އީދުގައި ފެނުނު މަންޒަރުތަކުން އަލީ؛ ހިތާމައިގެ ކޮޅެއް ވެސް ނެތް
ލިޔުންތެރިޔާ
އަހުމަދު ހަމީދު އާދަމް
ފަހުގެ ތާރީހެއްގައި އީދުގައި އަންހެންވެރީން ނުނަށާ ވަރަށް މި ބޮޑު އީދުގައި ނަށާފައިވާ ކަމަށާ އެއީ ހިތާމައިގެ ކޮޅެއް ނެތްހާ ދެރަ ކަމެއް ކަމަށް ދައުވަތުގެ މައިދާނުގައި މުހިންމު ދައުރެއް އަދާކުރަމުން އަންނަ އަލީ ރަމީޒު ވިދާޅުވެއްޖެ އެވެ.
އަލީ ރަމީޒަކީ ދިވެހީންގެ ވަރަށް ބޮޑު އިހްތިރާމަކާއި ގަދަރެއް ހޯދާފައިވާ ބޭފުޅެކެވެ. މީގެ ވިއްސަކަށް އަހަރު ކުރީން ފެށިގެން އަލީ ގެންދަނީ ދީނީ ކަންކަމަށް ދިވެހީން ހޭލުންތެރި ކުރުވާ ދައުވަތު ފެތުރުމުގައި ވަރަށް މުހިންމު ދައުރެއް އަދާ ކުރަމުންނެވެ.
އަލީގެ ސޯޝަލް މީޑިއާ އެކައުންޓްތަކުން މިއަދު ކުރި ޕޯސްޓެއްގައި ވިދާޅުވީ ފަހުގެ ތާރީހެއްގައި އީދުގައި އަންހެންވެރީން ނުނަށާ ވަރަށް މި ބޮޑު އީދުގައި ނަށާފައިވާ ކަމަށާ އެއީ ހިތާމައިގެ ކޮޅެއް ނެތްހާ ދެރަ ކަމެއް ކަމަށެވެ.
ނިމިގެންދިޔަ އަލްހާ އީދުގައި އުފާފާޅުކުުރުމުގެ ނަމުގައި ދެ ޖިންސު މަސްހުނިވެ ނެށުމާއި އެ ނޫން ވެސް ވަރަށް ގިނަ މުންކަރާތްތައް ރާއްޖޭގެ އެކި ކަންކޮޅުތަކުން ވަރަށް ބޮޑަށް ފެނިގެން ދިޔަ އެވެ. ބައެއް މީހުން ދެކޭ ގޮތުގަައި މިފަހަރު އެކަން ބޮޑުވީ ސަގާފަތާއި އާދަކާދަ ދިރިވުމުގެ ނަމުގައި ސަރުކާރުން އިސްވެ ހުޅުވައިދިން ފުރުސަތެއްގެ ސަބަބުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
