ޔުނައިޓެޑް ރޯޔަލް ކޮޅަށް 13 ލަނޑު ޖަހައި، ގްރޫޕް އެކެއްގެ އެއްވަނަ ރޯޔަލް ސިޓީއަށް

ކުޑަހުވަދޫ ބޮޑު ޢީދު ފުޓްސަލް ޗެލެންޖް 1447 ގެ ގްރޫޕް އެކެއްގައި ރޭ ރޯޔަލްސް ސިޓީ އިން ޔުނައިޓެޑް ރޯޔަލް ކޮޅަށް 13 ލަނޑުޖަހައި އެޓީމްގެ ފެންވަރު ދައްކާލައިފިއެވެ.

ރޯޔަލް ސިޓީން މޮޅަށް ކުޅުނު މިމެޗް އެޓީމުން ކާމިޔާބުކުރީ 13-2 ގެ ނަތީޖާއަކުންނެވެ.

މި މެޗުގައި ރޯޔަލްސް ސިޓީގެ ފަރާތުން ފެނިގެންދިޔައީ ނުރައްކާތެރި އެޓޭކިން ކުޅުމެކެވެ. މި މެޗުގައި އެންމެ ފާހަގަކޮށްލެވުނީ އެމާދު ސޯލިމަންގެ މޮޅު ކުޅުމެވެ. އޭނާ ވަނީ ހަތަރު ލަނޑު ޖަހައި މެޗްގެ މޮޅު ކުޅުންތެރިޔާގެ މަގާމް ހޯދާފައެވެ. ރޯޔަލް ސިޓީގެ ތިން ކުޅުން ތެރިއަކު ވަނީ މި މެޗްގައި ހެޓްރިކް ހަދާފައެވެ. އެއީ އެމާދުގެ އިތުރުން އަރީފް މަހްމޫދު އަދި އަހްނަފް އިސްމާއީލް އެވެ.

މި ނަތީޖާއާ އެކު ރޯޔަލްސް ސިޓީ ވަނީ ދެ މެޗުން ހަ ޕޮއިންޓް ހޯދައި ގްރޫޕް އެކެއްގެ އެއްވަނައިގައި އޮތް މައިދާން އެސްސީއާ ޕޮއިންޓުގެ ގޮތުން އެއްވަރުވެފައެވެ. ނަމަވެސް ފައިދާ ގޯލުގެ ތަފާތުން ކުރި ލިބެނީ ރޯޔަލް ސިޓީއަށެވެ.

ޔުނައިޓެޑް ރޯޔަލްސް އަށް ދެ މެޗުން ވެސް ބަލިވެ، ޕޮއިންޓެއް ނުލިބި ގްރޫޕްގެ ފުލުގައި އޮތުމުން ކުރިއަށް ހުރި މެޗުތަކުގައި ރަނގަޅު ނަތީޖާތަކެއް ނެރެން ޖެހޭނެއެވެ.