ކާށިދޫ ކައުންސިލް އިދާރާ.. ފޮޓޯ: އާޒިމް
ކާށިދޫ ކައުންސިލް އިދާރާ.. ފޮޓޯ: އާޒިމް
ހަބަރު 08 Dec 2025 | 16:20

ތަޖުރިބާ ހޯދުމުގެ ދަތުރެއްގެ ތެރެއިން ކާށިދޫ ކައުންސިލުން ފަޅުރަށަކަށް ދިޔަ މައްސަލައެއް

ތަޖުރިބާ ހޯދުމުގެ ދަތުރެއްގެ ތެރެއިން ކާށިދޫ ކައުންސިލުން 2022 ވަނަ އަހަރާއި 2023 ވަނަ އަހަރު ރާއްޖޭގެ ދެކުނުގެ ބައެއް ރަށްތަކަށް ކުރި ދަތުރުގެ މައްސަލަތަކެއް އޮޑިޓަރ ޖެނެރަލް ފާހަގަކުރައްވައިފިއެވެ.

އޮޑިޓަރ ޖެނެރަލްގެ އޮފީހުން ނެރެފައިވާ މާލެއަތޮޅު ކާށިދޫ ކައުންސިލްގެ 2022 އަދި 2023 ވަނަ އަހަރުގެ އޮޑިޓް ރިޕޯޓްގައި ވަނީ ދެ އަހަރެއްގެ މަތިން އެ ކައުންސިލުން ކުރި ތަޖުރިބާ ހޯދުމުގެ ދަތުރާ ގުޅޭ ބައެއް މައްސަލަތައް ފާހަގަކޮށްފައެވެ. އެގޮތުން ކައުންސިލުން ތަޖުރިބާ ހޯދުމުގެ އެ ދަތުރުކޮށްފައިވަނީ، 2022 ވަނަ އަހަރު ދުނިޔޭގެ ބާޒާރުގައި ތެލާއި ތަކެތީގެ އަގުބޮޑުވުމާ ގުޅިގެން ދައުލަތުގެ ހިންގުމުގެ ހަރަދުތައް ކުޑަކުރުމަށް ފިޔަވަޅުތަކެއް އަޅާފައިވަނިކޮށް ކަމަށް ރިޕޯތްގައި ވަނީ ފާަހގަކޮށްފައެވެ.

އޮޑިޓް ރިޕޯޓްގައި ވާގޮތުން ކާށިދޫ ކައުންސިލުން ވަނީ ރަށްރަށުގެ ކައުންސިލް ޕްރޮޖެކްޓްތައް ހިނގަމުންދާގޮތް ބަލާ ތަޖުރިބާ ހޯދުމަށް 2022 ވަނަ އަހަރު ހުވަދުއަތޮޅު ދެކުނުގެ ރަށްތަކުގެ އިތުރުން 2023 ވަނަ އަހަރު އައްޑޫސިޓީ އަދި ފުވައްމުލަކަށް ދަތުރުކޮށްފައެވެ.

މިގޮތުން ކައުންސިލަރުންނާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީ އަދި ކައުންސިލްގެ ބައެއް މުއައްޒަފުން ހިމެނޭހެން ޖުމްލަ 18 މުއައްޒަފަކު ގދ އަތޮޅުގެ ރަށްތަކަށް ކުރި ދަތުރަށް 170،726 ރުފިޔާ ހޭދަކުރިއިރު، އައްޑޫސިޓީ އަދި ފުވައްމުލަކަށް ކުރި ދަތުރުގައި ބައިވެރިވި 15 މުއައްޒަފަކަށް ވަނީ 153،973 ރުފިޔާ ހޭދަކޮށްފައެވެ.

އޮޑިޓް ރިޕޯޓްގައި ބުނެފައިވަނީ މި ދަތުރުތަކުގައި ދަތުރުގެ މަގްސަދާ ނުގުޅޭ ބައެއް ކަންކަމަށް ކައުންސިލްގެ ބަޖެޓުން ހޭދަކޮށްފައިވާކަމަށެވެ. އެގޮތުން އައްޑޫސިޓީ އަދި ފުވައްމުލަކަށް ކުރި ދަތުރުގައި އުސޫލާ ހިލާފަށް 8،270 ރުފިޔާ ހޭދަކުރިކަމަށް އޮޑިޓް ރިޕޯޓްގައި ވަނީ ފާހަގަކޮށްފައެވެ.

ގދ އަތޮޅުގެ ރަށްތަކަށް ކުރި ތަޖުރިބާ ހޯދުމުގެ ދަތުރުގައި އެ ސަރަހައްދުގައި އޮންނަ ފަޅު ދެރަށްކަމަށްވާ ގދ ކަފެނާ، އަދި ގދ ލާބަދޫއަށް ދިއުމަށް ކައުންސިލް ބަޖެޓުން 4،400 ރުފިޔާ ހަރަދުކޮށްފައިވާއިރު، އެ ދެ ރަށަށް ދިއުމުގެ ބޭނުމާއި މަޤްސަދު ދަތުރުގެ ބަޖެޓްގައި ހިމަނާފައި ނުވާކަމަށް އޮޑިޓް ރިޕޯޓްގައި ވަނީ ބުނެފައެވެ. މިކަމާ ގުޅޭގޮތުން އޮޑިޓް އޮފީހުން ސުވާލުކުރުމުން އެދަތުރުކުރީ މުއައްޒަފުންގެ މެދުގައި ގުޅުން ބަދަހިކޮށް މޯޓިވޭޝަން އިތުރުކުރުމަށް ކައުންސިލުން މައުލޫމާތު ދީފައިވާަކަމަށް ވަނީ ބުނެފައެވެ.

މިކަމާ ގުޅޭގޮތުން އޮޑިޓް ރިޕޯޓްގައި ބުނެފައިވަނީ ފަޅުރަށްތަކަށް ކުރި ދަތުރަކީ ރަށްރަށުގެ ކައުންސިލްތަކާއި ޕްރޮޖެކްޓްތައް ހިނގަމުންދާގޮތް ބަލައި ތަޖުރިބާ ހޯދުމަށް ކުރި ދަތުރާއި ގުޅޭ ހަރަދެއްކަމަށް ނުބެލެވޭކަމަށެވެ.

އަދި މީގެ އިތުރުން އައްޑޫސިޓީ އަދި ފުވައްމުލަކަށް ކުރި ދަތުރާއި ބައެއް އެހެނިހެން ހަރަދުތަކަށް 28،227 ރުފިޔާ ހަރަދުކޮށްފައިވާކަމަށް ދަތުރު ރިޕޯޓްގައި ބުނާއިރު، އެ ހަރަދުތަކުގެ ތެރެއިްނ އޮޑިޓަށް ލިބިފައިވަނީ 14،920 ރުފިޔާ އާ ގުޅޭ ހަރަދުގެ ބިލްތަކަކެވެ. ބާކީ 13،307 ރުފިޔާ ހަރަދުކޮށްފައިވަނީ ކޮންކަމަކަށް ކަމާއި، އަދި އެ ހަރަދުތަކުގެ ސައްހަކަން ކަށަވަރުނުވާކަމަށް އޮޑިޓް ރިޕޯޓްގައި ވަނީ ބުނެފައެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

2024 ވަނަ އަހަރު ފެނަކައަށް 547 މިލިއަނަށްވުރެ ގިނަ ރުފިޔާގެ ގެއްލުމެއް؛ ސަޕްލަޔަރުންނަށް ދައްކަން ޖެހޭ ތިން ބިލިއަން ރުފިޔާ އޮތް
12 Nov 2026 ހަބަރު

2024 ވަނަ އަހަރު ފެނަކައަށް 547 މިލިއަނަށްވުރެ ގިނަ ރުފިޔާގެ ގެއްލުމެއް؛ ސަޕްލަޔަރުންނަށް ދައްކަން ޖެހޭ ތިން ބިލިއަން ރުފިޔާ އޮތް

އޮޑިޓަރ ޖެނެރަލް އޮފީހުން ނެރެފައިވާ ފެނަކަ ކޯޕަރޭޝަން ލިމިޓެޑްގެ 2024 ވަނަ އަހަރުގެ އޮޑިޓް ރިޕޯޓުން ދައްކާގޮތުން، އެ ކުންފުންޏަށް އެ އަހަރު 547 މިލިއަނަށްވުރެ ގިނަ ރުފިޔާގެ ގެއްލުމެއް ލިބިފައިވެއެވެ. އަދި ކުންފުނީގެ މާލީ ހާލަތު އޮތް ގޮތުން ހިސާބުތަކުގެ ސައްހަކަން ކަށަވަރުކުރުމަށް ފުރިހަމަ ލިޔެކިޔުންތައް ނުލިބޭތި، އޮޑިޓަރުން ވަނީ މި ބަޔާނަށް ރައުޔެއް ދިނުމުން އުޒުރުވެރިވެފައެވެ.