ޔޫއޭއީން އާސަންދައިގެ ހިދުމަތް ދޭން ވަރަށް އަވަހަށް ފަށާނެ: ތަރުޖަމާނު
އެކުވެރި އަރަބު އިމާރާތް (ޔޫއޭއީ) އިން އާސަންދައިގެ ހިދުމަތް ދޭން ވަރަށް އަވަހަށް ފަށާނެ ކަމަށް ސަރުކާރުގެ އިސް ތަރުޖަމާނު މުހައްމަދު ހުސެއިން ޝަރީފް (މުންދު) ވިދާޅުވެއްޖެއެވެ.
މުންދު މިހެން ވިދާޅުވެފައިވަނީ، މިއަދު ސަރުކާރުން ސަރުކާރުގެ އިސް ތަރުޖަމާނާއެކު ކޮންމެ ހަފުތާއަކު ބުރާސްފަތި ދުވަހު ސިލްސިލާ ގޮތެއްގައި ބާއްވާ "ޕްރެސް ވިތް ސްޕޯކްސް" ގެ ނަމުން ކުރިއަށްގެންދާ ފުރަތަމަ ނޫސްވެރިންގެ ބައްދަލުވުމުގައި ވާހަކަދައްކަވަމުންނެވެ.
ސަރުކާރުގެ އާސަަންދާ ސްކީމާ ގުޅޭގޮތުން ބެހޭގޮތުން ނޫސްވެރިއަކު ދެންނެވި ސުވާލަކަށް ޖަވާބު ދެއްވަމުން މުންދު ވިދާޅުވީ، ޔޫއޭއިން އާސަންދައިގެ ހިދުމަތް ލިބޭނެ އިންތިޒާމު ހަމަޖެއްސުމަށް ސަރުކާރުން މަސައްކަތް ކުރަމުންދާކަމަށެވެ. އެގޮތުން މުންދު ސަފީރެއްގެ ގޮތުގައި ޔޫއޭއީގައި ހުންނެވިއިރުވެސް އެޤައުމުން ދިވެހިންނަށް އާސަންދައިގެ ހިދުމަތްދިނުމަށް އެންސްޕާއިން މަސައްކަތް ކުރަމުންދިޔަކަން އޭނާ ފާހަގަކުރެއްވިއެވެ.
އެ ޕްރޮސެސް މިހާރު ކުރިއަށް އެބަދޭ މާ ލަހެއް އިރާދަކުރެއްވިއްޔާ އެކަމަށް ހާއްސަ ފަރުވާ ބޭނުންވާ ބޭފުޅުން ޗެނަލް ކުރެވެން ފަށާނެ
މުންދު ވިދާޅުވިއެވެ.
މުންދު ވިދާޅުވީ، ޔޫއޭއީގެ އިތުރުން ތައިލެންޑުންވެސް އާސަންދަ ލިބޭނޭ މަގު ތަނަވަސްކުރުމަށް މަސައްކަތް ކުރިއަށްދާކަމަށެވެ.
ސަރުކާރުން އާސަންދައިގެ ހިދުމަތް ފުޅާކުރުމުގެ ގޮތުން މިދިޔަ އަހަރު ވަނީ، ތައިލެންޑާއި ޔޫއޭއީގައި އާސަންދައިގެ ހިދުމަތް ލިބޭނެ އިންތިޒާމު ހަމަޖެއްސުމުގެ މަސައްކަތް ފަށާފައެވެ. އެގޮތުން އެ ގައުމުތަކަށް ފޮނުވާނީ، އާސަންދައިގެ ދަށުން މިހާރުވެސް ކަވަރ ކުރަމުންދާ އިންޑިއާ އާއި ސްރީލަންކާއިން ފަރުވާ ނުލިބޭ ބަލިތަކަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
