އިސްރާއީލާއިއެކު ދިގު މުއްދަތަކަށް ހަނގުރާމަކުރަން ހަމާސުން ތައްޔާރު: ޔަހްޔާ ސިންވާރް
ޔަހޫދީންގެ ޣައިރު ގާނޫނީ ދައުލަތް، އިސްރާއީލާއި ދެކޮޅަށް ދިގު މުއްދަތަކަށް ހަނގުރާމަކުރުމަށް ހަމާސް އިން ތައްޔާރަށް ތިބިކަމަށް ހަމާސް ގެ ލީޑަރު ޔަހްޔާ ސިންވާރް ވިދާޅުވެއްޖެއެވެ.
އިސްރާއީލަށް އަމާޒުކޮށް ހޫތީން ދިން ކާމިޔާބު މިސައިލް ހަމަލާތަކަށް މަރުހަބާ ވިދާޅުވެ، ސިންވާރް ވިދާޅުވީ، ދިގު މުއްދަތެއްގެ ހަނގުރާމައެއް ކުރަން ޖެހިއްޖެނަމަ އެކަމަށް ހަމާސް ގެ މުޖާހިދުން ތައްޔާރު ކަމަށާއި، ހޫތީން ދިން ހަމަލާއާއި އެކު ޣައްޒާ، އިރާގު، ލުބުނާން އަދި ޔަމަނުގައި އީރާނާ ގުޅިފައިވާ ޖަމާއަތްތަކުން އިސްރާއީލު ފަހަތަށް ޖައްސާލާނެ ކަމަށެވެ.
ސިންވާރް ވިދާޅުވީ، އިސްރާއީލާއި ދެކޮޅަށް ހަނގުރާމަ ކުރުމަށް ބޭނުންވާ ހަތިޔާރުތައް ހުރި ކަމަށެވެ. ހަމައެއާއިއެކު، ސިންވާރް ވަނީ ޔަހޫދީ ފައުޖުން ހަމާސް ނައްތާލުމަށް ކުރަމުންދާ މަސައްކަތް ނާކާމިޔާބުވެފައިވާކަމުގެ ޔަގީންކަން ވެސް ދެއްވާފައެވެ.
ހޫތީން އިސްރާއީލަށް އަމާޒުކޮށް މިދިޔަ އާދިއްތަ ދުވަހު ވަރުގަދަ މިސައިލް ހަމަލާއެއް ފޮނުވާލިއިރު، މިއީ އާ ވައްތަރެއްގެ، އެންމެ 11 މިނިޓް ތެރޭ 2,040 ކިލޯ މީޓަރަށް ދަތުރުކުރުމުގެ ގާބިލުކަން ލިބިފައިވާ ހައިޕަ ބޮލިސްޓިކް މިސައިލްއެކެވެ.
މި ހަމަލާގައި 9 ޔަހޫދީން ޒަހަމްވެފައިވާކަން ފާހަގަކޮށްލަން ޖެހެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
