ާމަޖިލިސް އިންތިހާބުގެ އެއްބަސްވުމެއް ނޯންނާނެ: ތަރުޖަމާނު
ލިޔުންތެރިޔާ
ޝަފްރާޒް އަހްމަދު
އަންނަ އަހަރުގެ ރައްޔިތުންގެ މަޖިލީހުގެ އިންތިހާބުގައި ގުޅިފައިވާ ޕާޓީތަކުގެ އިއްތިހާދުން އެކުގައި މަސައްކަތްކުރުމަށް އެއްވެސް އެއްބަސްވުމެއް އެކުލަވާލާފައިނުވާނެކަމަށް ރައީސުލްޖުމްހޫރިއްޔާގެ ތަރުޖަމާނު އިބްރާހިމް ހޫދު ވިދާޅުވެއްޖެއެވެ.
ބައެއް މީޑިޔާތަކަށް މައުލޫމާތު ދެއްވަމުން ހޫދު ވިދާޅުވީ މަޖިލިސް އިންތިޚާބުގައި އެކުގައި ވާދަކުރުމާއި މެދު ޚާއްސަ އެއްބަސްވުމެއް އެކުލަވާލާފައިވާ ނުވާނެކަމަށާއި، ނަމަވެސް ސަރުކާރު އެކުލަވާލުމަށް އެއްބަސްވުމެއް އޮންނާނެކަމަށެވެ. އަދި ކެބިނެޓުގެ މަގާމުތައްވެސް ހަމަޖެހިފައިވަނީ މި އެއްބަސްވުމުގެ ދަށުންކަމަށް ހޫދުވަނީ ފާހަގަކޮށްފައެވެ
މި އެއްބަސްވުމަކީ ލިޔެވިފައިވާ ވަކި ލިޔުމެއްކަމަށް ހޫދު ވިދާޅުވެފައެއް ނުވެއެވެ.
ނަމަވެސް ކޯލިޝަން އިން އެކުގައި މަޖިލިސް އިންތިޚާބުގައި ވާދަކުރާނެކަމަށް ބުނެ ސޮއިކޮށްފައިވާ ލިޔުމެއް ދަނީ ސޯޝަލް މީޑިޔާގައި ދައުރުވަމުންނެވެ. މި އެއްބަސްވުމުގެ ވާހަކަ އިއްތިހާދުގެ އެހެން ބައިވެރިން ދަނީ ދައްކަމުންނެވެ.
ފާހަގަކޮށްލެވޭ ގޮތުގައި ރޭ ބޭއްވުނު އެމްޑީޕީގެ ގައުމީ މަޖިލީހުގައި އެޕާޓީން ވަނީ ރައްޔިތުންގެ މަޖިލީހުގެ 87 ގޮނޑިއަށް ވަކިން ކުރިމަތިލުމަށް ފާސްކޮށްފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
