އޭސީސީން މަޖިލީހުގެ ކޮމިޓީގައި... ފޮޓޯ: މަޖިލީހުގެ އިދާރާ
އޭސީސީން މަޖިލީހުގެ ކޮމިޓީގައި... ފޮޓޯ: މަޖިލީހުގެ އިދާރާ
ހަބަރު 13 Nov 2025 | 11:50

އޭސީސީއަށް ކަނޑައެޅި ބަޖެޓު މާ ކުޑަ، 97 އިންސައްތަަ ދާނީ މުސާރައަށް: ޝާމިލް

އެންޓި ކޮރަޕްޝަން ކޮމިޝަން (އޭސީސީ) އަށް އަންނަ އަހަރަށް ކަނޑައަޅާފައިވާ ބަޖެޓަކީ ވަރަށް ކުޑަ އަދަދެއް ކަމަށާއި، އެ ބަޖެޓުގެ 97 އިންސައްތަ ހަރަދުކުރަން ޖެހެނީ ހަމައެކަނި މުސާރައާއި އޮފީސް ހިންގުމަށް ކަމަށް އެ ކޮމިޝަނުގެ ރައީސް އާދަމް ޝާމިލް ވިދާޅުވެއްޖެއެވެ.

އިއްޔެ ރައްޔިތުންގެ މަޖިލީހުގެ ކޮމެޓީއެއްގައި ވާހަކަފުޅު ދައްކަވަމުން ޝާމިލް ވަނީ މިކަމުގެ ސަބަބުން ކޮމިޝަންގެ ގާނޫނީ ޒިންމާތައް އަދާކުރުމަށް ދަތިތަކެއް ކުރިމަތިވާނެކަމަށް ކަންބޮޑުވުން ފާޅުކުރައްވާފައެވެ.

އެގޮތުން ޝާމިލް ވިދާޅުވި ގޮތުގައި، އޭސީސީގެ ބަޖެޓު ސީލިންގަކީ 49.8 މިލިއަން ރުފިޔާ ނަމަވެސް، މަޖިލީހަށް ހުށަހަޅާފައިވަނީ 47.4 މިލިއަން ރުފިޔާގެ ބަޖެޓެކެވެ. މިއީ މި އަހަރު، 52 މިލިއަން ރުފިޔާ ޚަރަދުކުރާނެ ކަމަށް ބަޖެޓުގައި އޮތް އަދަދަށް ވުރެ 9 އިންސައްތަ ދަށް އަދަދެކެވެ.

އެކަމާއި ގުޅިގެން ޝާމިލް ފާހަގަކުރެއްވި ގޮތުގައި، މިހާ ކުޑަ ބަޖެޓަކުން ކޮމިޝަންގެ މަސްއޫލިއްޔަތުތައް ފުރިހަމައަށް އަދާކުރުމަށް ގިނަ ގޮންޖެހުންތަކެއް ކުރިމަތިވާނެއެވެ.

ބަޖެޓުގެ ތަފްސީލަށް ބަލާއިރު، މުވައްޒަފުންގެ މުސާރައާއި އިނާއަތްތަކަށް 78.3 އިންސައްތަ ނުވަތަ 37 މިލިއަން ރުފިޔާ ހަރަދުކުރެވެއެވެ. ގާނޫނުން މަތިކޮށްފައިވާ މަސްއޫލިއްޔަތުތައް އަދާކުރުމަށް ތަހުގީގުތައް ހިންގުމަށް ބޭނުންވާ ދަތުރުތަކަށް ލިބިފައިވަނީ އެންމެ 0.3 އިންސައްތަ ނުވަތަ 130،000 ރުފިޔާ ކަމަށް ޝާމިލް ފާހަގަކުރެއްވިއެވެ.

"ރާއްޖެ މި އޮތް ގޮތުން މީގައި ވަރަށް ބޮޑަށް ދަތިތަކެއް ކުރިމަތިވާނެ،" ޝާމިލް ވިދާޅުވިއެވެ.

މީގެ އިތުރުން، އޮފީސް ކުއްޔަށް އެކަނި 10 އިންސައްތަ ހަރަދުކުރަން ޖެހޭ ކަމަށް ވެސް އޭނާ ފާހަގަކުރެއްވިއެވެ. އޭސީސީ ހިންގަނީ މީހުން ދިރިއުޅޭ ގެއެއްގައި ކަމަށްވުމުން، ތަހުގީގުތަކަށާއި މައުލޫމާތު ސާފުކުރުމަށް ހާޒިރުކުރާ ފަރާތްތަކުގެ ރައްކާތެރިކަން ކަށަވަރުކުރުމަށް ދަތިތަކާ ކުރިމަތިވާ ކަމަށް ޝާމިލް ކަންބޮޑުވުން ފާޅުކުރެއްވިއެވެ. މުވައްޒަފުންނަށް މަސައްކަތްކުރަން ވެސް ޖާގަ ކުޑަކަން އޭނާ ފާހަގަކުރެއްވިއެވެ.

ޝާމިލް ވިދާޅުވީ ކޮރަޕްޝަން ދުރާލާ ދެނެގަތުމުގެ ނިޒާމު އަދިވެސް ވަރަށް ބަލިކަށިކޮށް އޮތް ކަމަށެވެ. އެހެންކަމުން ކޮންމެ ކަމެއްގައި ވެސް ފުލުހުންގެ އެހީއަށް އެދެން ޖެހުން މިއީ ކޮމިޝަންގެ މަސައްކަތުގެ މިނިވަންކަމާ ގުޅިފައިވާ މައްސަލައެއް ކަމަށް އޭނާ ވިދާޅުވިއެވެ.

އެހެންވެ އޭސީސީއިން ބަޖެޓަށް ހުށަހެޅިއިރު، މި ނިޒާމު ހަރުދަނާކުރުމަށް ބޭނުންވާ ފައިސާއަށް ވެސް އެދިފައިވާނެ ކަމަށް ޝާމިލް ފާހަގަކުރެއްވިއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

މުވައްޒަފުންގެ މުސާރަ އާއި ކޮމިޝަންގެ ބަޖެޓު ބޮޑުކުރަން އޭސީސީން އެދިއްޖެ
16 Nov 2026 ހަބަރު

މުވައްޒަފުންގެ މުސާރަ އާއި ކޮމިޝަންގެ ބަޖެޓު ބޮޑުކުރަން އޭސީސީން އެދިއްޖެ

އަންނަ އަހަރަށް ލަފާކޮށް ފިނޭންސް މިނިސްޓްރީން ރައްޔިތުންގެ މަޖިލީހަށް ހުށަހެޅި ބަޖެޓުން އެންޓި-ކޮރަޕްޝަން ކޮމިޝަން (އޭސީސީ) ގެ އަސްލު މަސްއޫލިއްޔަތު އަދާކުރުމަށް ލިބެނީ އެންމެ 1.2 މިލިއަން ރުފިޔާ ކަމަށް ބުނެ، މުވައްޒަފުންގެ މުސާރަ އާއި ކޮމިޝަނުގެ ބަޖެޓު ބޮޑުކޮށްދިނުމަށް އެ ކޮމިޝަނުން އެދިއްޖެ އެވެ.