ޕާޓީގެ އެންމެ ބޮޑު މަސްލަހަތަކީ ދިވެހި ޤައުމު - ރައީސް ނަޝީދު
ލިޔުންތެރިޔާ
ޝަފްރާޒް އަހްމަދު
މޯލްޑިވިއަން ޑިމޮކްރެޓިކް ޕާޓީ(އެމްޑީޕީ)ގެ އެންމެ ބޮޑު މަސްލަހަތަކީ ދިވެހި ޤައުމު ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
އެމްޑީޕީގެ ޕްރައިމެރީގައި ހެންވޭރު ހުޅަނގު ދާއިރާއަށް ކުރިމަތިލައްވާ އެމްޑީޕީގެ ޗެއާޕާސަން ހަސަން ލަތީފްގެ ކެންޕެއިން ފެއްޓުމުގެ ގޮތުން ހެންވޭރު ކެންޕެއިން ޖަގަހައެއްގައި ވާހަކަ ފުޅު ދައްކަވަމުން ރައީސް ނަޝީދު ވިދާޅުވިގޮތުގައި ވަކި ވަކި ކެނޑިޑޭޓުންގެ މަސްލަހަތެއް ނޫންކަމަށާއި ޤައުމީ މަސްލަހަތުކަމަށެވެ. އަދި ކެނޑިޑޭޓުންނަށްވުރެން އެކުރިމަތިލާ ދާއިރާގެ ރައްޔިތުން މުހިންމު ވާނެކަމަށް ނަޝީދު ވިދާޅުވިއެވެ.
ރައްޔިތުން ބޭނުން ވަނީ އެ ރައްޔިތުންގެ އުންމީދުތައް ހަޤީގަތަކަށް ހެދުމަށް ކަމަށާއި ކެނޑިޑޭޓުން ނުވަތަ މެންބަރުންނަށް މިކަން ސާފުވާނެކަމަށް ނަޝީދު ވިދާޅުވިއެވެ. އަދި ސިޔާސީ ޕާޓީގެ ގޮތުގައި މަސައްކަތް ކުރަން ޖެހޭނީ ވެސް މި ޤައުމާއި ޕާޓީގެ އެންމެ މަތީ މަސްލަހަތައްކަން ފާހަގަކުރައްވެވިއެވެ.
ރައީސް ނަޝީދު މިމޭރުމުން ވާހަކަފުޅު ދައްކަވާފައިވަނީ ކުރިއަށް އޮތް މަޖިލިސް އިންތިހާބުގައި އެމްޑީޕީގެ ދެ ދާއިރާއެއްގެ ޕްރައިމެރީގައި ވާދަކުރައްވާ ބޭފުޅުން ނަންއަނބުރާ ގެނައުމާ ގުޅިގެންނެވެ. އަދި ދޫ ދިނުމަކީ ސިޔާސީ ގޮތުން ލިބޭ ބޮޑު މޮޅެއްކަން ފާހަގަކުރައްވައި އެމްޑީޕީގެ މިއަދު މިދެކޭ ކާމިޔާބަކީ މިފަދަ ރީތީ އަހުލާގީ ސިފަތައް ގިނަކަމުންކަން ފާހަގަކުރެއްވެވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
