އޮޅުވެލިފުށީ އައުޓްޑޯ ވޮލީ ކޯޓު ހުޅުވައިފި
ޒަމާނީ ފެންވަރަށް ޅ. އޮޅުވެލިފުށީގައި އަލަށް ތަރައްޤީކުރި އައުޓްޑޯ ވޮލީބޯޅަ ކޯޓު ރަސްމީކޮށް ހުޅުވައިފިއެވެ.
މި ވޮލީ ކޯޓު ހުޅުއްވާދެއްވީ ކުޅިވަރާއި ހަށިހެޔޮކަމާއިބެހޭ ވަޒީރު ޢަބްދުﷲ ރާފިޢުއާއި ކުރެންދޫ ދާއިރާގެ މެންބަރު މުހައްމަދު ޝާމިން ހަބީބާއި އޮޅުވެލިފުށީ ކައުންސިލުގެ މެންބަރުންނެވެ.
މި ވޮލީ ކޯޓަކީ ކުޅިވަރާއި ހަށިހެޔޮކަމާއި ބެހޭ ވުޒާރާއިން ރައްޔިތުންގެ މަޖިލީހުގެ ކުރެންދޫ ދާއިރާގެ މެންބަރު މުހައްމަދު ޝާމިން ހަބީބު އަދި އޮޅުވެލިފުށީ ކައުންސިލުގެ އެހީތެރިކަމާއެކު ނިންމާފައިވާ ކޯޓެކެވެ. އަހަރެއްހާ ދުވަހުގެ ތެރޭ މި ކޯޓުގައި ވަނީ ޒަމާނީ ފެންވަރަށް ޓާފު އަޅާ ދުވާލާއި ރޭގަނޑުވެސް ބޭނުން ކުރެވޭގޮތަށް ލައިޓްހަރުކޮށް، ފެންސް ޖަހާ ވަށާފާރު ރާނާ ނިންމާފައެވެ.
އޮޅުވެލިފުށީ ވޮލީކޯޓު ހުޅުވުމަށްފަހު ރޭ ވަނީ ހާއްސަ މެޗެއް ކުޅެފައެވެ. އޮޅުވެލިފުށީ ކައުންސިލުން ބުނެފައިވަނީ އުންމީދަކީ އެރަށުގައި ވޮލީ ކުރިއަރާ މޮޅެތި ކުޅުންތެރިން އުފެދިގެން އައުން ކަމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
