ހއ. ކެލާ ފަޅުތެރޭގައި ރިސޯޓެއް ތަރައްޤީ ކުރުމަށް ފަހުމުނާމާއެއްގައި ސޮއިކޮށްފި
ހއ. ކެލާ ފަޅުތެރޭގައި ރިސޯޓު ތަރައްޤީކުރުމަށް ފަތުރުވެރިކަމާއި ބެހޭ ވުޒާރާ އާއި ކެލާ ކައުންސިލާއި ދެމެދު ފަހުމުނާމާއެއްގައި
ސޮއިކޮށްފިއެވެ.
ފަތުރުވެރިކަމާއި ބެހޭ ވަޒީރު އިބްރާހީމް ފައިސަލް ވިދާޅުވީ، ކެލާ ފަޅުތެރޭގައި ރިސޯޓެއް ތަރައްޤީކުރުމަށްޓަކައި ކުރަން ޖެހޭ މަސައްކަތްތައް ވަރަށް އަވަހަށް ފެށުމަށް، ދުބާއި، ސިންގަޕޫރު، ތައިލޭންޑު އަދި މެދުއިރުމަތީގެ ޤައުމުތަކުގައި އިންވެސްޓުމަންޓު ފޯރަމްތައް ބާއްވާނެ ކަމަށާއި، މި ފޯރަމްތަކުގައި މި މަޝްރޫޢުއަށް އިންވެސްޓަރުން ހޯދުމަށް މަސައްކަތްކުރާނެ ކަމަށެވެ. އަދި އަމާޒަކީ މި ދައުރު ނިމުމުގެ ކުރިން، ކެލާ ފަޅުތެރެއިން ބިން ހިއްކާ ރިސޯޓެއް ތަރައްޤީކޮށް، ފަތުރުވެރިކަމަށް ހުޅުވާލުން ކަމަށެވެ.
ހއ. ކެލާގައި ރިސޯޓެއް ތަރައްޤީ ކޮށްދިނުމަށް ވެ ވަޑައިގެންނެވި ވަޢުދުފުޅު ޙަޤީގަތަކަށް ހައްދަވައިދެއްވާނެ ކަމަށް ރައީސް ޑރ.މުޙައްމަދު މުޢިއްޒު ވިދާޅުވެފައިވަނީ މިދިޔަ ފެބްރުއަރީ މަހުގެ 25 ވަނަ ދުވަހު އުތުރުގެ ހަތަރު އަތޮޅަށް ކުރެއްވި ދަތުރުފުޅުގައެވެ. އެމަނިކުފާނު ވިދާޅުވެފައި ވަނީ، ކެލާ ފަޅުތެރޭގައި ރިސޯޓެއް ތަރައްޤީކުރުމުން، އެރަށުގެ އިތުރުން، އެސަރަޙައްދުގެ އެހެން ރަށްރަށުގެ ޒުވާނުންނަށްވެސް ރަށް ކައިރީގައި ވަޒީފާ އަދާކޮށް އާމްދަނީ ހޯދޭނެ ފުރުޞަތު ފަހިވެގެންދާނެކަމަށެވެ.
"ރަށުގެ ތަައްޤީއަށް ޓޫރިޒަމް ތަރައްޤީކުރުން، ފަޅުގައި ރިސޯޓެއް ޑިވެލޮޕް ކުރުން، އެއީ އެންމެ މުހިންމު މަޝްރޫއުގެ ގޮތުގައި އަޅުގަނޑު ދަންނަވާލަން. އެ މަޝްރޫއު ޙަޤީގަތަކަށް ހަދައިދޭނަން"
ކެލާއަށް ކުރެއްވި ދަތުރުފުޅުގައި ރައީސް ޑރ. މުޙައްމަދު މުޢިއްޒު ވިދާޅުވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
