެކަމަށް މީޑިޔާތަކުން ރިޕޯޓްކޮށްފައިވެއެވެ.
އިޒުރޭލުން ފަލަސްޠީނުގެ ޣައްޒާގައި ހުންނަ އިންސާނީ އެހީ ފޯރުކޮށްދޭ ތަންތަނަށް އަމާޒުކޮށް ހަމަލާ ދިނުމުގެ ސަބަބުން ފަލަސްޠީނުގެ ރައްޔިތުންދަނީ އެތަންތަނަކީ އިންސާނުން ކަތިލާ ތަންތަނުގެ ގޮތުގައި ސިފަކުރަމުންނެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
