ސިހުރު މައްސަލައެއްގައި ކަނޑިތީމު ގެތަކެއް ބަލައިފާސްކޮށްފި!
ސިހުރު ހަދާ ކަމަށް ތުހުމަތު ކުރެވޭ މައްސަލަތަކެއްގައި ކަނޑިތީމުގެ ބައެއް ގެތައް ބަލައިފާސްކޮށްފިއެވެ.
ފުލުހުން ބުނީ، ށ. ކަނޑިތީމުގައި ސިހުރު ހަދާ ކަމަށް ތުހުމަތު ކުރެވޭ މައްސަލަތަކެއް ރިޕޯޓު ކުރެވިފައިވާ ކަމަށާ، މި މައްސަލަތަކާ ގުޅިގެން ކުރިއަށް ގެންދިޔަ އޮޕަރޭޝަނެއްގައި ކޯޓު އަމުރުގެ ދަށުން އެ ރަށުގެ ބައެއް ގެތައް އިއްޔެ ބަލައިފާސްކޮށްފައިވާ ކަމަށެވެ.
ނަމަވެސް، މި މައްސަލަތަކާ ގުޅިގެން މިހާތަނަށް އެއްވެސް މީހަކު ހައްޔަރުކޮށްފައި ނުވާ ކަމަށް ފުލުހުން ބުނެފައިވެއެވެ.
މި މައްސަލަތަކާ ގުޅޭ އިތުރު ތަފްސީލެއް ހާމަކޮށްފައެއް ނުވެއެވެ.
ސިހުރު ހެދުމަކީ ދިވެހިރާއްޖޭގައި ޤާނޫނީ ގޮތުން މަނާ ކަމެކެވެ. އަދި އިސްލާމްދީނުގައިވެސް އެއީ ޙަރާމް ކަމަކަށްވާއިރު، އެފަދަ ކަންކަން މުޖުތަމަޢުގައި އާއްމުވެފައުވާކަން ފާހަގަކޮށްލަންޖެހެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
