އަމީރުލްހައްޖު ދިވެހި ހާޖިންނާއި ބައްދަލު ކުރައްވައިފި
ލިޔުންތެރިޔާ
އަހުމަދު ހަމީދު އާދަމް
މި އަހަރު ޙައްޖުވެރިންގެ އެންމެ އިސްވެރިއެއްގެ ގޮތުގައި ރައީސުލްޖުމްހޫރިއްޔާ ޑރ. މުަހައްމަދު މުޢިއްޒު ކަނޑައަޅުއްވާފައިވާ، އިޤްތިޞާދީ ތަރައްޤީއާއި ދަތުރުފަތުރާއި ވިޔަފާރިއާ ބެހޭ ވަޒީރު މުޙައްމަދު ސަޢީދު، ދިވެހި ޙައްޖުވެރިންނާ ބައްދަލުކުރައްވައިފި އެވެ.
ވަޒީރު ވަނީ ހައްޖުވެރީންނާއި ވަކިވަކީން ވެސް ބައްދަލުކުރައްވާ ކަންކަން އޮޅުންފިލުއްވާފަ އެވެ. އަދި އެއްވެސް ކަންބޮޑުވުމެއް އަދި ދައްޗެއް އޮތްްތޯ އޮޅުންފިލުއްވި އެވެ.
މި އަހަރު އިސް ޝެއިޚެއްގެ ގޮތުގައި ވަޑައިގެންނެވީ ޑރ. އިލްޔާސް ހުސައިންނެވެ.
މި އަހަރުވެސް ރާއްޖެއިން 1،000 މީހުން ހައްޖުގެ އަޅުކަމަށް ވަނީ ފުރާފަ އެވެ. އެ މީހުން ފުރީ ތިން ބުރެއްގެ މަތީންނެވެ. މި އަހަރުގެ ހައްޖު ދުވަހަކީ އަންނަ އަންގާރަ ދުވަހެވެ.
މި އަހަރު ދިވެހި ހާޖީންގެ ހުރިހާ ކަމެއްވެސް ވަރަށް ފުރިހަމައަށް ހަމަޖެހިފައިވާ ކަމަށް ހައްޖު ކޯޕަރޭޝަނުން ބުނެ އެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
