އޮޑިޓަރ ޖެނެރަލް ހުސައިން ނިޔާޒީ ތިލަފުއްޓަށް
ލިޔުންތެރިޔާ
އަބްދުﷲ ހުސައިން
ދައުލަތުގެ ކުނި މެނޭޖްކުރުމުގެ ނިޒާމުތައް ގާތުން ބައްލަވައި މަޢުލޫމާތު ހޯއްދެވުމަށް އޮޑިޓަރ ޖެނެރަލް ޙުސައިން ނިޔާޒީ މިއަދު ތިމާވެށްޓާ ބެހޭ ވުޒާރާ އަދި ވޭސްޓް މެނޭޖްމަންޓް ކޯޕަރޭޝަން (ވެމްކޯ) ގެ އިސް ވެރިންނާ އެކު މިއަދު ތިލަފުށްޓަށް ވަޑައިގެންފިއެވެ.
ތިމާވެއްޓާ ބެހޭ ވުޒާރާއިން ބުނީ، އޮޑިޓަރ ޖެނެރަލްގެ މި ދަތުރުފުޅުގައި ތިލަފުށީގައި ކުނީގެ ކަންކަން ހިންގުމަށް ޤާއިމުކޮށްފައިވާ އެކި އިޖުރާއަތްތަކާއި ވަސީލަތްތައް ބެލެހެއްޓޭ ގޮތް ބައްލަވާލައްވާފައިވާކަމަށެވެ. އޭގެ އިތުރުން ޒަމާނީ ފެންވަރެއްގައި ކުނި ނައްތައިލުމުގެ ވަސީލަތްތައް ބިނާކުރުމަށް މިހާރު ކުރިއަށް ގެންދާ މަޝްރޫޢުތަކުގެ ފަހުގެ މަޢުލޫމާތު ވެސް ވަނީ އޮޅުންފިލުއްވައިފައެވެ.
މި ދާއިރާގައި ފޯރުކޮށްދޭ ޚިދުމަތްތައް އިތުރަށް ހަރުދަނާކޮށް ޒިންމާދާރުކަމާ އެކު ދެފުށް ފެންނަ ގޮތެއްގައި ކުރިއަށް ގެންދިޔުމަށް އެ ވުޒާރާއިން އަބަދުވެސް މަސައްކަތްކުރާނެ ކަމަށް ތިމާވެށްޓާ ބެހޭ ވުޒާރާއިން ވަނީ ހާމަކޮށްފައެވެ.
ރާއްޖެއަކީ ސާފުތާހިރު ދެމެހެއްޓެނިވި ވެއްޓެއް އޮތް ޤައުމަކަށް ހެދުމުގެ ލަނޑުދަނޑިއާ އެކު، ކުނީގެ ދާއިރާގެ ތަރައްޤީގެ މަޝްރޫޢުތައް ތިލަފުށީގައި ކުރިއަށް ދާކަމަށް ތިމާވެއްޓާބެހޭ ވުޒާރާއިން ވަނީ ފާހަގަކުރެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
