މާލޭގައި ބިދޭސީއަކު، ބިދޭސީއަކަށް ތޫނު އެއްޗަކުން ހަމަލާދީ ޒަހަމްކޮށްލައިފި
މާލޭގެ މަގުމަތީގައި ބިދޭސީއަކު ބިދޭސީއަކަށް ތޫނު އެއްޗަކުން ހަމަލާދީ މިރޭ ޒަހަމް ކޮށްލައިފިއެވެ.
މި ހަމަލާ އާއި ގުޅިގެ ފުލުހުން ވިދާޅުވީ މުތީ ގޯޅީގައި ބިދޭސީއަކަށް ތޫނު އެއްޗަކުން ހަމަލާދީފައިވާ ކަމަށް 19:26 ހާއިރު ފުލުހުންނަށް ރިޕޯޓުކޮށްފައިވާ ކަމަށާއި، އަދި އަނިޔާވި ފިރިހެން މީހާއަށް ފަރުވާ ދިނުމަށް އައިޖީއެމްއެޗް އަށް ގެންގޮސްފައިވާ ކަމަށެވެ.
ފުލުހުން އިތުރަށް ވިދާލުވެފައިވާ ގޮތުގައި މި މައްސަލައިގައި މިހާރު ވަނި ބިދޭސީއަކު ހައްޔަރުކޮށްފައއެވެ. ކަމަށް ވެސް ފުލުހުން ވިދާޅުވިއެވެ. އަދި މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.
އާންމުވެފައިވާ ވީޑިއޯއަކުން ފެންނަ ގޮތުގައި ބިދޭސީ މީހާގެ ބޮލަށް ވަނީ އަނިޔާވެފައެވެ. އަދި އެމީހާ އަށް ފަރުވާ ދިނުމަށް ހޮސްޕިޓަލަށް ގެންދަނީ ފުލުހުންގެ ކާރެއްގައެވެ. ހަމައެވަގުތު ހަމަލާ ދިން ކަމަށް ތުހުމަތު ކުރެވޭ މީހާ އަތުގައި ބިޑި އަޅުވައިގެން ގެންދާ މަންޒަރު ފެނެއެވެ.
ބިދޭސީންގެ ފަރާތުން މި ފަހަކަށް އައިސް މާލޭގެ އިތުރުން ރާއްޖޭގެ އަތޮޅުތަކުގައިވެސް ވަރަށް ގިނައިން މިފަދަ މައްސަލަތައް ހިނަގމުންދާތަން ފެނެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
