ވީއައިއޭއަށް އައި ފްލައި ދުބާއީގެ ބޯޓެއް ކުއްލި ހާލަތުގައި ޖައްސައިފި
ދުބާއީން ފުރައިގެން މިއަދު ހަވީރު ވެލާނާ އިންޓަރނޭޝަނަލް އެއާޕޯޓަށް އައި ފްލައި ދުބާއީގެ ފްލައިޓެއް އިމަޖެންސީގައި ރަންވޭއަށް ޖައްސައިފިއެވެ.
މައުލޫމާތު ލިބިފައިވާ ގޮތުގައި ބޯޓަށް ދިމާވި މައްސަލައަކާ ގުޅިގެން ރައްކާތެރިކަމުގެ ފިޔަވަޅެއްގެ ގޮތުން ބޯޓުގައި ހުރި ތެޔޮ މަދުކުރުމަށްޓަކައި ބޯޓު ވައިގެ ތެރޭގައި ގިނައިރު ވަނީ އުދުހިފައެވެ. އިންޖީނަށް މައްސަލައެއް ޖެހުނު ނަމަވެސް ބޯޓު ވަނީ ރައްކާތެރިކަމާއެކު އެމަޖެންސީގައި ވީއައިއޭއަށް ޖައްސާފައެވެ.
ބޯޓު ޖައްސާފައިވަނީ މިއަދު ހަވީރު 17:28 ގައެވެ. އެއީ ޖައްސަން ތާވަލުކުރި ވަގުތަށްވުރެ 30 މިނެޓް ލަސް ވަގުތެކެވެ.
ބޯޓު ޖެއްސިއިރު، އެމްއޭސީއެލްގެ އޮފިޝަލުންނާއި ފަޔަރ ރެސްކިއު ޓީމް ވަރަށް ފުރިހަމަޔަށް ތައްޔާރީ ހާލަތުގައި އޮތްކަމަށް ފްލައި ޑްބާއީގެ ރާއްޖޭގެ އޭޖެންޓް ވަނީ ފާހަގަކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
