އެޗްޕީއޭއިން އިރުޝާދު ދިނީ ސްކޫލް ޗުއްޓީގައި ސިއްހަތަށް ސަމާލުވެގެން އުޅުމަށް
ލިޔުންތެރިޔާ
އަބްދުﷲ ހުސައިން
ސްކޫލް ޗުއްޓީ ހޭދަކުރުމުގައި ދުޅަހެޔޮ ސިއްހަތަކަށް ސަމާލުކަން ދިނުމަށް ހެލްތު ޕްރޮޓެކްޝަން އޭޖެންސީ، އެޗްޕީއޭއިން އެދެފިއެވެ.
ހިނގަމުން މިދަނީ ދިރާސީ އަހަރުެގ ފުރަތަމަ ޓާމްފެ ސްކޫލްތަކުގެ ދަރިވަރުންގެ ޗުއްޓީ ދުވަސްވަރެވެ. އެޗްޕީއޭއިން ވަނީ، އާއިލާއާއެކު އުފާވެރި ޗުއްޓީއެއް ހޭދަކުރުމުގައި ދުޅަހެޔޮ ސިއްހަތެއްގައި ހުރުމަށް ކުރެވިދާނޭ ބައެއް ކަންކަން ފާހަގަކޮށްފައެވެ. އެގޮތުން ލޮނު، ހަކުރު އަދި ޓްރާންސްފެޓް ގިަނ ކާނާ އާއި ބުއިންތަކާ ދުރުހެލިވުމާއި، ދުންފަތާއި ދުމުން ރައްކާތެރިވުމަށް ވަނީ އެދިފައެވެ.
މީގެ އިތުރުން ހެލިފެލިވެ ހަރަކާތްތެރިވުމާއި، މިންހެޔޮ ކާނާ ކެއުމާއި، ބަރުދަން ހުްނނަންޖެހޭ މިންވަރުގައި ހިފެހެއްޓުމަށްވެސް ވަނީ އިރުޝާދު ދީފައެވެ.
ދިރާސީ އަހަރުގެ ފުރަތަމަ ޓާމް ޗުއްޓީއަށް ދަރިވަރުން ގޮސްފައިވަނީ މިދިޔަ ބްރާސްފަތި ދުވަހުއެވެ. މިދުވަސްވަރު މޫސުން ރަނަގޅުކަމުން ގިނަ ބަޔަކު މާލެއިން ބޭރަށް ކުދިންގޮވައިގެން ގޮސްފައިވާއިރު، ދަރިވަރުންނަށް 16 ދުވަހުގެ ޗުއްޓީއެއް މި ބަންދުގައި ލިބޭނެއެވެ. އެހެންކަމުން ދަރިވަރުންގެ ކިޔެވުން ދެން ފެށޭނީ އަންނަ އޮގަސްޓްމަހުގެ ދެވަނަ ދުވަހުއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
