”މިއީ ނަޝީދު ޗެއަރޕާސަން ކަމަށް ކުރިމަތިލައްވާއިރު އެހެން ބޭފުޅަކަށް ފުރުސަތު ދޭންޖެހޭ ދަނޑިވަޅެއް ނޫން“

ކުރީގެ ރައީސް މުޙައްމަދު ނަޝީދު އެމް.ޑީ.ޕީގެ ޗެއަރޕާސަންގެ މަގާމުގައި ހިދުމަތް ކުރެއްވުމަށް ތައްޔާރަށް ހުންނެވި ދަނޑިވަޅެއްގައި، އެހެން ފަރާތަކަށް އެ ފުރުސަތު ދޭންޖެހޭ ސަބަބެއް އޮތް ކަމަށް ގަބޫލުނުކުރައްވާ ކަމަށް ކުޅުދުއްފުށި ސިޓީގެ ޑެޕިއުޓީ މޭޔަރު އަހުމަދު އަބްދުالله ވިދާޅުވެއްޖެއެވެ.

ޑެޕިއުޓީ މޭޔަރު އަހުމަދު އަބްދުالله މިހެން ވިދާޅުވީ އެމް.ޑީ.ޕީގެ އެތެރޭގެ އިންތިޚާބާ ގުޅޭގޮތުން އެނާގެ ފޭސްބުކް ޕޭޖުގައި ކުރެއްވި ޕޯސްޓެއްގައެވެ.

އޭނާ ފާހަގަކުރެއްވި ގޮތުގައި މިވަގުތު ޕާޓީއަށް އެންމެ ބޮޑަށް ބޭނުންވަނީ އެމް.ޑީ.ޕީގެ އަސްލު ސިޔާސަތުތައް ނަގަހައްޓާނެ ވަރުގަދަ ސިޔާސީ ލީޑަރެކެވެ.

"އެންމެނަށްވެސް ގަބޫލުކުރެވޭ ހަގީގަތަކީ، ޕާޓީއަށްވެސް ގައުމަށްވެސް ބޮޑު ބަދަލެއް އަންނަންޖެހޭކަން. އެފަދަ ބޮޑު ބަދަލެއް ގެނައުމަށް ބޭނުންވަނީ ތަޖުރިބާހުރި ހިތްވަރުގަދަ ލީޑަރެއް،" އަހުމަދު އަބްދުاللهގެ ޕޯސްޓުގައިވެއެވެ.

އޭނާ އިތުރަށް ވިދާޅުވީ، ކުޅުދުއްފުއްޓާއި ބޮޑުތިލަދުންމަތި އަދި މުޅި އުތުރުގެ ސަރަހައްދަށްވެސް އެންމެ ފައިދާހުރި ގޮތަކީ މި ބަދަލު ގެނައުމަށްޓަކައި ޗެއަރޕާސަން އިންތިހާބުގައި ރައީސް ނަޝީދަށް ތާއީދުކުރުން ކަމަށެވެ.

މީގެ އިތުރުން، އޭނާ ވަނީ ކުރިއަށް އޮތް އިންތިޚާބުގައި ކުޅުދުއްފުށި ސިޓީން ރައީސް ނަޝީދަށް ބޮޑު ތާއީދެއް ލިބޭނެ ކަމުގެ ޔަގީންކަން ދެއްވާފައެވެ.

"މާތް ﷲގެ ހެޔޮރަހުމަތާއި އެކު، އެކުގައި ކުރާ މަސައްކަތުން ކުޅުދުއްފުށި ސިޓީ ބޮޑުތަނުން ރައީސް ނަޝީދު ނަގާނެ،" އޭނާ ވިދާޅުވިއެވެ.

އެމް.ޑީ.ޕީގެ އެތެރޭގެ އިންތިޚާބުގައި އެންމެ ވާދަވެރިކަން ބޮޑީ ރައީސް ނަޝީދާއި، މެންބަރު މީކާއިލް އަހުމަދު ނަސީމްއާ ދެމެދުގައެވެ.