ހައިކޯޓްގެ ފަނޑިޔާރު ކަމަށް ޖަމީލް އައްޔަނު ކުރައްވައިފި
ހައިކޯޓުގެ ފަނޑިޔާރުކަމަށް ލ. މާވަށް ނަލަމަލަ، ޢަބްދުﷲ ޖަމީލް މޫސާ މިރޭ އައްޔަނު ކުރައްވައިފި އެވެ.
މަގާމުގެ ހުވާ ކުރެއްވުމަށް ފަހު ހައިކޯޓްގެ ފަނޑިޔާރު ކަމަށް ޖަމީލް އައްޔަނު ކުރައްވާފައިވާ ކަން ހައިކޯޓުން މިރޭ ވަނީ އިއުލާނު ކުރައްވާފަ އެވެ. ޖަމީލު، ހައިކޯޓްގެ ފަނޑިޔާރަކަށް އައްޔަނު ކުރެއްވި ކަމުގެ ލިޔުން ހަވާލުކޮށް ދެއްވީ ޖޭއެސްސީގެ ރައީސް ރިޒާ އެވެ.
ހައިކޯޓުގެ ދެ ފަނޑިޔާރެއްގެ މަގާމު ހުސްވުމުން އެ މަގާމަށް ހުޅުވާލި އެވެ. ޖޭއެސްސީން ބުނީ ކުރީގެ ގާޒީ ޢަބްދުﷲ ޖަމީލް މޫސާ އަދި ހޯމް މިނިސްޓްރީގެ ކުރީގެ ޑެޕިއުޓީ މިނިސްޓަރު މުޙައްމަދު ޝަހީދު އައްޔަނުކުރުމަށް ކުރުމަށެވެ.
ނަމަވެސް ޝަހީދަކީ ސިޔާސީ މަގާމުތަކެއް ފުރުއްވާ އަދި ސިޔާސީ ކަންކަމުގައި ވަރަށް ބޮޑަށް ހަރަކާތްތެރިވި ބޭފުޅަކަށް ވުމުން އާންމުންނާއި އިިދިކޮޅު ސިޔާސީ ވެރީންނާއި ގާނޫނީ ބޭފުޅުން އަމާޒުކުރެއްވި ފާޑުކިޔުންތަކާއެކު ނަން ނެންގެވުމަށް ނިންމެވީ އެވެ..
ހައިކޯޓަށް އައްޔަނު ކުރެއްވި ޖަމީލް މޫސާއަކީ ކުއްލިއްޔަތުލް ދިރާސާތުލް އިސްލާމިއްޔާއިން ބެޗްލަރ އޮފް ޝަރީޢާ އެންޑް ލޯ ވިތް އޮނަރސް ހާސިލް ކުރައްވާފައިވާ ބޭފުޅެކެވެ. އޭނާ ވަނީ ފަނޑިޔާރުކަމުގައި 15 އަހަރަށްވުރެ ދިގުމުއްދަތަކަށް ޚިދުމަތް ކުރައްވާފައެވެ. އެގޮތުން ޖަމީލް ވަނީ ލ.ދަނބިދޫ މެޖިސްޓްރޭޓް ކޯޓުގެ މެޖިސްޓްރޭޓްކަމާއި، ސިވިލް ކޯޓުގެ ޤާޟީގެ މަޤާމް އަދާކުރައްވާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
