ަރައީސް ނަޝީދާއި ރައީސް ސޯލިހް
ަރައީސް ނަޝީދާއި ރައީސް ސޯލިހް
ހަބަރު 09 Jun 2026 | 00:08

ނަޝީދާއި ގުޅުން ގޯސްވި ގޮތް ސޯލިހް ވިދާޅުވެ ދެއްވައިފި، ނަޝީދު ބޭނުންވީ ބޮޑުވަޒީރުކަން

ކުރީގެ ރައީސް މުހައްމަދު ނަޝީދާއި ގުޅުން ގޯސްވި ސަބަބުތަކާއި ގުޅޭގޮތުން ކުރީގެ ރައީސް އިބްރާހިމް މުހައްމަދު ސޯލިހް, ފުރަތަމަ ފަހަރަށް މިއަދު ވަރަށް ތަފްސީލުކޮށް ވާހަކަ ދައްކަވައިފި އެވެ.

އެމަނިކުފާނު އެ މައުލޫގައި ވާހަކަފުޅު ދެއްކެވީ އެމްޑީޕިގެ ޗެއާޕާސަން އިންތިހާބުގެ ކެމްޕެއިންގައި މީކާއީލަށް ތާއީދު ހޯއްދެވުމަށް އައްޑޫ ސިޓީއަށް ކުރައްވާ ދަތުރުފުޅުގެ ތެރެއިން މަރަދޫގައި މިއަދު ހަވީރު ބޭއްވި ބައްދަލްވުމުގައި ވާހަކަފުޅު ދައްކަވަމުންނެވެ.

ސޯލިހް ވިދާޅުވި ގޮތުގައި ކޯލިޝަނަކާއެކު 2018 ވަނަ އަހަރު އުފެދުނު އެމަނިކުފާނުގެ ސަރުކާރުގައި މަޖިލީސް އިންތިހާބާ ހަމައަށް ޕާޓީ ދެމި އޮތީ ވަރަށް އެކުވެރިކަމާއެކު އެވެ. ނަމަވެސް މަޖިލީސް އިންތިހާބަށް ފަހު ކަންކަން މުޅީން ބަދަލުވެގެން ދިޔަ ކަމަށެވެ.

އޭގެ ކުރީން ވެސް ރިޔާސީ ނިޒާމަކުން ބަރުލަމާނީ ނިޒާމަކަށް ވެރިކަން ފުރޮޅާލަން ނަޝީދު ގެންދެވީ މަސައްކަތް ކުރައްވަމުން ކަމަށާ ކޯލިޝަނާއެކު އޮތް އެއްބަސްވުން އެކަމަށް ފުރުސަތު ނެތްކަން އެމަނިކުފާނަށް ދެންނެވި ކަމަށް ރައީސް ސޯލިހް ވިދާޅުވި އެވެ. އަދި މަޖިލީސް އިންތިހާބަށް ފަހު ފުރަތަމަ ބައްދަލްވުމުގައި ޕީޖީގެ ނިންމުންތައް ނިންމާނީ މުޅީން ވަކީން ކަމަށް ނިންމުމުން ސަރުކާރަށް ކުރިއަށްދާން ވަރަށް ދަތިވި ކަަމަށެވެ.

"އަޅުގަނޑަށް މަޖުބޫރުވި ސަރުކާރުން ހުށައަޅާ ކޮންމެ ބިލަކާ, ކޮންމެ މައްސަލައެއްގައި ލޮބީ ކޮށްގެން މެންބަރުންގެ ތާއީދު ހޯދަން. އަޅުގަނޑު އެ މަސައްކަތް ކުރަމުން ގެންދިޔައިން," ރައީސް ސޯލިހް ވިދާޅުވި އެވެ.

އަދި ނަޝީދުގެ ފެކްޝަންގެ މެންބަރުންގެ އަމަލުތައް އޭރު މަޖިލީސްތެރޭ ހުރި ގޮތް ހަނދާނަށް ގެންނަވާ އެ ވާހަކަތައް ވިދާޅުވި އެވެ.

"މަޖިލީސްތެރޭގައި ވަރަށް ހަޑިހުތުރުކޮށް ސަރުކާރަށާ އަޅުގަނޑަށް ނިސްބަތްކޮށް އަޅުގަނޑުމެންގެ މެންބަރުން ވާހަކަ ދައްކަން ފެށި. ވަގަށްވެސް ގޮވަނީ. ހަޑިހުތުރު އެއްޗެހިވެސް ގޮވަނީ. ސަރުކާރުން ރައްޔިތުންނަށް ކަމެއް ނުކޮށްދޭ ވާހަކަވެސް ގޮވަނީ. ހަގީގަތުގައި އޭރު އޮތް އޮޕޮޒިޝަނަށްވުރެ ބޮޑަށް ސަރުކާރު ފަލީހަތްކޮށް ރައްޔިތުންގެ ކުރިމަތީގައި އަގުވައްޓާލުމަށްޓަކައި އަޅުގަނޑުމެންގެ ތެރޭގައި ތިބި ބަޔަކު އެ މަސައްކަތްކުރި. އެ ދަތީގައި އަޅުގަނޑު މަަސައްކަތްކުރީ,"

ނަޝީދު ބޭނުންފުޅުވީ ވެރިކަމުގެ ފުރަތަމަ އަހަރު ނިޒާމު ބަދަލުކުރަން

ރައީސް ސޯލިހް ވިދާޅުވީ ރައީސްނަޝީދު ގުޅުއްވާފައި ފުރަތަމަ އަހަރުގެ ތެރޭގައި ފެންނަ ނުފެންނަ ވޯޓެއް ނަގަން އެދިވަޑައިގެންނެވި ކަމަށެވެ. އެއީ ރާއްޖެ ބަރުލަމާނީ ނިޒާމަކަށް ފުރޮޅާލަން ނަޝީދު ބޭނުންފުޅުވާތީ އެވެ.

ނަމަވެސް ކޯލިޝަން ޕާޓީތަކާއެކު އެގްރީމަންޓެއް އޮތުމުން އެ ދައުރަށް ފަހު އެފަދަ ވޯޓަކަށް ދެވިދާނެ ކަމަށް ދެންނެވި ނަމަވެސް ނަޝީދު އެކަން ގަބޫލުނުކުރެއްވި ކަަމަށް ސޯލިހް ވިދާޅުވި އެވެ.

"ތިމަންނާ ބޭނުމޭ 2023 ގެ އިންތިހާބުގެ ކުރީން ރެފަރެންޑަމަކަށް ދާން. އަނެއްކާ ވެސް އެއްކަހަލަ ވާހަކަ, ގޮސް ބަރުލަމާނީ ނިޒާމަކަށް ބަދަލުކޮށް ތިމަންނަ ބޮޑުވަޒީރެއްގެ ގޮތުގައި ސަރުކާރު ހިންގުމަށް ހަވާލުވާން," ހުރިހާ ވަޒީރުންނާއި މެންބަރުންނާއި މީޑިއާތަކަށްވެސް ނަޝީދު ފޮނުއްވެވި މެސެޖާއި ގުޅޭގޮތުން ސޯލިހް ވިދާޅުވި އެވެ.

ރައީސް ސޯލިހް މިއަދުވެސް ވިދާޅުވީ އޭރުވެސް ރާއްޖޭގެ ރައްޔިތުން ތިބީ ބަރުލަމާނީ ނިޒާމަކަށް ދާގޮތަށް ނޫން ކަމަށެވެ. ރައްޔިތުންގެ ވިސްނުން ހުރި ގޮތް ބެލުމަށް އޭރު ކުރެއްވި ދިރާސާތަކުން ފެންނަނީ އެންމެ މަތީން ވެސް އެކަމަށް ލިބޭނީ 20-25 އިންސައްތަ ކަމަށް ވިދާޅުވި އެވެ.

ޕްރައިމަރީއަށް ފަހު ނަޝީދު އެމްޑީޕީން ވަކިވެވަޑައިގަތުން

ސޯލިހް ވިދާޅުވީ 2023 ވަނަ އަހަރުގެ ރިޔާސީ އިންތިހާބަށް އެމްޑީޕީން ނެރޭނެ ކެންޑިޑޭޓަކު ކަނޑައަަޅަން ބޭއްވި ޕްރައިމަރީއަށް ދެ ރައީސުން ވެސް ނިކުންނެވީ މޮޅުވާ ކެންޑިޑޭޓަކާއެކު ކުރިއަށްދާނެ ކަމަށް ވިދާޅުވަމުން ނަމަވެސް އެކަން އެހެން ނުވި ކަަމަށެވެ.

އަދި ވެވަޑައިގެންނެވި ވައުދާއި ހިލާފުވެ ނަޝީދު އެމްޑީޕީން ވަކިވެވަޑައިގެން ޕާޓީއެއް ވެސް އުފެއްދެވީ ކަމަށެވެ.

އޭގެ ފަހުން ވެސް ނަޝީދާއެކު މަަސައްކަތް ކުރެއްވޭނެ ގޮތްތަކެއް ހޯއްދެވުމަށް މަސައްކަތް ކުރެއްވި ކަމަށް ވިދާޅުވެ އެކަމުގެ ތަފްސީލް ދެއްވި އެވެ.

ރިޔާސީ އިންތިހާބު އެމްޑީޕީއަށް ގެއްލުނީ ނަޝީދު އެކަހެރިކޮށް "އީގޯ" އިސްކޮށް ކުރެއްވި ކަންކަމުން ކަަމަށް ވިދާޅުވެ ކުރީގެ ފިނޭންސް މިނިސްޓަރު އިބްރާހިމް އަމީރު ދެއްކެވި ވާހަކަތަކަށް ވެސް ސޯލިހް ރައްދު ދެއްވި އެވެ. އަދި ނަޝީދާއެކު ކުރިއަށް ދެވޭނެ ރަނގަޅު ޕްރޮފޯސަލެއް ދެއްވި ކަމަށް އަމީރު ވިދާޅުވި ވާހަކަފުޅަށް ވެސް ރައްދު ދެއްވި އެވެ.

ރައީސް ސޯލިހް ވިދާޅުވީ ގެންނެވި ޕްރޮޕޯސަލް ގަބޫލުނުކުރެއްވި ކަމަށް ވިދާޅުވެ އަމީރު ދެއްކެވި ވާހަކަ އަކީ ހަގީގަތެއް ނޫން ކަމަށެވެ. އަދި އޭރު އެކި ކަހަލަ ޕްރޮފޯސަލްތައް ލިބުނު ކަމަށާ ނަޝީދުގެ ޑިމާންޑަކަށް އޭރުވެސް ވީއިންތިހާބުގެ ކުރީން ފެންނަ ނުފެންނަ ވޯޓެއް ނަގާނެ ކަން އިއުލާނު ކުރުމާއި, އިންތިހާބުވެއްޖެނަމަ ހުވާ ކުރެއްވުމުގެ ކުރީން އެ ވޯޓް ނެގުން ކަމަށް ރައީސް ސޯލިިހް ވިދާޅުވި އެވެ.

"އަޅުގަނޑުމެންގެ ވަޒީރުންގެ ތެރެއިން ތިން ބޭފުޅަކު ވަކިކުރަން ވެސް ޖެހޭ. އޭގެން އެއް ބޭފުޅަކު އެއީ [ކުރީގެ މިނިސްޓަރު އަމީރު] އެ ލިސްޓްގައި އޮތް, ވަކިކުރަން ޖެހޭ," އިތުރު ޝަރުތުތައް ވެސް ނަޝީދުގެ ޓީމުން ކުރިކަން ފާހަގަކޮށް ރައީސް ސޯލިހް ވިދާޅުވި އެވެ.

އެމަނިކުފާނު ވިދާޅުވީ އެކަންކަމަށް އެއްބަސްވެ އިއުލާނު ކުރެއްވިނަމަ ތާއީދު އިތުރަށް ދަށްވީސް ކަމަށެވެ. މީގެ އިތުރުން އިންތިހާބުން ނާކާމިޔާބުމުގައި ދަ ޑިމޮކްރެޓްސްގެ ލީޑާޝިޕުން ފެތުރި ދޮގުތަކާއި އިދިކޮޅު ޕާޓީތަކުން ފެތުރި ވާހަކަތަކުގެ ހަގީގަތް ސާފުކޮށް ނުދެވުން ހިމެނޭ ކަމަށް ވިދާޅުވި އެވެ.

އޭގެ ތެރޭގައި ޕާޓީގެ 39,000 މެންބަރުން ކަނޑާލަނީ ކަމަށް ބުނެ ނަޝީދު ދެއްކެވި ވާހަކަތަކާއި އިންޑިއާ ސިފައިން ރާއްޖޭގައި ތިބި ކަމަށް ބުނާ ވާހަކަ އާއި ވެންޓިލޭޓަރު ހިޔާނާތް ކަމަށް ބުނެ ދެއްކި ވާހަކަތަކުގެ ހަގީގަތް ސާފުކޮށް ނުދެވުން ހިމެނޭ ކަމަށް ވިދާޅުވި އެވެ.

ރައީސް ސޯލިހް މިރޭ ވެސް ވިދާޅުވީ ޕާޓީގެ މެންބަރުންނަށް ރައްދު ދެއްވަން ބޭނުންފުޅެއް ނުވެ އެވެ. ނަމަވެސް ހަގީގަތް ސާފުކޮށްދޭން ބައެއް ވާހަކަތައް ހިއްސާކުރަން ޖެހިވަޑައިގަންނަވާތީ އެކަންކަން ސާފުކޮށްދެއްވުމުގެ ގޮތުން އެ ވާހަކަތައް ވިދާޅުވެ ދެއްވީ އެވެ.

"ނިއުޅެމެންދާ ކަމަށްވާނަމަ ދައްކާނެ ކިތަންމެ ވާހަކައެއް އެބަހުރި" އިތުރަށްވެސް ދައްކަވާނެ ވާހަކަތައް އެބަހުރި ކަމަށް ވިދާޅުވެ ރައީސް ސޯލިހް ވިދާޅުވި އެެވެ.

ރައީސް ސޯލިހް ވަނީ އެމްޑީޕީގެ ހަމަޖެހުމާއި ބަދަހިކަމާއި އަދި 2028 ގެ ކާމިޔާބު ހޯދުމަށް މީކާއީލަށް ވޯޓް ދެއްވުމަށް އެދިވަޑައިގެންފަ އެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ހަމައެކަނި ވެރިން ކޮޓަރި ކޮޓަރީގަ ތިއްބަވައިގެން ނިންމަވާ ކަންކަން ކުރިޔަށް ނުގެންދެވޭނޭކަން މި ދަނީ ފެންނަމުން: ރައީސް ނަޝީދު
21 Nov 2026 ހަބަރު

ހަމައެކަނި ވެރިން ކޮޓަރި ކޮޓަރީގަ ތިއްބަވައިގެން ނިންމަވާ ކަންކަން ކުރިޔަށް ނުގެންދެވޭނޭކަން މި ދަނީ ފެންނަމުން: ރައީސް ނަޝީދު

ރައީސް ނަޝީދު ވިދާޅުވި ގޮތުގައި އެންމެ ބޮޑު އެއް ކަންބޮޑުވުމަކީ ފުށިދިއްގަރުފަޅުގައި ސަރުކާރުން ހިންގަން ރާވާފައިވާ މަޝްރޫޢާ ގުޅޭގޮތުން ރައްޔިތުންނަށް އެއްވެސް މައުލޫމާތެއް ނުލިބި، އެކަން ދެފުށް ނުފެންނަ ގޮތަށް ހިނގަމުންދިއުމެވެ